Oseas 7:1 - Toba del Oeste

¹ Qom jetaque ñec'alaĝatedegue naa'me naajo' yalaqapi, qama'te nach'edata da'me qoyauanalo daa'me loeco: yemeda naa'me pecayaqa nataq'aen cachaĝayaqa, qama'le quetayelo naa'me emaqa qaedi decachi'y, chayovida'a jena'me naq'aic nouo't joga'me ta'yedi.

La'aqtaqa Ñim Lo'onatac 'Enauacna 2013

¹ Qaq co'ollaq ñatareetac na Israel le'ecpi, nache yo'oq da lle'etaxaloxo na Efraín, qataq nam lasouaxashetpi nam Samaria le'ecpi, cha'aye namayepi ỹo'ottac da natenataxanaxac, nache na'aictaxa da yo'oxoñi qalaq inoxotaua'a na nỹecpi, qataq decachiỹot nam quetague' na nqa'aicpi.

Oseas 7:1 Referans Kwoze

Oseas 7:13

»¡Degueja da'me lachoĝode'j qomle, qa'a yataqachiñe jayem yaĝadiñe! Yataqachiñe ja no'en joga'me ualo'te qomle, yajouaĝat da'me yataqachiñe jayem nauteta. Maliaĝa 'uo da'me yelnataĝac ta'le ñec'alaĝatedegue jogaa'me, qalaĝaja nach'edata da'me jayem yachedalegue da'me loqovinaĝanaĝa'j.

Oseas 6:4

Qalaĝaja joñe'me Dios male enaac: «Ami Israel laje'pi nataq'aen ami Judá laje'pi, ¿jach'e jogamaĝa ami je'eteque nayi? Aueñeetac nale da'me jayem avichoĝodeñi, qalaĝaja da'me adichoĝodenataĝanaĝaqui ena'am ga'me nichaĝa, chayovida'a ga'me ja'ya nale ne'teta: ¡qomle yataqachiñe pal!

Oseas 4:2

Yema da'me ami auoqovinaĝañi nale, yataqata ja eja joga'me anenaĝachiyegue. Nataq'aen 'uo da'me adalataĝanaĝaqui choqoda'me adecachaĝaqui, chayovida'a da'me auoqoviñi' naa'me adouadi'. Yemeda naa'me noloqo'ote 'uo da'me adaqaleuaqai.

Miqueas 6:16

Qa'a auauo'oe gaa'me lamajoĝonaĝaco ñe'me Omrí nataq'aen da'me aue't gaa'me 'lonataqa ga'me layi ñe'me Ahab, chayovida'a da'me yataqata oque'teguelo naa'me naajo'. Chane'eja nayi male am jeleguemaĝat ga'me aleua jo'ne totapega't, qama'le jogaa'me am neda'ña yataqata qoye'ue'tape qomle: joga'me lepocoqo' joga'me yalaqapi yataqata am uaue qomle.»

Amós 8:14

Nach'e ena'am gaa'me p'iida'a joga'me qop'iyapega di'me Samaria, nataq'aen di'me Dan, chayovida'a di'me Beerseba: ena'uaque jogaa'me 'naqadañe qomle, ja yitaĝa 'niyelaĝadijeguem, qa'a yataqata yele'u.»

Oseas 11:12

»Efraín yataqata jayem loqoviñejec, jayem coleejop da'me loqovinaĝanaĝac jenjo' noic jo'ne Israel. Chayovida'a joga'me Judá yataqata jayem ca'e nayi, qama'le yataqata en eja da'me p'iya'alo gaa'me ch'e 'nonataqa jo'ne qop'iyapegalo.»

Oseas 10:5

Jogaa'me Samaria laje'pi yataqachiñe deda'y nataq'aen noye'tape, yajouaĝat da'me male qoyajaĝañe ga'me uaca lequi'i jo'ne qonetametapecot nale di'me noic Bet-avén. Nach'e ena'ama gaa'me tamenaĝaiqui lo'olpi jo'ne neteleta nale yataqachiñe noyetedapelegue, qa'a joda'me 'lonaĝac male qaya.

Oseas 8:9

Qa'a ena'am joga'me ajena jo'ne viaĝajec jo'ne yataqachiñe yejomac, da'me dajotegue ca'li di'me aleua jo'ne Asiria qaedi qoyichoĝode'n, qama'le uo'oe gaa'me yeyala'aque qaedi qolecochiyalo.

Oseas 8:5

Yataqachiñe ami jalematayalo, ami Samaria laje'pi, yajouaĝat na'me uaca lequi'i jo'ne a'vichi ca'li qaedi qonetametapecot nale. ¿Jach'e joga ga'me ua'a da'me aĝañiñi?

Oseas 5:1

«Yataqachiñe anaquiaĝañiya jena'me jenjo', ami tamenaĝaiqui lo'ol, choqoda'me ami lajoĝola'te di'me Israel nataq'aen ami c'oqo'te joñe'me nejaliaĝanec: Male ja'uo yec'atenaĝanaĝac qomle, qama'le ja'uo adachoĝodequi, yajouaĝat da'me auoqoviñe'tape jena'me yalaqapi, da'me aueñi netamenoto joñaa'me ja ejoda jo'ne ueteda'a di'me Mispá nataq'aen di'me Tabor,

Oseas 4:17

»Ami lec'oqo'tepi di'me Efraín, qom jetaque maliaĝa auep'iiya'alo jogaa'me qop'iyapegalo, ¡qama'le ja ami 'te jepagaqate'teque ta'le aĝañiñi!

Oseas 11:8

»¿Toqoch'e auetapega am jaĝañi, Efraín? ¿Toqoch'e auetapega ja am 'te yecochiya, Israel? ¿Qo'li jaqanatet ta'le am japalaĝat, ena'am ca'li je'etec di'me noic jo'ne Admá, uotaĝa jen auena'am jodi'me Seboím ca'li 'uo joga'me je'etec? ¡Jana'me yequidiaqate yataqata yoqoch'em jenjo', yataqata am noqopita!

Oseas 12:1

«Joga'me Efraín yecanac jena'me layat: yemeda naa'me noloqo'ote quetapegue' joga'me layat chiyoĝogue jena'me cha'ña. Nichiquetaye da'me loqovinaĝanaĝac, nataq'aen male yataqata qaleuaĝaic; yauote 'naĝataĝac nale uaĝayet jodi'me Asiria, qama'le yamaĝa aceite di'me Egipto, ch'e en neme.»

Oseas 12:2

Joñe'me Jaliaĝanec ya'uo laqalaic di'me Israel, ya'uo lec'atenaĝanaĝac di'me noic jo'ne Jacob, qa'a yajouaĝat da'me ja no'en lelnataĝaco; yejeteneque da'me mach'e etede'ec joga'me yauotedac.

Amós 3:9

A'uaqataĝañiyema qomle jogaa'me neteda'ña na'me nejaliaĝaiqui di'me noic Asdod, nataq'aen naa'me nejaliaĝaiqui' jodi'me Egipto: «Anec'achiyalo naa'me qajoĝona'a di'me Samaria, qaedi auañiya joga'me ja nalemaĝa, qa'a jenjo' ue'ta da'me neloiquiaĝac.»

Amós 3:10

Yataqata nenaĝategue jenjo' joñe'me Jaliaĝanec: «Naa'me naajo' ja yayate'n ta'le e'n chimaqachidiñe jogaa'me lelnataĝaco, qa'a yiyamaĝatetedac joga'me yauata jo'ne ch'e lecachaĝa't ca'li.»