1 CORINTO 9:23 - Tepehua Huehuetla

²³ Chai icpunavi chunch ni palai lhu catalaca'iniya' ju ixchivinti Dios ixlacata ju Cristo. Chai vachu' laich ac'a'aktaijuya' ju ali'in ixmakpitsica ju ixchivinti Dios.

1 CORINTO 9:23 Referans Kwoze

2 TIMOTEO 2:10

Chai yuchi chux iclhimak'alhk'ajnan va ixlacata'an ju asacxtulh ju Dios. Chai ju chunch ju yu'unch lai catatak'alhtaxtuya' ni catalhilaca'ana' ju Cristo Jesús. Chai vachu' laich catat'atolhk'alhiyanta ju Cristo ju lact'iyan.

MARCOS 8:35

Pus va tichi chavaich ju najun ni jantu quinch'ak'ok'aputun va ixlaca'atalh ni va lai maknicalh pus camak'ats'ank'aya' ju is'atsucunti ju ca'ix'alilh ju lact'iyan. Para va tichi chavaich ju camak'ats'ank'aya' ju is'atsucunti va ixlaca'atalh ni quinch'ak'ok'ai ju quit'in chai va ixlacata ni laca'ita ju chivinti ju najun ta yu lai tak'alhtaxtucan pus ca'alina' is'atsucunti ju lact'iyan.

1 XIVAN 1:3

Chai ju tuchi iclakts'intauch chai ju ick'asmat'auch pus yuchach ju iclajunau ju uxijnan. Ju chunch ju uxijnan vachu' a'una'it'it ix'amigojni ju quimpai'an Dios chai ju ists'alh ju Jesucristo juncan. Tachi ju quijnan ni ix'amigojni icjuntau vachu'.

JU ISRAELITANIN 3:14

Para ni va tachi calhilaca'anauch ju Cristo tus la'ix'aclanti qui'atsucunti'an tachi ju putai'ulatauch pus akts'iya ix'anuch conk'alhiyau.

GALACIA 2:5

Para nin lacats'unin jantu xac'anaviniyau ju ixk'achat'an ni jantu xaclacasq'uinau ni camapaxanicalh ju chivinti ixlacata ju Jesús ju iclajuntauch ju uxijnan.

JU ISRAELITANIN 3:1

Pus ju uxijnan ji qui'alak'avin is'ask'at'an Dios unt'at'it chai lhisacxt'uc'ant'at'it ni amachak'an lact'iyan a'una'it'it. Pus ap'ast'act'it ta yu junita ju Jesús. Pus ju Dios malakachatachilh ju ani. Chai ju yuchi xak'ai quimpali'an junita tachi ju laca'iyau ju quijnan'an.

2 TIMOTEO 2:6

Chai ju tam lapanac ju na lhixk'opta ix'ach'ananti pus yuchi ju p'ulhnan ca'amaklhtayananach ju xatoc'at. Pus tasq'uini ni vana va chun calau la'ixmacni ju Dios. Acsni slivasalh la'ixlhichux qui'alhunut'an canaviniyau ju ixlhich'alhcat pus calakts'inau ju xalhi'ut ju quilhich'alhcat'an ju ani lacamunutpa'.

2 CORINTO 2:4

Pus acsni icla'ats'oknunitau ju anu' alhiqui slivasalh ni xaclalhamak'anininau chai slivasalh na xaquixcani ju qui'alhunut tus na ick'alhulh. Jantiyu' ju iclalhi'ats'oknuniu ni va aclama'amak'aniniputu. Alai va xaclacasq'uin ni ap'uc'ats'aya'it'it ni vasalh na iclamapainiyau ju uxijnan.

1 CORINTO 9:12

Ju ali'in amamaka'unin ni lai akt'ai'uyat'it la'ixmaktasq'uinit'an ja va a ti quijnanch ju jantu lai aquintila'aktaiju ju laquimaktasq'uinit quinc'an. Pus mas lhijunch ni chunch aquila'ulhtu para jantu tavanan tu'u' iclasq'uinitauch ju uxijnan. Alai va iclhilak'a'itauch ju quimak'alhk'ajnat quinc'an acsni ix'alin ju quimaktasq'uinit quinc'an. Ju chunch jantu tu'u' lai cati'asastucnilh ju lapanacni acsni acnonau ju chivinti ixlacata ju Cristo.

1 PITALU' 5:1

Ju quit'in icmaklhinajun lacatalhavat ju talhilaca'anta ju Jesús. Chai iclakts'ilh ju ixmak'alhk'ajnat ju Cristo chai acmaklak'ayacana' ju Cristo acsni calakts'inau ni calak'ayacana' ju yuchi. Pus iclamap'aksiputunau ju uxijnan ju vachu' lhinonat'it lacatalhavat ju talhilaca'anta ju Jesús.

ROMA 11:17

Pus ju quint'a'israelitanin chunch tajunita tachi ju tu'u' ixmakp'u q'uiu ju olivo juncan. Pus ju ali'in sia yu'unch tachi ju va chakxmak'ancanta ni jantu ixtalaca'i. Chai ju uxijnan ju jantu israelitanin unt'at'it chunch unt'at'it tachi ju tu'u' xa'olivo lacaq'uivin. Pus ju chavai ni lhilac'ap'int'at'itch ju Cristo pus tachi ju va anchach laxaq'uiu ju k'oxiya olivo ju lok'on'uc'at'it junta ixtap'untach ju yu'unch ju achakxmak'ancantach. Chai ni anch ju lok'on'uc'at'it pus tachi ju va mak alin vachu' ju k'ox mi'atsucunti'an laxaq'uiu olivo ni vachu' amaklht'ayanana'it'it ju k'ox ju ix'axtakniputun ju quint'a'israelitanin ni ixtalaca'ilhch cava.

1 CORINTO 9:22

Acsni ict'a'ucxunt'ajun ju yu'unch ju jantuca' k'ox tamachakxai ixchivinti Dios pus vachu' chunch ju iclai tachi ju talai ju yu'unch junta jantu t'alasai ixchivinti Dios. Chunch ju iclai ni ts'a ma laich palai aquintak'asmatnilh acsni ic'ajuni ixlacata ju Jesús. Tachi ju junitach ju k'antam k'antam pus chunchach vachu' icmaktalacasui ju quit'in. Ts'a ma laich catalhilaca'alh ju Cristo ju ali'in lapanacni ju chunch.

1 CORINTO 9:24

Ju uxijnan c'ats'ayat'it ta yu talai ju talalhajai laca tu'u' ats'alhti. C'ats'ayat'it ni ixchux'an ju na ta'ats'alai para va pumatam ju lhajai. Pus chunchach vachu' alat'it ju pumatamin ju uxijnan. Chunch ju ats'uc'ut'it tachi ju laich alha'aya'it'it ju anu' ju caxt'ak'a' ju Dios ju lact'iyan.