Oseas 7:11 - Toba del Oeste

¹¹ Qa'a eda'am joga'me doqoto' jo'ne dajotapi'ñgui, da'me ja yayaten ga'me ua'a da'me 'nomataqa': qa'a 'uaeñe da'me nachoĝodetot di'me Egipto qaedi qoyichoĝode'n; yem qama'le yec'adeta di'me Asiria.

La'aqtaqa Ñim Lo'onatac 'Enauacna 2013

¹¹ Qaq ye Efraín, qalaq 'eeta'am na qoto' da 'enaqaic qataq qaica ca lauattonaxanaxac, nache taỹa qome ye Egipto da iỹaxanaique ca ntaunaguec, ime, qaltaq taỹa ye Asiria.

Oseas 7:11 Referans Kwoze

Oseas 12:1

«Joga'me Efraín yecanac jena'me layat: yemeda naa'me noloqo'ote quetapegue' joga'me layat chiyoĝogue jena'me cha'ña. Nichiquetaye da'me loqovinaĝanaĝac, nataq'aen male yataqata qaleuaĝaic; yauote 'naĝataĝac nale uaĝayet jodi'me Asiria, qama'le yamaĝa aceite di'me Egipto, ch'e en neme.»

Oseas 5:13

»Qama'le di'me Israel male yauana qomle ga'me lachoĝodec, nataq'aen di'me Judá male yauana qomle da'me yédiñe. Chane'eja Israel yelaque qomle lichoĝodenataĝanaĝac ga'me nejaliaĝanec let'adaic jo'ne yelolegue di'me Asiria. ¡Qalaĝaja joñe'me ja yaqanatet ta'le ami nec'alaĝatedegue!

Oseas 11:11

«Ena'am joga'me mayo' diviloĝol chiyoĝotegue jodi'me Egipto; chiyoqoda'a jodi'me Asiria ena'ama gaa'me doqoto'; qama'le jaje'tema ta'le yitaĝa nauelo jogaa'me 'lemaqa. Naq'aeta jenjo' 'yaqatac, mach'e jayem Jaliaĝanec jo'ne ja 'nalegue.

Oseas 4:11

Yitaĝa enaac ñe'me Jaliaĝanec: «Jena'me yalaqapi ch'e quetapegue'to naa'me quejeguetaĝael, nataq'aen da'me niyomidigui nale ga'me lataĝa, qama'le ena'am ta'le yejoma'ape daa'me lelnataĝaco.

Oseas 9:3

Ami Efraín lec'oqo'tepi, male ja oñita'ña ga'me mach'e a'naleuai, jo'ne ami yanema ca'li ñe'me Jaliaĝanec, qa'a a'viyelaqa'y qomle di'me Egipto nataq'aen di'me Asiria, qama'le aualiqui ga'me niqui'yaĝat jo'ne te'me ja ami 'te qoyaje'tema.

Oseas 14:3

Asiria ja yaqanatet ta'le qo'mi nec'alaĝatedegue, uotaĝa jajoĝoye da'me jonaqalegue joga'me pegaq. Male ja jenaĝa “Qanedios” joga'me ch'e qat'onatac, qa'a am onolec am Jaliaĝanec avichoĝode'n jogaa'me jape'l.»

Oseas 4:6

Jenjo' noic jo'ne yalaqapi, qaya'te jayem yatetonaĝanaĝaneque, qama'le nayi male nimichidiñe. Da'me ami tamenaĝaiqui lo'ol, jouaĝat da'me ja jayem 'te a'uamaqachiñe, qama'le da'me jayem male ja ami 'te ja'amaqateneque ta'le ayoue jena'me ñetamenaĝaiqui. Da'me ami ja jetaque auoqochiya'alo naa'me yamajoĝonaĝaco, qama'le da'me jayem ja jaje'tema qomle gaa'me ac'oqo'chedi' ta'le qoye'n tamenaĝaiqui lo'ol.»

Oseas 5:4

Ja aueñetapega ta'le a'viyelaqaiyot joñe'me Jaliaĝanec mach'e Anedios: yataqachiñe ja a'uamaqachiñe joñe'me, qa'a da'me mach'e adequejeguetaĝaqui ami yamaqa'tape.

Oseas 8:13

Yataqachiñe noqopideta da'me yeguedoue ga'me lajaqaje'j, qama'le yali'j ga'me lapat joga'me qoyen lajaqaje'j. Qalaĝaja da'me jayem jo'ne Jaliaĝanec ja jetaque jaconegueta gaa'me lajaqaje'j, dite da'me male ñetouetaque daa'me 'lonataqa jo'ne ja 'noe'n, qama'le je'uaĝa'n qomle jogaa'me: ¡male yitaĝa qoyauegalo qomle di'me Egipto!

Oseas 9:6

Qa'a mate mane'e auajoyiye qomle, qaedi ami yaĝa'n ga'me qonolaĝachiñe, qalaĝaja gaa'me Egipto laje'pi male ami yaconalo, qama'le ua'a da'me ami qoyejedi'ña qomle di'me noic jo'ne Menfis. Ga'me auañiya jo'ne plata, yataqachiñe yejamaq nenoĝojeguem jaga'me poqo, chayovida'a joga'me adomachaqadi' male najeguem qomle jaga'me yaĝat.

Oseas 12:2

Joñe'me Jaliaĝanec ya'uo laqalaic di'me Israel, ya'uo lec'atenaĝanaĝac di'me noic jo'ne Jacob, qa'a yajouaĝat da'me ja no'en lelnataĝaco; yejeteneque da'me mach'e etede'ec joga'me yauotedac.

Abdías 1:7

Yema jogaa'me aueñetapega ami lecochiyalo, nach'egaua ami yoqovi'n; male ami qoyamaĝadegue jena'me jenjo' te'me mach'e at'achaqadi'. Nach'e ena'ama jogaa'me yataqata adaqayadi' male ami nautenalo nayi. Chayovida'alo jogaa'me yataqata auep'iiya'alo jo'ne anaigaĝa'udi' nach'egaua ami yoqovi'tape. ¡Qa'a nayi da'me ami male qaya'te adetadenataĝanaĝaqui!»