1 CORINTO 10:6 - Tepehua Huehuetla

⁶ Pus tasq'uini ni ca'alacpastacnau acsni lakts'inau ju tuchi tapasalh la'is'atsucunti'an ju yu'unch. Ju chunch jantu vana calacasq'uinau ju taxtokni ju jantu k'ox lhiulai ju Dios tachi ju ixtalai ju yu'unch.

1 CORINTO 10:6 Referans Kwoze

JUDAS 1:7

Chai vana va chunch amamak'alhk'ajni ju amachak'an Sodoma chai ju amachak'an Gomorra chaich ju amachak'an ju ali' lak'achak'anixni ju vanin ixt'alach'apata. Slivasalh na ixta'alinch ju ixnavin'an chai ixtalalactu'ui sia lhijok'at chai ixtalalactu'ui sia lhichakolun. Pus mas chavai lai titasui ta yu xa'amamak'alhk'ajni ju Dios. Ju yuchi lana amaclak'o lacajipi. Chai ni chunch ju a'ulhtucalh pus va quintamapast'ac'aniyan ni alin ju alapna' ju jantu lai mixa tavanan. Chai anch ju camamak'alhk'ajnicana' ju jantu tamacomputun ix'alactu'unti'an.

1 CORINTO 10:11

Pus ni chunch ju tapasalh la'is'atsucunti'an ju yu'unch pus tasq'uini ni ca'alacpastacnau vachu' ju quijnan'an ju t'onau ju chavai acsni vanin minta ju avilhchan acsni caminchokoya' ju Cristo. Pus ju Dios lhinaulh ists'ok'ulaca la'ixchivinti tachi ju tanavilh ju yu'unch ni jantu vana va chun catailhi'au tachi ju talalh ju yu'unch.

JU ISRAELITANIN 4:11

Chai ni alin junta lai astacnancan la'ixmacni Dios pus yuchi calhilhistacchokocau qui'akstu'an ni laich catanu. Jantu xcai ni xamati' cats'ank'a ni va jantu calaca'i tachi ju talalh ju yu'unch ju jantu ixtalaca'i.

2 PITALU' 2:6

Vachu' ju Dios amuc'anilh ixtalak'alhin'an ju amachak'an lak'achak'an Sodoma chai Gomorra acsni amaclalh. Va lhc'ac'a va ju anuch lak'achak'anixni. Chunch ju navilh ju Dios ni va capu'amalacpastacniya' ju catatsucuya' astan ju jantuch catatalhoniya' ju Dios.

1 PITALU' 3:21

Chai tachi ju yu'unch ni tatak'alhtaxtulh ju lacxcan pus vana va chun ju nomputun acsni akpaxtauch. Acsni akpaxtauch putasui ni Dios ju quintamak'alhtaxtutanch va ixlaca'atalh ni ta'acxtuchokolh ju Jesucristo junta ixmacnucanta. Acsni akpaxtauch jantu va yu' ni va cach'ak'acalh ju quilacatuna'an ju laca tu'u' xcan. Para va nomputun ni lacasq'uinauch ni k'ox cava ju qui'alhunut'an ju la'ixmacni Dios.

ROMA 5:14

Para mas jantuca' ists'ok'ulacanta ju ixlhamap'aksin Dios para akts'iya tani tachi chun ju lapanacni ju ixtat'ajun tus acsni ixt'ajun ju Adán tus acsni ixt'ajun ju Moisés. Yuchi talhini ni va ta'alactu'unulh mas jantu tucan chun talalh tachi ju lalhch ju Adán. Pus va ixlacata ni alactu'unulh ju Adán si alactu'unin juntau ju chavai. Para va ixlacata ni quinichilh ju Cristo yuchi lai quintalhilakts'inan ju Dios ni salaka junita ju qui'alhunut'an.

JU ISRAELITANIN 9:24

Pus ju anu' chaka' ju ixtayajuta ju ani va chunch ju navicalh tachi ju alinacha ju lact'iyan junta lak'ayacan ju Dios. Pus ju Cristo acsni tavanan amaklhtayanalh ixpupali jantu tanu ju lacachaka' junta lak'ayacan Dios ju va ixtanavin lapanacni junita. Para ju Cristo alai tanu ju lact'iyan. Chai anch ju vilhcha ju chavai la'ix'ucxlacapu' Dios ju quilacata'an.