Sofonías 2:9 - Toba del Oeste

⁹ Chane'eja nayi ja'uo jenjo' 'yaqatac: di'me noic Moab nataq'aen Amón male qoyapalaĝa't qomle, ena'am ca'li di'me Sodoma nataq'aen Gomorra jo'ne yataqata qoyapalaĝa't joca'li. Naajo' Moab nataq'aen Amón male 'nonaĝa jo' qomle, chane'eja yejamaq jaga'me yaĝat da'me 'uo qomle, male aleua jo'ne 'noua. Jenjo' 'nachaqa' nach'e eta't da'me yataqata tochiñe. Chane'eja ga'me yalaqapi jo'ne maliaĝa nec'aletedaye male doĝotaĝatec qomle yema ga'me leuoyaĝa'j di'me Moab nataq'aen Amón, qama'le e'n mach'e loĝo't jena'me aleua. Mach'e jayem jo'ne Jaliaĝanec, Nedios joga'me Israel laje'pi.»

La'aqtaqa Ñim Lo'onatac 'Enauacna 2013

⁹ Qaq Aỹem maye ñeca'altauec, 'enapec Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi; na Moab le'ecpi 'eeta'am qome ye Sodoma, qaq nam llalaqpi so Amón qalaq 'eeta'am qome ye Gomorra, nache yemaye ñaxaalec qome ana huoue le'enaxat poqo, qataq hualec qome na toue, qataq yemaye nache 'eetai' qome da toolec. Qaq cam no'onañi qome nam ỹalamaxat nhuo' le'ecpi, deuotaxanec qome yemaye, qataq nache nalec qome yi'iye 'alhua.»

Sofonías 2:9 Referans Kwoze

Sofonías 3:13

Jogaa'me Israel laje' jo'ne qonec'alaĝatedegue qomle male ja yitaĝa yauote da'me ja no'en, male ja doqovinaĝa'n, nataq'aen ja dajotedaqueda nale doje'tape. Male yataqata machidiñe nale deque'tape, uotaĝa nale 'nomatedegue jogaa'me yataqata qaya'te t'oitedaque.»

Sofonías 2:14

Naa'me e'epa jo'ne lael jogaa'me 'lemaqa male qonaqa't, qama'le naajo' male nauelo jogaa'me nelopi jo'ne 'nanaĝatelpi nataq'aen yema joga'me yejidipi lae jo'ne onaĝayaqa nale. Ga'me uoqo' choqoga'me chidi't male netayelo jogaa'me najotenaĝal jo'ne locael nale t'oche'y, qama'le ga'me lajamaĝa chimaqapegue qomle ga'me te'me neventana ca'li. Nach'e ena'am joga'me poe 'uo da'me lamaic ue'ta ga'me te'me nadiiuo. Chayovida'alo gaa'me 'najoĝonataqa jo'ne p'adeuo ga'me emec joote qodeuodaĝaneque ca'li.

Sofonías 2:7

Qama'le jogaa'me Judá laje' jo'ne qonec'alaĝatedegue qomle male yitaĝa 'noĝodijeguem gaa'me 'lachaqa'te jena'me jenjo' aleua. Ñe'me Jaliaĝanec Dios male ue'tajopa jogaa'me, qama'le qoyen nichiquetaye qomle da'me leuoyaĝa'j. Chane'eja male naqaedi jo'ne ueteda'a da'me netelalo ga'me lalopi jo'ne quetaĝapi, qama'le da'me pi'yaq nale 'nomatedegue yec'atalo naa'me 'lachaqa'te di'me Ascalón.

Amós 1:13

Nach'e ena'am yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Amón, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yalateque gaa'me daĝanaqa'te gaa'me Galaad lajel jo'ne qo'uaĝael, da'me jetaque e'n nichigaĝatedegue di'me mach'e 'naleua'.

Amós 2:1

Nach'e ena'am yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Moab, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yegouelo ca'li gaa'me p'inaqa di'me lejaliaĝanec ga'me Edom laje'pi, chayovida'a da'me yataqata lojoche.

Zacarías 2:13

¡'Noota qom yema jena'me aleua yataqata 'yemaqata da'me qodajoya'aguet ñe'me Jaliaĝanec, qa'a joñe'me male naequena, qo'mi nec'atalo, chiyaqañe jodi'me ja 'nalegue jo'ne mach'e 'lachaqa'!