Oseas 9:7 - Toba del Oeste

⁷ ¡Male naditeda'a gaa'me noloqo'ote qom 'uo da'me adachoĝodequi, qom ami qoye'uaĝa'n, yajouaĝa't daa'me adoecodi' jo'ne ja 'noe'n! Qama'le ami Israel laje'pi male auayachiñe queda'me yataqachiñe eja. Qalaĝaja ch'e aue'viñetac jenjo' aqataĝanaĝaic, da'me aueñiyaac nale jenjo': «¡Dojo' yataqachiñe chiyoĝojec, ena'am ta'le qaya'te yayaten!» Qama'te aueñiyaac jenjo' qa'a yataqachiñe jayem adiquiyayi'ya, yajouaĝat da'me yataqachiñe ami najaĝayelo joda'me ja no'en.

La'aqtaqa Ñim Lo'onatac 'Enauacna 2013

⁷ ¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.

Oseas 9:7 Referans Kwoze

Miqueas 7:4

Joga'me uetauelo jo'ne te'me 'noota, nataq'aen joga'me te'me qouate'ca nale, naqaegaua jo'ne ch'e ena'ama gaa'me yaĝat. Qalaĝaja male novi' qomle joga'me nolo' jo'ne 'yaĝatetedac ca'li gaa'me vitaĝayaqa: joga'me nolo' qomle qoya'uo ne'uaĝanague'j, ¡qama'le novi' da'me 'uo joga'me lejomaĝa'j!

Miqueas 2:11

Qom 'uo joga'me qovinaĝanaĝaic ami dojapegue'to da'me enaac: “Da'me ami auañiya qomle joga'me lataĝa nataq'aen ga'me naquip jo'ne chem”, male naqaega jo'ne ena'am ta'le namaĝajec jo'ne qo'yamaqaten jena'me jenjo' jiyaĝadipi.

Sofonías 3:4

Jogaa'me te'me 'laqatanaĝanaĝanaqa yataqata 'yoĝodenaĝayaqa nataq'aen qovinaĝanaĝayaqa. Nataq'aen jogaa'me tamenaĝaiqui lo'ol, jo'ne tadoue nale ñe'me Dios 'lemec qama'le e'n ja ja 'nalegue joga'me niyamaqatac, nataq'aen netauoĝodelegue da'me lamajoĝonaĝac joñe'me Jaliaĝanec.

Amós 8:2

Qama'le jayem yenat ca'li ñe'me: «Amós: ¿jach'e ga'me male auana?» Qama'le ja'ateguet: «Jauana jona'me nachoĝonaĝaiqui jo'ne qoyachañgui jaga'me nana jala jo'ne joote yi.» Qama'le joñe'me Jaliaĝanec enaac: «Jena'me Israel lec'oqo'tepi ena'am ta'le joote yi': male laloqo' da'me ja yitaĝa ta'le jichoĝode'n.

Oseas 9:8

Dios jayem namaĝaquena ca'li, da'me jayem jo'ne 'laqatanaĝanaĝanec joñe'me, qaedi ami jevite'talo, ami Efraín lec'oqo'tepi. Qalaĝaja da'me ami yataqachiñe ja jayem 'te aualemaĝachi, chayovida'a nale ovitaue jena'me netamenaĝaiqui joñe'me Dios yataqachiñe jayem adiquiyayi'ya.

Oseas 8:13

Yataqachiñe noqopideta da'me yeguedoue ga'me lajaqaje'j, qama'le yali'j ga'me lapat joga'me qoyen lajaqaje'j. Qalaĝaja da'me jayem jo'ne Jaliaĝanec ja jetaque jaconegueta gaa'me lajaqaje'j, dite da'me male ñetouetaque daa'me 'lonataqa jo'ne ja 'noe'n, qama'le je'uaĝa'n qomle jogaa'me: ¡male yitaĝa qoyauegalo qomle di'me Egipto!

Oseas 14:1

A'niyelaq, am Israel, anec'ata joñe'me Jaliaĝanec mach'e Anedios, qa'a ena'am ta'le auapoguelaĝan ca'li, jouaĝat da'me adoec.

Oseas 5:9

Ami Israel lec'oqo'tepi, male auayachiñe da'me 'uo jo' qomle: qa'a yovita qomle ga'me nolo' jo'ne le'uaĝanaĝanaĝac joñe'me Jaliaĝanec, qama'le yataqachiñe qoyolaĝat jaĝa'te jena'me jenjo' aleua.