Oseas 6:1 - Toba del Oeste

¹ Qama'le ga'me Israel lec'oqo'tepi male enapega't ca'li: «¡Qolaq! ¡Yitaĝa jec'otaĝa ñe'me Jaliaĝanec! Te'me qo'mi yolaĝachiguilo ca'li, qalaĝaja yataqachiñe qo'mi natade'n qomle; te'me jalcote da'me qo'mi ye'uaĝa'n ca'li, qalaĝaja yataqachiñe qo'mi yichoĝode'n qomle.

La'aqtaqa Ñim Lo'onatac 'Enauacna 2013

¹ Ña qauanaqui, nache she'eguelaxasaxa Ñim Nataxala', cha'aye Ñimaye qomi' nlaxatchiyiñi co'ollaxa, qalaxaye ishet da qaltaq qomi' no'oite' naqa'en, qataq qomi' ique'emaqche't, qalaxaye ishet da qaltaq qomi' natare'n.

Oseas 6:1 Referans Kwoze

1 Samuel 2:6

Ñe'me Jaliaĝanec qo'mi yanema da'me qanejiyaĝauayaĝac nataq'aen da'me qo'mi yapalaĝa't; qama'le en jaĝa'añgui jaga'me napa'l lae't nataq'aen da'me en qa'niyelaĝajeguem.

Oseas 14:4

'Laqatac joñe'me Jaliaĝanec: «Male ñataden qomle jenjo' nechiyoĝojoĝo'j, yitaĝa joqopitalo naa'me qa'a naq'aeta da'me yelnataĝac, qama'le ja yitaĝa ta'le jachalo'te da'me yalemataic.

Oseas 14:1

A'niyelaq, am Israel, anec'ata joñe'me Jaliaĝanec mach'e Anedios, qa'a ena'am ta'le auapoguelaĝan ca'li, jouaĝat da'me adoec.

Sofonías 2:1

Ami Judá laje'pi: 'noota qom ademiya'a't qomle; ami pecayaqa: cha'li auajoi'tot joñe'me Dios.

1 Samuel 7:3

Chane'eja jouaĝat da'me dojo', ñe'me Samuel yiyaĝanalo ena'uaque gaa'me Israel laje'pi qama'le enaac: «Qom auomachiiya naa'me adai'lidi' da'me a'viyelaqaiyot ñe'me Jaliaĝanec, qama'le auajaqaidegue gaa'me qop'iyapegalo jo'ne yoda'alo choqogaa'me lequi'il jañe'me Astarté. Yataqata a'uonataĝañiuo'o ñe'me Jaliaĝanec, qama'le nach'eñe aueñi nale ademiya'a't, auañem ga'me adamaiqui. Qom naq'aeta da'me auauoyi, qama'le ñe'me ami de'uolo'te da'me dojo' lañoqotaĝanaĝa'j jogaa'me filisteopi.»

Oseas 11:10

Jogaa'me male quetegue joñe'me Jaliaĝanec, qama'le da'me lajamaĝa yataqata ena'am joga'me jauaĝaic nale ya'uo lajamaĝa; qama'le uo'oe gaa'me novi't diviloĝo'l, chiyoqo'tegue jodi'me chauo'o.

Oseas 12:6

Chane'eja, am Israel, 'noota qom yitaĝa a'niyeloqot joñe'me Dios, aua'uo da'me am choĝodenataĝanaĝaic nataq'aen am chimaqachiñe, nataq'aen yataqata auep'iya'a joñe'me Anedios.

Oseas 3:5

Qalaĝaja qom yem jena'me jenjo', qama'le yitaĝa 'viyelaĝadetot joñe'me Jaliaĝanec mach'e Nedios, nataq'aen quetede'egue qomle ga'me chiyoĝoguet di'me David. Qom yovideta gaa'me noloqo'ote jo'ne p'atedegue, qama'le yataqata yoqochideta joñe'me Jaliaĝanec, nataq'aen yec'adeta joñe'me qaedi naĝadi'ñijop jouaĝat ga'me onaĝaic jo'ne yanema.