Oseas 8:5 - Toba del Oeste

⁵ Yataqachiñe ami jalematayalo, ami Samaria laje'pi, yajouaĝat na'me uaca lequi'i jo'ne a'vichi ca'li qaedi qonetametapecot nale. ¿Jach'e joga ga'me ua'a da'me aĝañiñi?

La'aqtaqa Ñim Lo'onatac 'Enauacna 2013

⁵ Qaq qami' maye qarmaye na Samaria, aỹem ỹataqta seqaiga ñim ne'enaqtac huaca llalec, maye qanatamñeetacot. Nache aỹem ỹataqta 'eroigui da ỹalemataic da qami' salemataỹalo. ¿Chaq laguio' da qaviyiỹa da qami' qui'itte'?

Oseas 8:5 Referans Kwoze

Oseas 10:5

Jogaa'me Samaria laje'pi yataqachiñe deda'y nataq'aen noye'tape, yajouaĝat da'me male qoyajaĝañe ga'me uaca lequi'i jo'ne qonetametapecot nale di'me noic Bet-avén. Nach'e ena'ama gaa'me tamenaĝaiqui lo'olpi jo'ne neteleta nale yataqachiñe noyetedapelegue, qa'a joda'me 'lonaĝac male qaya.

Oseas 8:6

Ami Israel lec'oqo'tepi, ¡dijo' uaca le'em ja naqaedi ta'le Dios! Qa'a ch'e jiyaĝaua 'lonatac, qama'le 'uo joga'me ua'a qomle yitaĝa qoyolaĝat.

Oseas 13:2

Qama'te jogaa'me Efraín lec'oqo'tepi maliaĝa yauote loe'j. Chiyaqayi jaga'me plata da'me yauote ga'me netametot: jenjo' yauote nale neda'ña joga'me lelnataĝa'j, ga'me yauote naajo' onataĝanaĝayaqa. Enapega't nale: «Auauoyi adajaqajequi», qama'le joga'me jiyaĝadipi yataqata qonec'ouoq jenjo' uaca c'oĝot lequi'i.

Amós 8:14

Nach'e ena'am gaa'me p'iida'a joga'me qop'iyapega di'me Samaria, nataq'aen di'me Dan, chayovida'a di'me Beerseba: ena'uaque jogaa'me 'naqadañe qomle, ja yitaĝa 'niyelaĝadijeguem, qa'a yataqata yele'u.»

Oseas 10:8

Yataqachiñe qoyolaĝa't qomle gaa'me tamenaqa'te jo'ne uetalo'te gaa'me qajoĝona'a, qa'a jenjo' Israel laje'pi ueteda'a nale qaedi yauote loe'j. Chane'eja gaa'me c'atonaĝala'te nadije'ma qomle gaa'me laĝadiijat nataq'aen jaga'me yaĝat. Qama'le jogaa'me jiyaĝadipi enapegalo qomle gaa'me qajoĝona'a: «¡'Noota qom male qo'mi auoĝochidiñe!» Nach'e ena'am enapegalo qomle gaa'me comada'a: «¡'Noota qom a'naqaiñe, qo'mi ayilo'te qomle!»

Miqueas 1:7

Yemeda gaa'me nequi'il jo'ne qonetametapecoto yataqata jolaĝachiguilo qomle, chayovida'a da'me yataqata yavi'j yema jogaa'me chiyoqodayi ga'me nejetenague'j gaa'me quejeguetaĝael, qama'le jaga'me laicaua jo'ne chiyaqayi da'me nequejeguetaĝa, qomle jen loqote' gaa'me quejeguetaĝael laqaya'.»