Oseas 9:4 - Toba del Oeste

⁴ Male ja auaqanachichi ta'le auauoyi ga'me adajaqajequi jo'ne uva li'i, uotaĝa ta'le auañem ga'me adajaqajequi jo'ne qoyegoue nale. Joga'me pan lae jo'ne aualiqui qomle ena'am da'me lamaic joga'me pan nale yemta 'uo joga'me yeleu, qama'le ga'me yalic dojo' pan male taue joga'me ja no'en. Qa'a dojo' pan nach'edata da'me qoyalic qomle: qaya qomle ga'me lae jo'ne qoyen najaqajec qaedi qoyanem joñe'me Jaliaĝanec.

La'aqtaqa Ñim Lo'onatac 'Enauacna 2013

⁴ Huaña nache qaica ca lataxa da ỹanot Ñim Nataxala', qataq ana lachetaqtaxanaqtepi saishet da ỹaỹamaxaren Ñimaye. Qaq aca nauole maye chectac, qalaq 'eeta'am aca nauole da huo'o da nasouaxac, qaq cam chec acamaye nache saishet da qui'itta. Qaq namayepi ishet qome da chec aca'aca nauole, qalaxaye saishet qome da iroua'a añi atamnaxaqui maye lalamaqte Ñim Nataxala'.

Oseas 9:4 Referans Kwoze

Oseas 8:13

Yataqachiñe noqopideta da'me yeguedoue ga'me lajaqaje'j, qama'le yali'j ga'me lapat joga'me qoyen lajaqaje'j. Qalaĝaja da'me jayem jo'ne Jaliaĝanec ja jetaque jaconegueta gaa'me lajaqaje'j, dite da'me male ñetouetaque daa'me 'lonataqa jo'ne ja 'noe'n, qama'le je'uaĝa'n qomle jogaa'me: ¡male yitaĝa qoyauegalo qomle di'me Egipto!

Joel 2:14

Uotaĝa male ja ya'uo joga'me ane'uaĝanaguequi, qama'le ami namaĝalo da'me lichoĝodenataĝanaĝac: uotaĝa male ami yanema joga'me trigo jala choqoga'me uva li'i, qaedi yitaĝa auañem ga'me adajaqajequi joñe'me Jaliaĝanec mach'e Anedios.

Oseas 3:4

Qa'a nach'e ena'am joga'me Israel lec'oqo'tepi jalcote naa'me noloqo'ote qomle da'me qaya'te lejaliaĝane'j nataq'aen qaya'te lajoĝola't; qaya'te 'uo ga'me ya'uo lajaqaje ta'le qoyanem ñe'me Dios, nataq'aen qaya'te qa' jo'ne qoyen c'atonaĝala'; qayaua'te leuo lael jogaa'me tamenaĝaiqui lo'ol nataq'aen qayaua'te qomle gaa'me nequi'il jo'ne qonetamenoto nale.

Malaquías 2:13

Qalaĝaja da'me ami nataq'aen auauoyi jenjo': anoyeñitac nale ovi'ta ga'me tamenaqa', qama'le a'nalaqayitapijeguem, yajouaĝat da'me male ja qo'yamaqaten ga'me adajaqajequi jo'ne te'me auauoyi: yataqachiñe ja qoyaconeguet.

Amós 5:22

Qama'le ja jaconeguet joga'me adajaqajequi jo'ne auequiyoue nale jetaque jayem a'nonaĝachiigui; nataq'aen joga'me adaniqui jala, uotaĝa joga'me jiyac 'yaĝadaic jo'ne yelo'teguet da'me jayem a'niyelaqaiyot, qalaĝaja nach'e ena'am ja jaconeguet.

Joel 1:13

Ami tamenaĝaiqui lo'ol jo'ne auajoyi'taguet nale ga'me c'atonaĝala', auaeñidiñe qomle jogaa'me adeuo lael jo'ne ja 'noe'n qama'le yataqata anoyeñitac. Nataq'aen ami necochaĝa'u, 'uo qomle joda'me adayaliaĝaqui, qa'a jenjo' tamenaĝaiqui jo'ne Dios 'lemec male qaya'te joga'me yaqanatet ta'le nedo't ga'me trigo jala uotaĝa uva li'i qaedi qoyen najaqajec.

Joel 1:9

Nataq'aeta male noye'n gaa'me Dios nejoĝonaqa jo'ne tamenaĝaiqui lo'ol, qa'a joga'me tamenaĝaiqui qaya'te uva li'i uotaĝa ga'me trigo jala, qama'le qaya'te qoyen najaqajec ta'le qoyanem ñe'me Jaliaĝanec.

Oseas 7:16

Male jayem queda'e qaedi yec'adeta joñe'me qop'iyapega jo'ne ja eja; eda'am ga'me chiquenec namaqaic qa'a nach'e eta't da'me nepate'n da'me 'noota ladic. Jogaa'me lejaliaĝanaqa yele'u qomle uedalegue joga'me nalataqa', jouaĝat da'me jo'ne nenaĝatedegue da'me jayem nauteta, qama'le joga'me Egipto laje'pi yataqachiñe ye'ue'tape jogaa'me.»