Sofonías 1:18 - Toba del Oeste

¹⁸ Ga'me nolo' qom dalemata joñe'me Jaliaĝanec, male qaya'te nec'aletaye jena'me jiyaĝadipi da'me leuoyaĝa'j jo'ne plata uotaĝa jaga'me oro, qa'a ga'me lalemataic ñe'me Jaliaĝanec ena'am ga'me dole' t'adaic, qama'le qoyapalaĝat jo' qomle yema da'me 'nachaqayaĝac. ¡Yema jena'me jiyaĝadipi jena'me jenjo' aleua yataqata qoyapalaĝa't, ena'am ta'le 'uo ga'me yaviiñi, paja'a pa'l jo' qomle!

La'aqtaqa Ñim Lo'onatac 'Enauacna 2013

¹⁸ Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!

Sofonías 1:18 Referans Kwoze

Sofonías 3:8

Chane'eja nayi, cha'li jayem auajoi'ta da'me joñejeguem qomle qama'le yitaĝa ja'uo ga'me 'yaqatac, qaedi ami ja'aĝatema da'me 'uo joga'me je'eteque gaa'me noyaqa. Nach'ena jenjo' ñenaĝategue, mach'e jayem jo'ne Jaliaĝanec: male jen dajoya't yemeda gaa'me 'nachaqa'te, nataq'aen jiyaĝanalo jogaa'me lejaliaĝanaqa jogaa'me, qaedi male jecodelo'te jogaa'me da'me yalemataic, nataq'aen joda'me yec'atenaĝanaĝac jo'ne ja 'nalegue. Qa'a jena'me yalemataic ena'am ga'me dole' t'adaic, qama'le japalaĝat jo' qomle yema da'me 'nachaqayaĝac.

Sofonías 1:15

Qom yovita ga'me nolo', yataqata edañgui joñe'me Jaliaĝanec, qama'le 'uo da'me lachoĝode'j ga'me jiyaĝadipi nataq'aen da'me lachitatai'j, qa'a yataqata qoyen napalaĝa jo' qomle, chayovida'a da'me jalcote 'nalaĝac, qa'a 'uo joga'me 'lalaĝa nataq'aen 'uo joga'me ena'am ta'le nichaĝa; qama'le ja chiyoĝogue jo' qomle 'naltapiye, jalcote ga'me piyem lo'oc, male napo, qama'le 'naltapiye jo' qomle.

Sofonías 1:11

¡Nach'e ena'am a'ualaqaitayi, ami jo'ne ovi'ta jenjo' at'achaqadi' lenaĝat da'me Mactes, qa'a yemeda gaa'me menaĝayaqa yele'u jo' qomle, yemeda jogaa'me laicaual lo'ol nataq'aen qoyapalaĝa't qomle!

Sofonías 2:2

Tomaliaĝa ja ami 'te qoyachaqapiyelo, qaedi ja aueñiya'am ga'me lajoyiñe jo'ne qonaqat nale yajediñe ga'me layat. Qa'a male na'ta jo' qomle ga'me nolo' qom oviyaue da'me lalemataic joñe'me Jaliaĝanec jo'ne 'uo da'me lauaqayaĝac. Tomaliaĝa ja ami 'te uauelo da'me le'uaĝanaĝanaĝac joñe'me, jo'ne ena'am ta'le dole' lauaq.