Oseas 7:8 - Toba del Oeste

⁸ Yitaĝa enaac joñe'me Jaliaĝanec: «Joga'me Israel lec'oqo'tepi male 'yamaqate'n jogaa'me jiyaĝa'u jo'ne ja jayem 'te p'iida'a; qama'le eda'am jaga'me pan jo'ne yavic: 'uo ga'me lae jo'ne joote dato, qalaĝaja ga'me lae laqaya maliaĝa ja dato.

La'aqtaqa Ñim Lo'onatac 'Enauacna 2013

⁸ So Efraín, ỹaleeguet nam ỹaqa'a nhuo' le'ecpi; qaq nache 'eeta'am ana nauole maye 'oonolec laỹe na dato.

Oseas 7:8 Referans Kwoze

Esdras 9:12

Chane'eja da'me ami, ena'te auajeñe'tema jogaa'me ac'oqocheldi' ta'le 'uonegueta jogaa'me nejo' jo'ne ja 'lachaqadiaĝa'u, uotaĝa ta'le jogaa'me ac'oqo'chedi' e'n loua' jogaa'me q'añolel jo'ne ja 'lachaqadiaĝa'u. Nataq'aen ena'te auajeñe'tema gaa'me 'lachaqa'tedi ta'le machidiñe, uotaĝa ta'le 'noote' jogaa'me. Qom naq'aeta da'me auauoyi qama'le yataqata ami 'uañaĝayaqa qomle, yataqata 'uo qomle ga'me adamaiqui da'me ovi'ta jena'me jenjo' aleua, qama'le qom 'te gaa'me ac'oqo'che chayovida'alo gaa'me adauadi' male yaqanate't ta'le yacota yema jena'me jenjo' jo'ne ami janema nayi.”

Malaquías 2:11

Yema gaa'me lec'oqo'tepi di'me Judá uo'oe daa'me laviyaĝaje'te, qa'a ja qoyoqo'cha joñe'me Dios: gaa'me neteda'ña di'me Jerusalén nataq'aen yema gaa'me Israel laje'pi yauote joga'me yataqata ja no'en. Gaa'me Judá laje' male ja yiyamaĝatetedac ga'me tamenaqa' jo'ne loĝot joñe'me Jaliaĝanec, jo'ne yataqachiñe noqopita, dite da'me e'n loua' gaa'me yauo' laqaya' jo'ne p'iya'alo gaa'me ja ejoda.

Esdras 9:1

Ca'li yem da'me jauoqo jena'me jenjo', qama'le 'uo ga'me nolo' da'me novi't jogaa'me najoĝola'te qama'le jayem dojedapegue', enaa'j: «Am ja'aĝataĝam jenjo' qadayi, chayovida'alo gaa'me tamenaĝaiqui lo'ol nataq'aen gaa'me levita laje', queda'me yataqata yalegouelo jogaa'me jiyaĝadipi jo'ne te'me ja qoyaje'tema ca'li, jo'ne ueteda'ña jenjo' aleua: mach'e Canaán laje'pi, nataq'aen hitita laje', ferezeo laje', gaa'me Jebús laje', amorreo laje', nataq'aen gaa'me Amón laje', gaa'me Moab laje' nataq'aen gaa'me Egipto laje', jo'ne yataqata ja no'en da'me nejiyaĝauayaĝa'j jo'ne yauote.

Sofonías 1:5

Nach'e ena'am japalaĝa't qomle jogaa'me netalo'te nale naa'me 'lemaqa qaedi netametot jañe'me ajeua nataq'aen joñe'me auoĝoic choqonaa'me uaqachiñil. Nataq'aen japalaĝa't qomle jogaa'me yejoidiñe naa'me leliquetel qaedi te'me jayem 'naĝatot qama'te nach'e ena'am yec'adeta nale ñe'me payac lenaĝat Milcom qaedi uotaĝa lecochiyalo.

Oseas 9:3

Ami Efraín lec'oqo'tepi, male ja oñita'ña ga'me mach'e a'naleuai, jo'ne ami yanema ca'li ñe'me Jaliaĝanec, qa'a a'viyelaqa'y qomle di'me Egipto nataq'aen di'me Asiria, qama'le aualiqui ga'me niqui'yaĝat jo'ne te'me ja ami 'te qoyaje'tema.

Oseas 5:13

»Qama'le di'me Israel male yauana qomle ga'me lachoĝodec, nataq'aen di'me Judá male yauana qomle da'me yédiñe. Chane'eja Israel yelaque qomle lichoĝodenataĝanaĝac ga'me nejaliaĝanec let'adaic jo'ne yelolegue di'me Asiria. ¡Qalaĝaja joñe'me ja yaqanatet ta'le ami nec'alaĝatedegue!

Oseas 5:7

Ch'e auadenaĝachi jaga'me quejeguetaĝae, qa'a auoqoviñi joñe'me Jaliaĝanec nale anetameñiyoto gaa'me ja ejoda; ena'am ta'le jogaa'me ac'oqo'chedi' male ja loqo'te joñe'me Jaliaĝanec. Chane'eja qom yenoĝonegue ga'me auoĝoic laqaya, qama'le paja'a da'me ami pa'l qomle nataq'aen qoyapalaĝat qomle ga'me a'naleuai.

Oseas 7:9

Qa'a joga'me Egipto laje'pi choqoga'me Asiria laje'pi jetaque doĝotaĝatec da'me 'lañaĝa'j ga'me Israel lec'oqo'tepi, qalaĝaja jogaa'me ja nomeda'a da'me dojo'. Male yovita qom 'te da'me loiquiaqa't, qalaĝaja nach'e ena'am ja nomeda'a da'me dojo'.