Sofonías 2:1 - Toba del Oeste

¹ Ami Judá laje'pi: 'noota qom ademiya'a't qomle; ami pecayaqa: cha'li auajoi'tot joñe'me Dios.

La'aqtaqa Ñim Lo'onatac 'Enauacna 2013

¹ Ñaq qauataiỹa't, qataq qalapoñiỹa't qami' shiỹaxauapi maye qaica ca qara'agaqai,

Sofonías 2:1 Referans Kwoze

Joel 1:14

¡Aviyaĝañiyoue ga'me jiyaĝadipi qaedi anoqouaqachela't, qama'le ademiya'a nayi joñe'me Ja 'Nalegue! ¡Auec'achiya joga'me tamenaĝaiqui jo'ne 'lemec ñe'me Adet'ai mach'e Anedios! Auemachiya'a't qomle jogaa'me 'yaĝaicachidipi nataq'aen yema joga'me jiyaĝadipi jo'ne neteda'ña jena'me jenjo' aleua, qaedi yataqata qoyiyaĝanot joñe'me Jaliaĝanec.

Ester 4:16

«Auemata'a't qomle yemeda gaa'me judiopi jo'ne neteda'ña na'me Susa, qama'le yataqata jayem auajelaĝañilegue; cha'li ena'te auequiye nataq'aen ena'te aniyomi, aueñi nalo'taguet tres gaa'me noloqo'ote. Nach'e ena'ama naa'me yamaĝajel, chayovida'a jayem, cha'li ja jeque'yaq. Qom yem da'me dojo', male jec'ata ñe'me jaliaĝanec, mate mane'e ja qoyajen. Qama'le qom jetaque jayem qoyalat, 'noota qom naq'aeta da'me jayem qo'yetec qomle.»

Nehemías 9:1

Joga'me nolo' veinticuatro jo'ne nach'ega auoĝoic jo'ne séptimo, lenaĝat Etanim, jogaa'me Israel laje'pi yitaĝa yemetapega'ajalo qaedi noqouaqatela'ajalo; yatedañe jogaa'me leuo jo'ne ja no'en nataq'aen yecodelo'te joga'me aleua naa'me laqai'go.

Nehemías 8:1

Chane'eja ca'li yovita jo'me auoĝoic jo'ne séptimo, lenaĝat Etanim, gaa'me Israel lec'oqo'tepi joote yauo'oe naa'me yataqata 'lachaqa'te. Ga'me nolo' jo'ne 'uaeñe, qama'le yema jogaa'me jiyaĝadipi yema'a't, da'me ueda'a di'me nemaqa', ga'me dajoya'ya joga'me qotayape'uo jo'ne lenaĝat da'me Noĝop Ladiiuo. Qama'le joñe'me Esdras, jo'ne paĝaguenataĝanaĝaic nataq'aen tamenaĝaiqui lo'o, qodojapegue' qaedi yelaque jaga'me nede jo'ne uetalo'te jogaa'me lamajoĝonaĝaco joñe'me Jaliaĝanec, jo'ne qoyanema joca'li ñe'me Moisés qaedi qoyapaĝagueneque jogaa'me Israel lec'oqo'tepi.

Zacarías 11:8

Ca'li nalo'taguet onolec joga'me auoĝoic, qama'le uo'oe gaa'me tres nouatoqo't jo'ne jeladedegue ca'li. Naajo' qa'a male joualalo, nataq'aen yataqata jayem niquida'a.

Sofonías 3:5

Qalaĝaja joñe'me Jaliaĝanec quetalegue jena'me jenjo' noic; da'me 'lonataĝanaĝac nach'eda da'me chimaqachiñe, ja ja no'en joñe'me. Nale nete' ja qaya, qama'le eja ya'uo lec'atenaĝanaĝac nale. Qalaĝaja jogaa'me ja 'noe'n qamqa'me ja yaĝadiñe da'me 'letaĝaloĝo'j, qa'a yataqata qaya'te lepocoĝo'j.