Oseas 9:6 - Toba del Oeste

⁶ Qa'a mate mane'e auajoyiye qomle, qaedi ami yaĝa'n ga'me qonolaĝachiñe, qalaĝaja gaa'me Egipto laje'pi male ami yaconalo, qama'le ua'a da'me ami qoyejedi'ña qomle di'me noic jo'ne Menfis. Ga'me auañiya jo'ne plata, yataqachiñe yejamaq nenoĝojeguem jaga'me poqo, chayovida'a joga'me adomachaqadi' male najeguem qomle jaga'me yaĝat.

La'aqtaqa Ñim Lo'onatac 'Enauacna 2013

⁶ Qaq da qoqui da qananeltaxañeeguet da qanhuaxanaguiiqui, nache na Egipto le'ecpi qami' ỹaconeua'alo qome, nache huaña ye Menfis da qami' ilalyiñi. Qaq ana qaraỹamaqtai plata qalaq ñaxaalec qome ana poqo no'onaxa lashe, qaq nam qaranataqa'aipi qalaq ñaxaalec qome ana qo'oipaqole maye huo'o ana le.

Oseas 9:6 Referans Kwoze

Oseas 10:8

Yataqachiñe qoyolaĝa't qomle gaa'me tamenaqa'te jo'ne uetalo'te gaa'me qajoĝona'a, qa'a jenjo' Israel laje'pi ueteda'a nale qaedi yauote loe'j. Chane'eja gaa'me c'atonaĝala'te nadije'ma qomle gaa'me laĝadiijat nataq'aen jaga'me yaĝat. Qama'le jogaa'me jiyaĝadipi enapegalo qomle gaa'me qajoĝona'a: «¡'Noota qom male qo'mi auoĝochidiñe!» Nach'e ena'am enapegalo qomle gaa'me comada'a: «¡'Noota qom a'naqaiñe, qo'mi ayilo'te qomle!»

Oseas 9:3

Ami Efraín lec'oqo'tepi, male ja oñita'ña ga'me mach'e a'naleuai, jo'ne ami yanema ca'li ñe'me Jaliaĝanec, qa'a a'viyelaqa'y qomle di'me Egipto nataq'aen di'me Asiria, qama'le aualiqui ga'me niqui'yaĝat jo'ne te'me ja ami 'te qoyaje'tema.

Oseas 8:13

Yataqachiñe noqopideta da'me yeguedoue ga'me lajaqaje'j, qama'le yali'j ga'me lapat joga'me qoyen lajaqaje'j. Qalaĝaja da'me jayem jo'ne Jaliaĝanec ja jetaque jaconegueta gaa'me lajaqaje'j, dite da'me male ñetouetaque daa'me 'lonataqa jo'ne ja 'noe'n, qama'le je'uaĝa'n qomle jogaa'me: ¡male yitaĝa qoyauegalo qomle di'me Egipto!

Oseas 7:16

Male jayem queda'e qaedi yec'adeta joñe'me qop'iyapega jo'ne ja eja; eda'am ga'me chiquenec namaqaic qa'a nach'e eta't da'me nepate'n da'me 'noota ladic. Jogaa'me lejaliaĝanaqa yele'u qomle uedalegue joga'me nalataqa', jouaĝat da'me jo'ne nenaĝatedegue da'me jayem nauteta, qama'le joga'me Egipto laje'pi yataqachiñe ye'ue'tape jogaa'me.»

Oseas 11:11

«Ena'am joga'me mayo' diviloĝol chiyoĝotegue jodi'me Egipto; chiyoqoda'a jodi'me Asiria ena'ama gaa'me doqoto'; qama'le jaje'tema ta'le yitaĝa nauelo jogaa'me 'lemaqa. Naq'aeta jenjo' 'yaqatac, mach'e jayem Jaliaĝanec jo'ne ja 'nalegue.

Oseas 7:13

»¡Degueja da'me lachoĝode'j qomle, qa'a yataqachiñe jayem yaĝadiñe! Yataqachiñe ja no'en joga'me ualo'te qomle, yajouaĝat da'me yataqachiñe jayem nauteta. Maliaĝa 'uo da'me yelnataĝac ta'le ñec'alaĝatedegue jogaa'me, qalaĝaja nach'edata da'me jayem yachedalegue da'me loqovinaĝanaĝa'j.

1 Samuel 13:6

Jogaa'me Israel laje'pi yauata da'me yataqachiñe ja qoyaĝa'tape, qa'a nach'e ena'am qodiquetapiñilo, quiiñguilo jogaa'me filisteopi. Chane'eja uo'oe gaa'me nañoĝochidiñe, tauelo gaa'me jauaco choqogaa'me limaĝañil nataq'aen yapinouelo gaa'me qadi, nataq'aen yauo'oe naa'me lete' jena'me aleua.

Oseas 2:6

»Chane'eja japadeta'uo qomle, japadiñgui da'me ladic, qama'le jachaue jaga'me qop'adit jo'ne yeda'at jaga'me yaĝat, qaedi ja yaqanatet ta'le yenoĝonegue.

Oseas 7:11

Qa'a eda'am joga'me doqoto' jo'ne dajotapi'ñgui, da'me ja yayaten ga'me ua'a da'me 'nomataqa': qa'a 'uaeñe da'me nachoĝodetot di'me Egipto qaedi qoyichoĝode'n; yem qama'le yec'adeta di'me Asiria.

Sofonías 1:11

¡Nach'e ena'am a'ualaqaitayi, ami jo'ne ovi'ta jenjo' at'achaqadi' lenaĝat da'me Mactes, qa'a yemeda gaa'me menaĝayaqa yele'u jo' qomle, yemeda jogaa'me laicaual lo'ol nataq'aen qoyapalaĝa't qomle!