Oseas 5:1 - Toba del Oeste

¹ «Yataqachiñe anaquiaĝañiya jena'me jenjo', ami tamenaĝaiqui lo'ol, choqoda'me ami lajoĝola'te di'me Israel nataq'aen ami c'oqo'te joñe'me nejaliaĝanec: Male ja'uo yec'atenaĝanaĝac qomle, qama'le ja'uo adachoĝodequi, yajouaĝat da'me auoqoviñe'tape jena'me yalaqapi, da'me aueñi netamenoto joñaa'me ja ejoda jo'ne ueteda'a di'me Mispá nataq'aen di'me Tabor,

La'aqtaqa Ñim Lo'onatac 'Enauacna 2013

¹ «Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Oseas 5:1 Referans Kwoze

Oseas 9:8

Dios jayem namaĝaquena ca'li, da'me jayem jo'ne 'laqatanaĝanaĝanec joñe'me, qaedi ami jevite'talo, ami Efraín lec'oqo'tepi. Qalaĝaja da'me ami yataqachiñe ja jayem 'te aualemaĝachi, chayovida'a nale ovitaue jena'me netamenaĝaiqui joñe'me Dios yataqachiñe jayem adiquiyayi'ya.

Miqueas 7:2

Qa'a male qayaua jena'me jenjo' aleua gaa'me jiyaĝa'u jo'ne onaĝayaqa loec, uotaĝa ta'le maliaĝa uo'oe gaa'me chimaqachidiñe. Dite da'me yemeda yeuateda'a ga'me ua'a da'me yala't joga'me laqaya't, qama'le onolqa'tape napogoĝot ga'me laqaya qaedi yoqovin.

Miqueas 3:9

Anaquiaĝañiya jenjo', ami jo'ne jaliaĝanaqa nataq'aen najoĝola'te jena'me jenjo' noic Israel, ami jo'ne anaucheñiya da'me jo'ne yataqatelegue, qama'le aueñi namaqatapiye joga'me te'me chimaqategue,

Oseas 6:9

Naa'me tamenaĝaiqui lo'ol ena'ama gaa'me cachaĝayaqa: nañoĝochidi'ña nale joga'me naq'aic jo'ne yelo'tegue di'me Siquem, qama'le nouo't nataq'aen yala't joga'me ta'yedi.

Malaquías 2:1

Qama'le Dios yitaĝa dojapegue'to ca'li gaa'me tamenaĝaiqui lo'ol, enaac: «Ami tamenaĝaiqui lo'ol, jenjo' yaqataĝac yataqachiñe ami yelo'talo:

Amós 7:9

Gaa'me netamenaqa'te di'me Isaac male yataqata qoyapalaĝa't qomle, chayovida'alo gaa'me tamenaĝaiqui' di'me Israel yataqata qoyolaĝachiguilo qomle. Qama'le ñodijeguem jena'me yedaĝanaĝat da'me ñautenalo joga'me layi di'me Jeroboam.»

Oseas 10:15

Jenjo' qomle naq'aeta ga'me ami uauelo, ami jo'ne oñita'ña jenjo' Betel, qa'a jalcote da'me adoecodi'. ¡Joñe'me jaliaĝanec jenjo' Israel yeleu qomle novitequena ga'me nolo' dalaĝaic!

Oseas 4:1

Ami Israel lec'oqo'tepi, anaquiaĝañiya joñe'me Jaliaĝanec, jenjo' jena'me 'laqatac jo'ne ami yanema. 'Uo da'me ami yepoleguelo'te, ami aleua laje'pi, yajouaĝat da'me ami ja ami ejoda, ja avichoĝodeñi gaa'me adaqayadi' nataq'aen qaya'te uenate'ta joñe'me Jaliaĝanec ta'le en Nedios.

Malaquías 1:6

Joñe'me Jaliaĝanec jo'ne napacalegue ena'uac male dojapegue'to gaa'me tamenaĝaiqui lo'ol, enaac: «Ami tamenaĝaiqui lo'ol, yataqachiñe auomachiiya jenjo'. Gaa'me nec'oqo'te yataqachiñe 'nonaĝachiguilo jogaa'me let'al, nataq'aen gaa'me nalemaĝaje'te yoqocha'alo jogaa'me ladi'p. Qama'le qom mach'e jayem adet'ai, ¿toqoch'e ja jayem 'te a'nonaĝachiigui? Nataq'aen qom mach'e jayem adadipai, ¿toqoch'e ja jayem 'te auachiquiya'a? Qa'a yataqachiñe jayem a'uotañi nale. Qama'te ch'e jayem auenachiyec: “¿Jach'e jogamaĝa ga'me ua'a da'me am jo'otanaq?”

Miqueas 3:1

Anaquiaĝañiya jenjo', ami jaliaĝanaqa jena'me jenjo' aleua, ami jo'ne najoĝola'te jena'me jenjo' Israel: ¿qo'li ja naqa'ami jo'ne auayachiñe da'me qoya'uo da'me chimaqachiñe?

Oseas 13:8

Male jec'ate'ga jodi'me naq'aic jadenaĝat jaga'me potae polio' jo'ne yejoma'ape gaa'me c'oqo'te, qama'le qomle yataqata ñaqat jaga'me lequidiaqate. Jena'am joga'me jauaĝaic da'me paja'a jalic joga'me jauana, nataq'aen jena'am jaga'me pioĝodalo da'me deque'e.

Joel 1:2

Ami 'yaĝaicachidipi, cha'li yataqata anaquiaĝañiya jenjo', nataq'aen yema da'me ami jo'ne oñita'ña jenjo' aleua. ¿Qo'li 'uo ga'me joote auañiya ta'le ena'am jena'me jenjo' jo'ne 'uo qomle, uotaĝa ta'le qoyauana ca'li uo'oe dia'me adet'aldi'?

1 Samuel 7:5

Yem qama'le Samuel eetac ga'me 'laqatac: «'Noota ta'le ademiya'a't ena'uaque ami Israel laje'pi, ademiya'ña di'me noic Mispá, qama'le jayem ñachoĝodenot ñe'me Jaliaĝanec qaedi ami jajelaĝalo'te.»

1 Samuel 7:6

Chane'eja jogaa'me Israel laje'pi yema'a't ca'li di'me Mispá, qama'le nach'ega ua'a da'me naqachidijeguem ga'me noĝop, yecodedegue ga'me qa'a e'n lajaqaje'j yate'm ñe'me Jaliaĝanec. Jo'me nolo' cha'li noqouaqatela'ajalo qa'a natetola'ajalo queda'me yauo'oe gaa'me loeco jo'ne nauteta ñe'me Jaliaĝanec. Di'me Mispá, ua'a ca'li ñe'me Samuel male qoyen lajoĝola' gaa'me Israel laje'pi.

1 Samuel 7:16

Yemeda gaa'me 'uoidi, yec'ata di'me Betel, di'me Guilgal choqodi'me Mispá, qaedi yelo'ogueta nale 'uo ga'me lajouaĝa'j gaa'me Israel laje'pi, naqaenaua yec'atalo nale.

Amós 3:1

Ami Israel lec'oqo'tepi, anaquiaĝañiya ñe'me Jaliaĝanec, nach'eñe jo'ne ami naqa't joca'li ami ne'uaqa di'me Egipto: