Oseas 4:6 - Toba del Oeste

⁶ Jenjo' noic jo'ne yalaqapi, qaya'te jayem yatetonaĝanaĝaneque, qama'le nayi male nimichidiñe. Da'me ami tamenaĝaiqui lo'ol, jouaĝat da'me ja jayem 'te a'uamaqachiñe, qama'le da'me jayem male ja ami 'te ja'amaqateneque ta'le ayoue jena'me ñetamenaĝaiqui. Da'me ami ja jetaque auoqochiya'alo naa'me yamajoĝonaĝaco, qama'le da'me jayem ja jaje'tema qomle gaa'me ac'oqo'chedi' ta'le qoye'n tamenaĝaiqui lo'ol.»

La'aqtaqa Ñim Lo'onatac 'Enauacna 2013

⁶ Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Oseas 4:6 Referans Kwoze

Oseas 6:6

Jepaquetapega ta'le yataqachiñe ami choĝodenataĝanaĝayaqa, chayovida'a da'me jayem auatetoñi, da'me jayem mach'e Anedios; ja naqaeda ta'le auauoyi adajaqajequi jo'ne auequiyoue nale.

Oseas 4:1

Ami Israel lec'oqo'tepi, anaquiaĝañiya joñe'me Jaliaĝanec, jenjo' jena'me 'laqatac jo'ne ami yanema. 'Uo da'me ami yepoleguelo'te, ami aleua laje'pi, yajouaĝat da'me ami ja ami ejoda, ja avichoĝodeñi gaa'me adaqayadi' nataq'aen qaya'te uenate'ta joñe'me Jaliaĝanec ta'le en Nedios.

Oseas 8:14

»Naa'me Israel laje'pi yauote ca'li gaa'me nejaliaĝaiqui', qalaĝaja yataqachiñe jayem yapalaĝateteda'a, da'me jayem jo'ne 'netoqo't. Naa'me Judá laje'pi yauo'oe ca'li gaa'me noyaqa jo'ne 'uañaĝayaqa, qalaĝaja jen qoyaviyaĝa't qomle gaa'me, chayovida'alo gaa'me nejaliaĝaiqui' yataqachiñe yavi'j qomle.»

Oseas 13:6

»Qalaĝaja ca'li ja auoviñetaque ga'me aualiqui, chayovida'a yataqata adanodiye, naa'me adequidiaqachildi' male yataqata uauelo da'me ja no'en, qama'le jayem aĝañiñi.

Oseas 8:12

Mate mane'e jalcote gaa'me yedii's jo'ne yapaĝaguenataĝanaĝaco da'me janema ca'li jogaa'me yalaqapi, qalaĝaja naa'me naajo' ja 'yamaqate'n da'me 'yaqatac: ena'am ta'le e'n ja tachiguilo jonaa'me.

Oseas 8:1

Yitaĝa enaac joñe'me Jaliaĝanec: «Auajediye jana'me adajeede, qa'a yovita qomle ñe'me dalataĝanac, ena'am ga'me uole, qaedi yala't jogaa'me yalaqa. Ya'uo jenjo' yajouaĝat da'me ja 'yamaqate'n da'me 'ñaĝataĝac, qama'le ja 'yamaqate'n jogaa'me 'yaqataĝanaĝaco.

Oseas 4:12

Jogaa'me yalaqapi yena't nale jogaa'me qop'iyapegalo jo'ne ch'e e'epa; nataq'aen ga'me epaĝa lae, etedapega yayaten joga'me 'noota. Da'me lamaic ga'me lequejeguetaĝa'j yataqachiñe yamaqa'tape jogaa'me, qama'le ch'e uenatetedapega da'me jayem queda'e, quetedapegue' da'me nejiyaĝauayaĝa'j lamaic.

Oseas 2:13

Yataqata je'uaĝan qomle jañe'me, jouaĝat ga'me ua'a da'me yegoue ga'me yoĝoqui jo'ne yanema gaa'me lequi'il ñe'me Baal, ca'li yaediñe gaa'me 'noe'n li'yoĝodaqa'te jo'ne nechijaĝal nataq'aen loqolal, qaedi dejapichiyalo gaa'me lojaĝa'u. Qalaĝaja da'me jayem, yataqata ja jayem 'te uenata nale. Mach'e jayem jo'ne jayem Jaliaĝanec.»

1 Samuel 2:12

Gaa'me c'oqo'te ñe'me Elí yataqata qaleuaĝayaqa nataq'aen ja t'oidapega ñe'me Jaliaĝanec,

Oseas 4:14

Qalaĝaja ja ja'uo da'me ne'uaĝanague'j jogaa'me ac'oqocheldi' jouaĝat da'me lequejeguetaĝa'j, nataq'aen jogaa'me adateldi' jouaĝat da'me leua'u nale gaa'me ja loua', qa'a da'me ami nach'e ena'am adeuauae' nale gaa'me quejeguetaĝael; qama'le ovi'tajopa nale auauoyi adajaqajequi jo'ne auañema gaa'me qop'iyapegalo. ¡Qalaĝaja ga'me noic jo'ne qaya'te layatenaĝanaĝac, yataqachiñe qoyapalaĝat jo' qomle!

Oseas 5:4

Ja aueñetapega ta'le a'viyelaqaiyot joñe'me Jaliaĝanec mach'e Anedios: yataqachiñe ja a'uamaqachiñe joñe'me, qa'a da'me mach'e adequejeguetaĝaqui ami yamaqa'tape.

Oseas 7:9

Qa'a joga'me Egipto laje'pi choqoga'me Asiria laje'pi jetaque doĝotaĝatec da'me 'lañaĝa'j ga'me Israel lec'oqo'tepi, qalaĝaja jogaa'me ja nomeda'a da'me dojo'. Male yovita qom 'te da'me loiquiaqa't, qalaĝaja nach'e ena'am ja nomeda'a da'me dojo'.

Oseas 7:11

Qa'a eda'am joga'me doqoto' jo'ne dajotapi'ñgui, da'me ja yayaten ga'me ua'a da'me 'nomataqa': qa'a 'uaeñe da'me nachoĝodetot di'me Egipto qaedi qoyichoĝode'n; yem qama'le yec'adeta di'me Asiria.

Oseas 9:17

Jenjo' noic yataqachiñe ja yoqo'cha joñe'me Ñedios. Chane'eja joñe'me male de'uotapegueta jogaa'me, qama'le jalcote da'me lejomaĝa'j qomle, da'me quetedalegue jenjo' aleua.