Oseas 9:3 - Toba del Oeste

³ Ami Efraín lec'oqo'tepi, male ja oñita'ña ga'me mach'e a'naleuai, jo'ne ami yanema ca'li ñe'me Jaliaĝanec, qa'a a'viyelaqa'y qomle di'me Egipto nataq'aen di'me Asiria, qama'le aualiqui ga'me niqui'yaĝat jo'ne te'me ja ami 'te qoyaje'tema.

La'aqtaqa Ñim Lo'onatac 'Enauacna 2013

³ Qaq nache saishet qome da nache qoñeetalec na 'alhua maye lalamaxat Ñim Nataxala', nacherata da na Efraín, ỹe'eguelaxa qome ye Egipto, qataq ye Asiria yem huaña qome da chectac na nallec maye sa qaỹashenem namayepi da chec.

Oseas 9:3 Referans Kwoze

Oseas 8:13

Yataqachiñe noqopideta da'me yeguedoue ga'me lajaqaje'j, qama'le yali'j ga'me lapat joga'me qoyen lajaqaje'j. Qalaĝaja da'me jayem jo'ne Jaliaĝanec ja jetaque jaconegueta gaa'me lajaqaje'j, dite da'me male ñetouetaque daa'me 'lonataqa jo'ne ja 'noe'n, qama'le je'uaĝa'n qomle jogaa'me: ¡male yitaĝa qoyauegalo qomle di'me Egipto!

Oseas 7:11

Qa'a eda'am joga'me doqoto' jo'ne dajotapi'ñgui, da'me ja yayaten ga'me ua'a da'me 'nomataqa': qa'a 'uaeñe da'me nachoĝodetot di'me Egipto qaedi qoyichoĝode'n; yem qama'le yec'adeta di'me Asiria.

Miqueas 2:10

¡Oñejeguem! ¡Oquiye! Jenjo' 'nachaqa' ja naq'aeta ta'le a'nomataqadi'; qa'a qomle yataqata 'uo joga'me napalaĝa, yajouaĝat joda'me nayelo jogaa'me adoecodi'.

Oseas 11:11

«Ena'am joga'me mayo' diviloĝol chiyoĝotegue jodi'me Egipto; chiyoqoda'a jodi'me Asiria ena'ama gaa'me doqoto'; qama'le jaje'tema ta'le yitaĝa nauelo jogaa'me 'lemaqa. Naq'aeta jenjo' 'yaqatac, mach'e jayem Jaliaĝanec jo'ne ja 'nalegue.

Oseas 11:5

Qalaĝaja gaa'me yataqata ja jayem 'te 'viyelaĝadeta. Chane'eja qomle yitaĝa jen 'viyelaĝata jodi'me Egipto, qama'le nach'edi di'me Asiria male nejaliaĝatelo'te qomle jogaa'me.

Oseas 9:6

Qa'a mate mane'e auajoyiye qomle, qaedi ami yaĝa'n ga'me qonolaĝachiñe, qalaĝaja gaa'me Egipto laje'pi male ami yaconalo, qama'le ua'a da'me ami qoyejedi'ña qomle di'me noic jo'ne Menfis. Ga'me auañiya jo'ne plata, yataqachiñe yejamaq nenoĝojeguem jaga'me poqo, chayovida'a joga'me adomachaqadi' male najeguem qomle jaga'me yaĝat.

Oseas 7:16

Male jayem queda'e qaedi yec'adeta joñe'me qop'iyapega jo'ne ja eja; eda'am ga'me chiquenec namaqaic qa'a nach'e eta't da'me nepate'n da'me 'noota ladic. Jogaa'me lejaliaĝanaqa yele'u qomle uedalegue joga'me nalataqa', jouaĝat da'me jo'ne nenaĝatedegue da'me jayem nauteta, qama'le joga'me Egipto laje'pi yataqachiñe ye'ue'tape jogaa'me.»

Amós 7:17

Qalaĝaja naq'aeta ca'li jena'me jenjo' 'laqatac joñe'me Jaliaĝanec Dios: “Jana'me adoua yataqata yequejeguet qomle da'me ue'ta jena'me jenjo' noic, qama'le naa'me ac'oqo'te chayovida'alo naa'me ac'oqotel yataqata qoyala't qomle. Yataqata qonalichiguilo qomle naa'me a'nale'u. Da'me am qamqa'me oue'ta qomle di'me aleua jo'ne qaya'ague da'me adeleu. Qama'le jena'me Israel lec'oqo'tepi yataqata qoye'n neua'ac qomle, qaya'ague joga'me qoyauega q'ae'n.”»