Sofonías 2:7 - Toba del Oeste

⁷ Qama'le jogaa'me Judá laje' jo'ne qonec'alaĝatedegue qomle male yitaĝa 'noĝodijeguem gaa'me 'lachaqa'te jena'me jenjo' aleua. Ñe'me Jaliaĝanec Dios male ue'tajopa jogaa'me, qama'le qoyen nichiquetaye qomle da'me leuoyaĝa'j. Chane'eja male naqaedi jo'ne ueteda'a da'me netelalo ga'me lalopi jo'ne quetaĝapi, qama'le da'me pi'yaq nale 'nomatedegue yec'atalo naa'me 'lachaqa'te di'me Ascalón.

La'aqtaqa Ñim Lo'onatac 'Enauacna 2013

⁷ Qaq cam lca'alaxaicpi qome na nhuo' le'ecpi maye lma' ye Judá, nalec qome yi'iye 'alhua qom anac Ñim Nataxala' maye Natamnaxala' namayepi, da itauan qataq naralaxat da na'achecỹaxac namayepi. Qaq nache hueta'a qome yemaye da ilotague' ana lalo qaguetapi, qaq ye pe qalaq hueta'a qome ye lma' so Ascalón da nmatec.

Sofonías 2:7 Referans Kwoze

Sofonías 3:20

Qom yovita ga'me nolo', male ami ñeda'alo jena'me 'yachaqa', male ami japetena't; male jen dalaĝaic da'me anejiyaĝauayaĝaqui, qama'le ja'uo da'me at'onaĝaqui nataq'aen da'me ani'yoĝodenaĝaqui da'me ami, qaedi yemeda naa'me noyaqa jena'me aleua male ami 'nonaĝachedigui qomle. Mach'e jayem Jaliaĝanec jo'ne ja 'nalegue: naq'aeta da'me 'yaqatac.»

Miqueas 4:7

Yemeda naa'me naajo' jo'ne maliaĝa uo'oe, male jen noic dalaĝaic jo'ne yataqata 'uo da'me 'lañaĝac. Chane'eja da'me jayem jo'ne jayem Jaliaĝanec male yataqata ñejaliaĝatelo'te gaa'me yalaqapi, da'me joue'ta na'me qajoĝonaĝa jo'ne Sión, da'me nayi chayovida'alo naa'me noloqo'ote jo'ne na'te'.

Miqueas 2:12

»Male jen yema'a't jo' qomle di'me noic jo'ne Jacob, nataq'aen jaconalo jogaa'me ja lama'y jo'ne ueteda'a di'me Israel. Male japetena't ena'am jaga'me 'nanaĝate, da'me jachaue jaga'me lae't, ena'am joga'me nelopi nale ue'ta ga'me auaqapiijat, qama'le yataqata yejam qa'a jalcote joga'me.

Abdías 1:19

Jogaa'me Israel laje'pi jo'ne ueteda'a jodi'me aleua Négueb male yataqata neda'ña qomle jodi'me 'naleua di'me Esaú, jo'ne uo'oe jogaa'me qajoĝona'a; qalaĝaja jogaa'me ueteda'a di'me aleua jo'ne nalo'ta't male yataqata neda'ña qomle jodi'me aleua jo'ne te'me 'lachaqa't gaa'me filisteopi. Nataq'aen nach'e ena'am male yataqata neda'ña jodi'me aleua jo'ne te'me 'lachaqa't jogaa'me c'oqo'tepi jodi'me Efraín choqodi'me aleua jo'ne Samaria. Chayovida'alo jogaa'me c'oqo'tepi di'me Benjamín male yataqata neda'ña qomle di'me aleua jo'ne Galaad.

Miqueas 4:10

Am noic jo'ne ona'ña di'me Sión, ¡am lecoqotapega't nayi, nataq'aen a'nalaqatapijeguem! ¡Auena'am jaga'me yauo nale dayalitac da'me jetaque c'oe! Qa'a am queda'e qomle ga'me ac'oqo'tepi qama'le neda'ña di'me aleua jo'ne 'nonaĝa, chayovida'a da'me yovideta qomle di'me noic laqaya jo'ne Babilonia. Qalaĝaja nach'edi yachiyoĝoteda'ña qomle male de'uolo'te ñe'me Jaliaĝanec jogaa'me lec'oqo'tepi, nec'alaĝate'guejopa jogaa'me laute'u.

Hageo 2:2

yamaĝalegue qaedi dojapegue' joñe'me Zorobabel choqoñe'me Josué, chayovida'a joga'me jiyaĝadipi lae:

Hageo 1:12

Chane'eja ñe'me Zorobabel nataq'aen Josué chayovida'alo jogaa'me jiyaĝa'u laqaya' male yataqata t'oita joga'me domachita ca'li jenjo' nenaĝategue joñe'me Dios, yataqata naquiaĝata ca'li ñe'me Hageo, qa'a nach'eñe joñe'me Jaliaĝanec jo'ne yamaĝalegue ca'li qaedi nenaĝategue jenjo'.

Sofonías 2:9

Chane'eja nayi ja'uo jenjo' 'yaqatac: di'me noic Moab nataq'aen Amón male qoyapalaĝa't qomle, ena'am ca'li di'me Sodoma nataq'aen Gomorra jo'ne yataqata qoyapalaĝa't joca'li. Naajo' Moab nataq'aen Amón male 'nonaĝa jo' qomle, chane'eja yejamaq jaga'me yaĝat da'me 'uo qomle, male aleua jo'ne 'noua. Jenjo' 'nachaqa' nach'e eta't da'me yataqata tochiñe. Chane'eja ga'me yalaqapi jo'ne maliaĝa nec'aletedaye male doĝotaĝatec qomle yema ga'me leuoyaĝa'j di'me Moab nataq'aen Amón, qama'le e'n mach'e loĝo't jena'me aleua. Mach'e jayem jo'ne Jaliaĝanec, Nedios joga'me Israel laje'pi.»

Rut 1:6

'Uo jo'me nolo' joca'li jañe'me Noemí domachilegue ñe'me Jaliaĝanec queda'me yitaĝa yichoĝoden di'me noic Israel, qama'le en yem ga'me noqouaĝa jo'ne ueta'ña di'me aleua.

Oseas 6:11

Nataq'aen ami Judá lec'oqo'tepi, nach'e ena'am 'uo jaĝa'te ga'me nolo' qom ja'uo joga'me adachoĝodequi, yajouaĝat da'me ja no'en jo'ne auauoyi nale. »Qalaĝaja qomle jetaque yitaĝa je'eteque da'me 'noota joga'me yalaqapi Israel.

Sofonías 3:13

Jogaa'me Israel laje' jo'ne qonec'alaĝatedegue qomle male ja yitaĝa yauote da'me ja no'en, male ja doqovinaĝa'n, nataq'aen ja dajotedaqueda nale doje'tape. Male yataqata machidiñe nale deque'tape, uotaĝa nale 'nomatedegue jogaa'me yataqata qaya'te t'oitedaque.»