Oseas 5:3 - Toba del Oeste

³ Ami Efraín lec'oqo'tepi jo'ne Israel laje'pi: yataqachiñe jayaten ga'me anejiyaĝauayaĝaqui: qaya'te yaqanatet ta'le jayem nañoĝochi'ñejop. Yataqachiñe aueñiya'am jaga'me quejeguetaĝae, qama'le ja adaloyeguet ta'le jayem anec'achiya.»

La'aqtaqa Ñim Lo'onatac 'Enauacna 2013

³ Qaq aỹem, ỹataqta sauatton na Efraín, qataq na Israel saishet da sa sauatton. Qalaxaye na Efraín, quegue da nquisheguetaxac, qaq na Israel, qalaq ỹataqta nshepaxanaqcheela't».

Oseas 5:3 Referans Kwoze

Amós 3:2

«Naqa'ami da'me jen ami yiquiyaqa, ja auañiya'ama gaa'me noyaqa laqaya'. Chane'eja yataqata ami je'uaĝa'n qomle, yajouaĝat jogaa'me adoecodi' jo'ne auauoyi' nale.»

Amós 5:12

«Jayem qa'a yataqata ami jayate'n, qa'a yataqata jalcote naa'me at'onataqadi' jo'ne ja 'noe'n, nataq'aen naa'me adoecodi' jo'ne qaya'te loiquiaqa': adiquiyayi'ya nale joga'me chimaqachiñe ga'me 'lonatac, nataq'aen auejechiñe' jogaa'me c'atenaĝanaĝayaqa qaedi joga'me choĝodac qaya'te ladiiuo.

Oseas 13:1

Ca'li joñe'me Efraín dojetac, jena'me Israel yataqata 'uo da'me lauategaĝac; qalaĝaja Efraín male ualegue leleuaĝa ca'li ya'uo jenjo', da'me netamenot joñe'me Baal.

Oseas 12:1

«Joga'me Efraín yecanac jena'me layat: yemeda naa'me noloqo'ote quetapegue' joga'me layat chiyoĝogue jena'me cha'ña. Nichiquetaye da'me loqovinaĝanaĝac, nataq'aen male yataqata qaleuaĝaic; yauote 'naĝataĝac nale uaĝayet jodi'me Asiria, qama'le yamaĝa aceite di'me Egipto, ch'e en neme.»

Oseas 8:11

»Qa'a joñe'me Efraín jalcote gaa'me 'lonataqa jo'ne c'atonaĝala'te, qalaĝaja nach'edata da'me chiyaqayi da'me jalcote da'me ja no'en jo'ne qoya'uo.

Oseas 6:4

Qalaĝaja joñe'me Dios male enaac: «Ami Israel laje'pi nataq'aen ami Judá laje'pi, ¿jach'e jogamaĝa ami je'eteque nayi? Aueñeetac nale da'me jayem avichoĝodeñi, qalaĝaja da'me adichoĝodenataĝanaĝaqui ena'am ga'me nichaĝa, chayovida'a ga'me ja'ya nale ne'teta: ¡qomle yataqachiñe pal!

Oseas 5:13

»Qama'le di'me Israel male yauana qomle ga'me lachoĝodec, nataq'aen di'me Judá male yauana qomle da'me yédiñe. Chane'eja Israel yelaque qomle lichoĝodenataĝanaĝac ga'me nejaliaĝanec let'adaic jo'ne yelolegue di'me Asiria. ¡Qalaĝaja joñe'me ja yaqanatet ta'le ami nec'alaĝatedegue!

Oseas 5:11

Joga'me lejaliaĝac di'me Israel jalcote da'me lachoĝodec, qa'a uetaue da'me lec'atenaĝanaĝac joñe'me Dios, yajouaĝat da'me yepaquetapega da'me netamenoto gaa'me ja ejoda.

Oseas 5:9

Ami Israel lec'oqo'tepi, male auayachiñe da'me 'uo jo' qomle: qa'a yovita qomle ga'me nolo' jo'ne le'uaĝanaĝanaĝac joñe'me Jaliaĝanec, qama'le yataqachiñe qoyolaĝat jaĝa'te jena'me jenjo' aleua.

Oseas 1:2

Chane'eja joñe'me Jaliaĝanec dojapegue' ca'li joñe'me Oseas, enaac jenjo': «Jamo, oc, qama'le auen adoua jaga'me quejeguetaĝae, qama'le auauo'oe ac'oqo'te qomle, qa'a joga'me Israel lec'oqo'tepi yataqata jayem queda'e, da'me e'n 'loyaĝa'j ena'am jaga'me quejeguetaĝae.»

Oseas 6:10

Joote jauana da'me ja no'en jo'ne yauote gaa'me Israel lec'oqo'tepi: qa'a yataqachiñe eda'am jaga'me quejeguetaĝae, qama'le ja naloteguet ta'le jayem nec'adeta.

Oseas 13:5

Am jetela ca'li oue'ta di'me aleua jo'ne totapega't jo'ne yataqata p'e.