Rut 1:17 - Toba del Oeste

¹⁷ Jeleua'ña joga'me oua'ña jo' qomle nataq'aen nach'ega jo'ne jetaque jayem qoyeji'ña jo' qomle, ga'me ua'ña na'me adapat. Jetaque ñe'me Jaliaĝanec jo'ne yataqachiñe qaya'te nalo'taguet, nach'eñe ya'uo ga'me yachoĝodec qom am joqovinec jena'me jenjo' 'yaqatac. 'Yaqatac laqaya qaya'te qo'mi yecolaĝachiguilo nayi, ¡chayovida'a qom qadoiquiaqa'!»

La'aqtaqa Ñim Lo'onatac 'Enauacna 2013

¹⁷ Qataq cam qouaña da 'aleu, nache souaña qome da seleu. Qataq ca huaña da 'am qailayiñi, nache souaña qome da aỹem qailayiñi. Qaq Ñim Nataxala' ỹataqta lta'araic naqa'en qome ca ñeuaxanaguec, da huo'otaq 'am sheca'ai, da saishet da nachera da nleuaxa da qomi' icolaxachiguilo.»

Rut 1:17 Referans Kwoze

1 Samuel 3:17

Joñe'me Elí male yenat: «¿Jach'e ga'me jo'ne am 'yaĝatem ñe'me Dios? Am ñachoĝodenot queda'me qaya'te jayem auoĝochi'ñejop. ¡Joñe'me Dios am yanem qomle joga'me adachoĝodec, qom te'me jayem auoĝochi'ñejop joga'me am 'yaĝatem!»

2 Samuel 19:13

Nach'e ena'am ñe'me jaliaĝanec en qot'aqataĝanem ñe'me Amasá, dojo' 'laqatac enaac: «Da'me am jo'ne mach'e am lae da'me ñejiyaĝauayaĝac, nach'e am qomle da'me am lajoĝola't ena'uaque gaa'me nalada't lo'olpi, male auaqauayet da'me 'lonataĝanaĝac ca'li ñe'me Joab. 'Noota qom ñe'me Dios jayem yachalegue da'me ñe'uaĝanaguec, qom ja yepaquichigui da'me dojo' ñenaĝategue.»

1 Samuel 25:22

¡'Noota qom ñe'me Dios ya'uo ñe'uaĝanaguec let'adaic, qom ja japalaĝat ga'me Nabal nataq'aen ena'uaque gaa'me le'mi jo'ne 'lachaqadiaĝa'u, chayovida'a qom nete'.»

2 Samuel 3:35

Yem qama'le David qodiquetape'uo da'me jetaque qoyen deque'e jo'me nolo', qalaĝaja joñe'me 'naĝatot joñe'me Dios, enaac: «'Noota qom ñe'me Dios jayem yachalegue da'me lalemataic, qom jalic ga'me pan uotaĝa gamachaqaega ga'me jo'ne qoyalic, qom jona'li yenoĝoñe jañe'me ajeua.»

2 Samuel 3:9

'Noota qom ñe'me Jaliaĝanec jayem yachalegue ga'me lalemataic, qom ja ja'uo ga'me yecochaĝac joñe'me David qaedi yauana ga'me joote 'naĝatot ca'li ñe'me Dios,

Rut 1:16

Qalaĝaja Rut 'yateguet joca'li: «Ena'te jayem a'uetec da'me dojo' qaedi am jeca'e, dite da'me yataqachiñe jayem eja da'me jajoyi ga'me auec'ata, nataq'aen da'me jona'ña joga'me ona'ña. Ga'me mach'e a'naleua nataq'aen jen 'ñaleua, chayovida'a ñe'me Anedios nataq'aen jen Ñedios.

Rut 4:15

Na'me nojo' naqaena am yanem da'me at'añaĝac da'me am 'yaĝaina', qa'a jenjo' adaual mach'e c'oĝot jana'me adate jo'ne yataqachiñe am noqopita, ¡onole qalaĝaja ena'am ta'le uo'oe gaa'me siete ac'oqo'te!»

1 Samuel 14:44

Qama'le Saúl 'yateguet: «¡'Noota qom Dios jayem yachalegue da'me lalemataic let'adaic qom ja adeleu, Jonatán!»

1 Samuel 20:13

Qalaĝaja qom ñe'me taĝadena' ja no'en da'me jetaque am 'yetec, qama'le am ja'aqataĝanem qomle qaedi auaqanatet da'me auajoyi. Qalaĝaja, qom ja am 'te ja'aqataĝanem, 'noota qom ñe'me Jaliaĝanec Dios lama'aja da'me lalemataic jayem yachalegue. Qama'le joñe'me Jaliaĝanec am ue'tajop, ena'am ca'li ue'tajop ñe'me taĝadena'.

2 Samuel 15:21

Ñe'me Itai 'yateguet ñe'me jaliaĝanec: «'Ñaĝatot ñe'me Dios nataq'aen da'me am jaliaĝanec, queda'me gamachaqaega ga'me auajoyi, anec'aletaye uotaĝa neleuaĝa am yedalegue, jayem jo'ne adalemaĝajet nach'e eta't da'me am joue'tajop.»