Oseas 4:18 - Toba del Oeste

¹⁸ Nale aniyomitac, yataqachiñe ami taĝayaqa, ¡qama'le aueloyaque jaga'me quejeguetaĝae! Aueñi joga'me at'oyaĝaqui jo'ne ja no'en, qaya ta'le ami jiyaĝa'u jo'ne yataqatelo'te.

La'aqtaqa Ñim Lo'onatac 'Enauacna 2013

¹⁸ Cha'aye 'enauac namayepi da taxaicpi, nache taỹa da nquisheguetaxac, qataq nam lataxala'pi namayepi ỹauotec nam ỹo'ot da ncoxo.

Oseas 4:18 Referans Kwoze

Miqueas 3:11

Nataq'aen ami jo'ne c'atenaĝanaĝayaqa jena'me jenjo' noic, nach'edata da'me alecochiiya joga'me jo'ne yanema jaga'me laicaua; nataq'aen ami jo'ne tamenaĝaiqui lo'ol, ja auapaĝaguenataĝañi qom qaya'te 'uo ga'me qoyejeteneque; nataq'aen ami jo'ne Dios 'laqatanaĝanaĝanaqa, ch'e auemeñi gaa'me adauanaĝanaĝacodi'; auepichiitapega da'me ami lecochitapegalo ñe'me Jaliaĝanec jo'ne ja 'nalegue, male aueñeetac: «Joñe'me Jaliaĝanec qo'mi ue'tajopa; chane'eja qaya'te ja no'en ta'le qo'mi uauelo jo' qomle.»

Miqueas 7:3

Yataqata jalcote da'me ja no'en jo'ne ye't nale: jogaa'me nejaliaĝanaqa paquetedapega ta'le qoyejete'n, qama'le jogaa'me jo'ne yauote nale lec'atenaĝanaĝa'j nataq'aen decachi'tape. Jogaa'me 'uo da'me lañoqotaĝanaĝa'j yauote ga'me yauote, qama'le ye'uetedac nale jena'me noic.

Amós 5:12

«Jayem qa'a yataqata ami jayate'n, qa'a yataqata jalcote naa'me at'onataqadi' jo'ne ja 'noe'n, nataq'aen naa'me adoecodi' jo'ne qaya'te loiquiaqa': adiquiyayi'ya nale joga'me chimaqachiñe ga'me 'lonatac, nataq'aen auejechiñe' jogaa'me c'atenaĝanaĝayaqa qaedi joga'me choĝodac qaya'te ladiiuo.

Oseas 4:10

Te'me jalcote da'me liqui'yaĝa'j nale, qalaĝaja ja yono't; te'me jalcote da'me lequejeguetaĝa'j, qalaĝaja qaya'te lec'oqo'te qomle, yajouaĝat da'me joote jayem queda'e.»

Oseas 4:2

Yema da'me ami auoqovinaĝañi nale, yataqata ja eja joga'me anenaĝachiyegue. Nataq'aen 'uo da'me adalataĝanaĝaqui choqoda'me adecachaĝaqui, chayovida'a da'me auoqoviñi' naa'me adouadi'. Yemeda naa'me noloqo'ote 'uo da'me adaqaleuaqai.

1 Samuel 8:3

Qalaĝaja ñaa'me c'oqo'te ja eda'am ga'me loec ñe'me let'a', maq joda'me jetaque degueja ga'me yauata, yacoteguet da'me lecochita ga'me 'uo ga'me yanegue, ja yauote da'me chimaqachiñe.

Oseas 9:10

'Laqatac joñe'me Jaliaĝanec, enaac: «Ca'li yemta jauana jodi'me Israel qama'le yataqachiñe jayem matac: jena'am ca'li joga'me yauana ga'me uva lichidijat nale ue'ta joga'me aleua jo'ne totapega't. Gaa'me 'uaediñe adapidii yataqachiñe onaĝayaqa, ena'ama ca'li gaa'me higo jo'ne yemta yi't. Qalaĝaja ca'li yec'adeta di'me aleua jo'ne Baal-peor, qama'le paja'a tadetot joga'me qop'iyapega jo'ne yataqachiñe jouala. Chane'eja male ja 'noe'n jogaa'me, eda'am joga'me qop'iyapega jo'ne noqopideta.