Oseas 8:1 - Toba del Oeste

¹ Yitaĝa enaac joñe'me Jaliaĝanec: «Auajediye jana'me adajeede, qa'a yovita qomle ñe'me dalataĝanac, ena'am ga'me uole, qaedi yala't jogaa'me yalaqa. Ya'uo jenjo' yajouaĝat da'me ja 'yamaqate'n da'me 'ñaĝataĝac, qama'le ja 'yamaqate'n jogaa'me 'yaqataĝanaĝaco.

La'aqtaqa Ñim Lo'onatac 'Enauacna 2013

¹ e'Auashiiyigui qome aca nasheere, cha'aye mashe anacta na vi'ic da naỹa na lma' Ñim Nataxala', souaxat da sa qaipaguelec da ñaỹamaxataxac, qataq qaỹataỹa'agueta naua ỹamaxasoxonaxaco.

Oseas 8:1 Referans Kwoze

Oseas 6:7

»Qalaĝaja aueñiya'am di'me Adán: qa'a ch'e auenoĝoñi da'me ñiyamaĝataĝac, da'me jayem auoqoviñi nale.

Oseas 5:8

¡Auajediiyelo naa'me adajeedeldi'! ¡A'uaqataĝañiyema yemeda jogaa'me ueteda'a di'me Guibeá choqodi'me Ramá nataq'aen di'me Bet-avén! ¡'Noota qom niyamaĝateta'ajalo jogaa'me ueteda'a di'me Benjamín!

Habacuc 1:8

Gaa'me lalodi jo'ne pe'gadi yataqata vidiaqayaqa, napacalo'te gaa'me jauaĝayaqa, yataqata ouaqayaqa, ja ena'ama gaa'me yaliaĝadi jo'ne 'nonaĝa laje'. Gaa'me netalo'te naa'me pe'gadi yataqata jalcote jogaa'me, yataqata qaya'alo nale yauote da'me leloiquiaĝa'j, ena'am joga'me uole ch'e nagui'ña nale joga'me loĝonec.

Zacarías 11:1

¡A'uouatedegue gaa'me anajo'mi, am Líbano, qaedi ga'me dole' nauela'ajalo gaa'me e'epa cedro!

Zacarías 9:14

Joñe'me Jaliaĝanec yataqata naloĝon, ue'tajopa joga'me c'oqo'tepi, da'me yaedegue gaa'me lechiquenal, ena'am ga'me qajoĝonaĝa lauac nale. Dios mach'e Jaliaĝanec yajediye jaga'me najeede qomle, qama'le naquetaue joga'me uotep let'adaic chiyoĝogue di'me chaje'ma.

Sofonías 1:16

Qom yovita ga'me nolo', male qoyajediye jañe'me najeede, male qodomachiya ga'me 'lalaĝa'j gaa'me loiquiaĝayaqa, qama'le jalcote qoyen lachoĝodec gaa'me noyaqa t'adayaqa jo'ne te'me 'uo ga'me lequepaĝanaĝat jo'ne t'adaic nale.

Amós 9:1

Jauana joñe'me Jaliaĝanec ue'ta joga'me tamenaqa', qama'le jayem dojapegue', enaac: «¡A'uaĝan ga'me p'ajeguem jena'me ñetamenaĝaiqui, qaedi yema nemañe, qama'le qoyep'aĝadiñe ga'me jiyaĝadipi! Qom uo'oe jogaa'me te'me nec'aletedaye, naqaegaua qomle qoyedo'oque ga'me yataqata yaic yedaĝanaĝat. Te'me jetaque dajodegue, qalaĝaja yataqata qaya'te nec'aletaye qomle.

Amós 8:3

Male na'ta ga'me nolo' qom naa'me nalaco di'me nejaliaĝaiqui ma'te noenaĝaco, yajouaĝat da'me jalcote jogaa'me yele'u qomle. Qama'le tochiñe da'me qoyajaĝadegue jogaa'me lapa'che. Naq'aeta da'me 'yaqatac, mach'e jayem Jaliaĝanec.»

Amós 3:6

Nale qodomachiya jaga'me najeede qama'le joga'me jiyaĝadipi male jalilegue. Qom 'uo joga'me ja no'en jo'ne ualegue joga'me noic, qama'le yajouaĝat da'me nach'eñe ñe'me Jaliaĝanec ya'uo jena'me jenjo'.

Joel 2:1

¡Yataqata auajediiye jana'me najeede, ami jo'ne ovi'ta na'me qajoĝonaĝa jo'ne Sión! ¡Aueñi yejam jana'me najeede da'me 'uo ga'me ta'ta jona'me qajoĝonaĝa ja 'nalegue, mach'e loĝot joñe'me Jaliaĝanec! ¡Adiviloĝolii, da'me ami jo'ne ovita'ña na'me aleua jo'ne Judá, qa'a na'taquena ga'me nolo' qom nac joñe'me Jaliaĝanec!

Oseas 9:15

'Laqatac joñe'me Jaliaĝanec, enaac: «Chiyoqo'ta ca'li ueteda'a di'me aleua jo'ne Guilgal, male yema yauote da'me ja no'en, qama'le ua'a ca'li jiquiya'alo. Chane'eja male jeladedegue qomle jenjo' 'yachaqa', yajouaĝa't daa'me 'lonataĝanaĝaco jo'ne yataqachiñe ja 'noe'n. Male ja yitaĝa ta'le joqopitalo gaa'me, qa'a yemeda jogaa'me lajoĝola'te nach'e eta't da'me jayem ye'uetedac.

Oseas 4:6

Jenjo' noic jo'ne yalaqapi, qaya'te jayem yatetonaĝanaĝaneque, qama'le nayi male nimichidiñe. Da'me ami tamenaĝaiqui lo'ol, jouaĝat da'me ja jayem 'te a'uamaqachiñe, qama'le da'me jayem male ja ami 'te ja'amaqateneque ta'le ayoue jena'me ñetamenaĝaiqui. Da'me ami ja jetaque auoqochiya'alo naa'me yamajoĝonaĝaco, qama'le da'me jayem ja jaje'tema qomle gaa'me ac'oqo'chedi' ta'le qoye'n tamenaĝaiqui lo'ol.»

Joel 2:15

¡Male auajediiye jana'me najeede da'me ovi'ta di'me qajoĝonaĝa 'me lenaĝat da'me Sión! ¡Aviyaĝañiyoue joga'me jiyaĝadipi qama'le a'uaĝachiyema da'me 'noota qom yema noqouaqatela'ajalo, cha'li qoyema'a qonetamenot joñe'me Jaliaĝanec!