Oseas 8:7 - Toba del Oeste

⁷ »Naa'me naajo' 'uo da'me lanaĝanaĝa'j ca'li: ena'am ta'le yaadiñe ca'li joga'me layat, qama'le ¡naqachidiñe qomle jaga'me qada'che lat'edae! Qa'a joga'me lanaĝanaqa't qaya'te 'uo joga'me chiyaqayi, nataq'aen joga'me nanec, qaya'te 'uo joga'me harina ta'le chiyaqayi. Chayovida'a qom 'uo joga'me te'me chiyaqayi, qama'le gaa'me jiyaĝa'u jo'ne ja 'lachaqa'tena, naqaegaua yali'j qomle.

La'aqtaqa Ñim Lo'onatac 'Enauacna 2013

⁷ Qaq cha'aye namayepi ỹaañi co'ollaxa na la'at, nache lqateguishec qome ca la'at lta'araic, nache ca lanaxanaqa' qaica ca ñaxaalec, qataq qaica ca lqateguishec trigo maye chegaqaigui na 'ayiiña, qaq da huo'o ca lqateguishec, nache chec qome nam chegaqauecpi.

Oseas 8:7 Referans Kwoze

Nahúm 1:3

Ñe'me Jaliaĝanec qa'a ja yalaĝadaic, qalaĝaja ñoqotaĝanaĝaic joñe'me, qama'le ja yaĝañi da'me ya'uo lachoĝode'j jogaa'me ja no'en da'me 'lonata'j. Joñe'me Jaliaĝanec quetaue nale ga'me nauomaĝa, qama'le naa'me piyem loje' ena'am nale ga'me yeuotac da'me en nemajeguem ga'me aleua.

Oseas 7:9

Qa'a joga'me Egipto laje'pi choqoga'me Asiria laje'pi jetaque doĝotaĝatec da'me 'lañaĝa'j ga'me Israel lec'oqo'tepi, qalaĝaja jogaa'me ja nomeda'a da'me dojo'. Male yovita qom 'te da'me loiquiaqa't, qalaĝaja nach'e ena'am ja nomeda'a da'me dojo'.

Oseas 2:9

Chane'eja yitaĝa jacona qomle yema joga'me joote janem: joga'me trigo jala nataq'aen jaga'me uva li'i, chayovida'alo gaa'me leuo lael, yema joĝotaĝanec qomle.

Oseas 9:16

Efraín 'uo nayi da'me lachoĝodec, ena'am jaga'me epaq nale qaqata joda'me pata', qama'le ja yitaĝa 'uo nale jaga'me jala. Chane'eja ena'ama naajo' Israel laje'pi: qom te'me uo'oe gaa'me c'oqo'te, qama'te yataqachiñe je'n yele'u qomle.»

Hageo 1:6

Qa'a jalcote da'me adanaĝanaĝaqui nale, qalaĝaja ja jalcote joda'me adaqataĝanaĝaqui; nach'e ena'am da'me auequiyetac, qalaĝaja ja auanomiyeguet ta'le adanodiye; chayovida'a da'me aniyomi nale, qalaĝaja ja qaya da'me noĝop lamaic; yataqata auaediñe jogaa'me adeuoi lael jo'ne jo'om lo'o, qalaĝaja maliaĝa adetiyi; nataq'aen joga'me onataĝanaĝaic te'me qoyejeten nale qalaĝaja qaya'te chiyaqayi.