Oseas 4:7 - Toba del Oeste

⁷ Ñe'me Jaliaĝanec yitaĝa nenaĝategue da'me dojo', jouaĝa't jogaa'me tamenaĝaiqui lo'olpi, enaac: «Ca'li da'me jalcote gaa'me tamenaĝaiqui lo'ol, ma'ejama'le nichiguegue ga'me loe'j jo'ne jayem nauteta. Chane'eja male joĝotaĝanec da'me li'yoĝodi'j, qaedi ja'uo lepocoqo' q'aen qomle.

La'aqtaqa Ñim Lo'onatac 'Enauacna 2013

⁷ Qataq co'ollaq nquictauec da qalota nam ntaxaỹaxanaxanecpi, nache nataqa'en ỹataqta nquictauec nam aỹem hueto'ot lasouaxashetpi, ỹoqo'oye da llo'oxoyec namayepi, nmeneguet qome ñaqa'en da qaica ca la'amaqchec namayepi.

Oseas 4:7 Referans Kwoze

Oseas 13:6

»Qalaĝaja ca'li ja auoviñetaque ga'me aualiqui, chayovida'a yataqata adanodiye, naa'me adequidiaqachildi' male yataqata uauelo da'me ja no'en, qama'le jayem aĝañiñi.

1 Samuel 2:30

Jouaĝat da'me dojo', ñe'me Jaliaĝanec jo'ne Nedios di'me Israel, jo'ne 'yaĝatetac ca'li queda'me am choqoga'me ac'oqo'tepi nach'e eta't da'me a'uonataĝañiuo'o, qalaĝaja nayi male am 'yaĝatem: “Male yem da'me dojo', qa'a 'ñonaĝachiguilo jogaa'me jayem 'nonaĝachedigui, qalaĝaja jogaa'me jayem 'yota'n male 'uo da'me ne'uenague'j. Jayem jo'ne Jaliaĝanec, mach'e 'yaqatac jo'ne yataqatelegue.

Malaquías 2:9

Chane'eja jen jena'me noic da'me male yataqachiñe ami qoniquiya'alo, nataq'aen male ja ami 'te qouate'calo, qa'a yajouaĝat da'me ja jayem 'te auoqochiiya, nataq'aen da'me ja yema ga'me jiyaĝadipi ta'le auacoñiyegueta nale auapaĝaguenataĝañi.» Naq'aeta da'me 'laqatac joñe'me Dios jo'ne yataqachiñe qaya'te yaqalatac.

Oseas 10:1

Gaa'me Israel laje'pi eda'am ca'li joga'me uva lichidic jo'ne yataqachiñe jalcote da'me lejalayaĝac. Qalaĝaja ca'li nichiquetaye da'me leuoyaĝa'j, male ja jayem 'te yane'm da'me lamai'j, dite da'me jalcote jogaa'me c'atonaĝala'te laqaya' jo'ne qoyauo'oe ca'li. Nataq'aen ca'li jalcote da'me laqataĝanaĝa'j jo'ne yachiyoĝoteda'ña jena'me 'naleua', qama'le yataqachiñe onaĝayaqa jogaa'me qadi jo'ne yauote qaedi qonetametapecoto.

Oseas 4:10

Te'me jalcote da'me liqui'yaĝa'j nale, qalaĝaja ja yono't; te'me jalcote da'me lequejeguetaĝa'j, qalaĝaja qaya'te lec'oqo'te qomle, yajouaĝat da'me joote jayem queda'e.»

Habacuc 2:16

Uotaĝa auetapega am ue'tajop ga'me adamaic, qalaĝaja ja naq'aeta, maq da'me am ue'tajop qomle da'me adepocoĝoc, qa'a joñe'me Jaliaĝanec 'uo joga'me am niyomaĝañgui jo'ne yataqachiñe chem: male ja am 'te qo'nonaĝachigui, dite da'me am qoye'uetac qomle.

Oseas 6:9

Naa'me tamenaĝaiqui lo'ol ena'ama gaa'me cachaĝayaqa: nañoĝochidi'ña nale joga'me naq'aic jo'ne yelo'tegue di'me Siquem, qama'le nouo't nataq'aen yala't joga'me ta'yedi.

Oseas 5:1

«Yataqachiñe anaquiaĝañiya jena'me jenjo', ami tamenaĝaiqui lo'ol, choqoda'me ami lajoĝola'te di'me Israel nataq'aen ami c'oqo'te joñe'me nejaliaĝanec: Male ja'uo yec'atenaĝanaĝac qomle, qama'le ja'uo adachoĝodequi, yajouaĝat da'me auoqoviñe'tape jena'me yalaqapi, da'me aueñi netamenoto joñaa'me ja ejoda jo'ne ueteda'a di'me Mispá nataq'aen di'me Tabor,

Esdras 9:7

Chiyoqochiñe ca'li uo'oe dia'me qadet'al chayovida'a nayi, joote jauoqotac da'me ja no'en. Chane'eja yajouaĝat jena'me jenjo' qadejamaĝataĝac, yema da'me qo'mi, chayovida'alo jogaa'me qadejaliaĝanaqa nataq'aen gaa'me tamenaĝaiqui lo'olpi, male qo'mi nejaliaĝatelo'te jogaa'me jaliaĝanaqa laqaya'. Chayovida'a nayi, gaa'me qadaute'u joote yauote da'me qadachoĝodec: qo'mi yala't, doĝotaĝanec da'me qadeuoyaĝac, nataq'aen qo'mi yeladedegue jenjo' qa'naleua.

Oseas 13:14

¿Qo'li ami jejodegue qomle, da'me ami ñec'alaĝate'guejopa da'me lañoqotaĝanaĝac joda'me neleuaĝa? ¿Jego ue'ta jenjo' neleuaĝa jo'ne 'uo da'me lañoqotaĝanaĝac? ¡Qa'a naqayem jo'ne japalaĝa't qomle jogaa'me, chayovida'a ueteda'a jenjo' napa'l lae't! Yataqata male ja jichoĝode'n naajo' jiyaĝa'u.

Oseas 9:11

Da'me 'lonaĝac di'me Efraín ena'am ta'le uayo qomle, ena'am da'me ec ga'me mayo'. Qama'le ja yitaĝa 'niyiñe joga'me notolec, male qaga'te ta'le yauo jo'ne qo'uaĝae nataq'aen ja yitaĝa 'uo jaga'me c'oe.

Oseas 10:6

Nach'ejo jo'me nequi'i male qoyeda'a qomle jodi'me Asiria, qaedi qoyen najaqajec jo'ne qoyanem joñe'me nejaliaĝanec jo'ne p'ajaye. Chane'eja gaa'me Israel laje'pi yataqachiñe 'uo qomle ga'me lepocoĝo'j, qa'a nepocoĝodelegue ga'me te'me p'iida'a.