Sofonías 1:7 - Toba del Oeste

⁷ ¡Aueñi tochiñe, da'me ami jo'ne auajoi'tot joñe'me Jaliaĝanec, qa'a male na'taquena joga'me nolo' jo'ne p'ategue! ¡Male na'taquena da'me lec'atenaĝanaĝac joñe'me Jaliaĝanec! ¡Joñe'me jetaque 'uo joga'me ya'uo ga'me lajaqajec, qama'le joote yiyaĝanalo jogaa'me laute'u, da'me natequena qaedi qoyala't ga'me Judá laje'pi!

La'aqtaqa Ñim Lo'onatac 'Enauacna 2013

⁷ ¡Ñaq qañe'emaxache da qauataito'ot Ñim Nataxala', cha'aye da lviraxac Ñimaye mashe nayeetai'! ¡Ñim Nataxala' mashe iqataxaatai' cam lachetaqtaxanaxat, qataq mashe iqui'itaxat na lcoyeguenatacpi!

Sofonías 1:7 Referans Kwoze

Habacuc 2:20

Qalaĝaja joñe'me Jaliaĝanec netaue ga'me ja 'nalegue netamenaĝaiqui: chane'eja yema da'me ami aleua laje'pi, ¡'noota qom auauoyi at'emaĝaqui da'me auajoyiyot joñe'me!

Zacarías 2:13

¡'Noota qom yema jena'me aleua yataqata 'yemaqata da'me qodajoya'aguet ñe'me Jaliaĝanec, qa'a joñe'me male naequena, qo'mi nec'atalo, chiyaqañe jodi'me ja 'nalegue jo'ne mach'e 'lachaqa'!

Sofonías 1:14

¡Male na'taquena ga'me nolo' jo'ne p'ategue! ¡Male nadi'tequena da'me lec'atenaĝanaĝac ñe'me Jaliaĝanec! ¡Male yovita ga'me nolo', qa'a male enegue da'me qoya'uo jenjo'! Qama'le yataqata totelo'te qomle ga'me jiyaĝadipi. ¡Chayovida'alo jogaa'me ja damichiguilo naa'me lai'li male 'yala' jo' qomle!

Joel 2:31

Jañe'me ajeua yitaĝa en 'naltapiye qomle, nataq'aen joñe'me auoĝoic qoyen ena'am jaga'me netauo', qama'le yamta'le novitequena ga'me nolo' jo'ne yovidaĝaiqui, nolo' jo'ne napalaĝa nataq'aen chaqaet'a. Naq'aeta da'me 'yaqatac, mach'e jayem Jaliaĝanec.»

1 Samuel 16:5

Qama'le 'yat ñe'me Samuel: «Jaa'a, naq'aeta jaĝa'te. Ñanaequena qaedi ja'uo da'me najaqajec jo'ne janem ñe'me Jaliaĝanec. Chane'eja aniyoyila't qama'le jayem anec'achiya.» Qama'le Samuel nach'e ena'am niyoiñe ñe'me Jesé choqonaa'me c'oqo'te, qama'le e'n yec'adeta ga'me ya'uo jo'ne lajaqajec.

Malaquías 4:1

«Joote nadi'tequena joga'me nolo' qom yataqachiñe edañguilo q'ae'n gaa'me qaleuaĝayaqa choqogaa'me 'yoĝodenaĝayaqa, ena'am ga'me auaqapi da'me yavi'j. Yataqachiñe qaya'te 'liyoĝot, qa'a 'uo da'me yalemataic, mach'e jayem Jaliaĝanec jo'ne ñapacalegue ena'uac.

Amós 6:10

Qama'le naqaena qomle da'me qoyauana: 'uo qomle ga'me jiyaĝaua naqategue ga'me lapat joga'me laqaya jo'ne joote yeleu, qama'le dojapegue' joga'me laqaya jo'ne netaue jo'me 'nachaqa': «¿Qo'li maliaĝa 'uo joga'me am ue'tajop?» Qama'le ga'me laqaya 'yateguet qomle: «Qaya.» Qama'le ga'me 'uaeñe male 'yateguet: «¡Cha'li at'emaqata: ja 'noota ta'le anenaĝategue da'me lenaĝat ñe'me Jaliaĝanec!»

Joel 2:11

Joñe'me Jaliaĝanec Ja 'Nalegue, nach'eñe dajo'tagueta naa'me mach'e lauegaqataqa, en qodomachiya da'me lajamaĝa, ena'am jaga'me qajoĝonaĝa. Yataqata jalcote jogaa'me mach'e leloiquiaĝanaĝanaqa, ja qoyaqanatet ta'le qonaloqoten jena'me yoqo'cha da'me lamajoĝonaĝac. ¡Yataqata 'uo da'me lichic let'adaic qom novita ga'me nolo' jo'ne p'ategue, ga'me nolo' qom nac joñe'me Jaliaĝanec! Qama'le yataqata qaya'te nalo'oguet jo' qomle.

1 Samuel 20:26

Jo'me jojo' nolo', ñe'me Saúl qaya'te nenaĝategue, qa'a joga'me lelnataĝac etapega 'uo joga'me lajouaĝac ñe'me David qama'le jona'li niyola't.

Joel 1:15

¡Yataqata nadi'tequena joga'me nolo' qom nac ñe'me Jaliaĝanec! Qama'le 'uo qomle da'me qadachoĝodec, yajouaĝat da'me qo'mi novitalo joga'me napalaĝa. ¡Nach'ena jenjo' 'lonatac joñe'me Qaya'te Yaqalatac!

Amós 8:3

Male na'ta ga'me nolo' qom naa'me nalaco di'me nejaliaĝaiqui ma'te noenaĝaco, yajouaĝat da'me jalcote jogaa'me yele'u qomle. Qama'le tochiñe da'me qoyajaĝadegue jogaa'me lapa'che. Naq'aeta da'me 'yaqatac, mach'e jayem Jaliaĝanec.»

Zacarías 14:1

Am Jerusalén, yamta'le novitequena ga'me nolo' jo'ne loĝot ñe'me Jaliaĝanec, qom male am qo'yiyelaĝateguet yema ga'me mach'e adoĝot jo'ne te'me qodotaĝanec.