Oseas 4:15 - Toba del Oeste

¹⁵ »Ami Israel lec'oqo'tepi, qom maliaĝa auep'iiya'alo gaa'me qop'iyapegalo, qama'le 'noota ta'le ja ena'ama gaa'me c'oqo'tepi di'me Judá. Male aĝañiñi da'me auec'achiya di'me Guilgal choqodi'me Bet-avén: ¡ena'te auauoyi adajaqajequi nale, uotaĝa ta'le jayem a'naĝachiyot!

La'aqtaqa Ñim Lo'onatac 'Enauacna 2013

¹⁵ Qaq 'am Israel, da 'anquishishi, qaq no'on da saishet da ivira'a ye Judá, da huo'o ca lasouaxashet. Qaq saishet qome da qanqo'oñiỹa ye Gilgal, qataq da qa'aisheguema ye Bet Avén, qataq da qaỹa'añi ca qara'aqtaqui da qoñeeta': «Nca'altauec Ñim Nataxala'.»

Oseas 4:15 Referans Kwoze

Oseas 12:11

Jodi'me Galaad, uo'oe naa'me qop'iyapegalo jo'ne ja 'noe'n, jo'ne yataqata ja yataĝalo'te. Jodi'me Guilgal qoyauo'oe lajaqajec jo'ne uaca le'mi; naa'me c'atonaĝala'te ena'ama jogaa'me qadi nale qolapodijeguem, uañelo jogaa'me nanaĝanaqa'te.»

Oseas 9:15

'Laqatac joñe'me Jaliaĝanec, enaac: «Chiyoqo'ta ca'li ueteda'a di'me aleua jo'ne Guilgal, male yema yauote da'me ja no'en, qama'le ua'a ca'li jiquiya'alo. Chane'eja male jeladedegue qomle jenjo' 'yachaqa', yajouaĝa't daa'me 'lonataĝanaĝaco jo'ne yataqachiñe ja 'noe'n. Male ja yitaĝa ta'le joqopitalo gaa'me, qa'a yemeda jogaa'me lajoĝola'te nach'e eta't da'me jayem ye'uetedac.

Amós 4:4

«¡Cha'li auec'achiya jodi'me Betel qama'le auauoyi adoequi! ¡Auec'achiya jodi'me Guilgal qama'le anichigaĝachigue da'me anautenaĝaqui! Auedoyigue ga'me adajaqajequi nale nete' nataq'aen auauoyi adajaqajequi jo'ne diezmo nale yovita ga'me nolo' jo'ne tres.

Amós 8:14

Nach'e ena'am gaa'me p'iida'a joga'me qop'iyapega di'me Samaria, nataq'aen di'me Dan, chayovida'a di'me Beerseba: ena'uaque jogaa'me 'naqadañe qomle, ja yitaĝa 'niyelaĝadijeguem, qa'a yataqata yele'u.»

Amós 5:5

Ena'te auec'achiya jodi'me Betel, uotaĝa auajoyiyi qomle di'me Guilgal, chayovida'a ena'te ayilegue jodi'me Beerseba, qa'a di'me Guilgal male qoyamaĝaye qomle, da'me qoyen ca'e di'me mach'e 'naleua, nataq'aen jodi'me Betel yataqata qoyapalaĝat qomle.»

Oseas 10:8

Yataqachiñe qoyolaĝa't qomle gaa'me tamenaqa'te jo'ne uetalo'te gaa'me qajoĝona'a, qa'a jenjo' Israel laje'pi ueteda'a nale qaedi yauote loe'j. Chane'eja gaa'me c'atonaĝala'te nadije'ma qomle gaa'me laĝadiijat nataq'aen jaga'me yaĝat. Qama'le jogaa'me jiyaĝadipi enapegalo qomle gaa'me qajoĝona'a: «¡'Noota qom male qo'mi auoĝochidiñe!» Nach'e ena'am enapegalo qomle gaa'me comada'a: «¡'Noota qom a'naqaiñe, qo'mi ayilo'te qomle!»

Oseas 10:5

Jogaa'me Samaria laje'pi yataqachiñe deda'y nataq'aen noye'tape, yajouaĝat da'me male qoyajaĝañe ga'me uaca lequi'i jo'ne qonetametapecot nale di'me noic Bet-avén. Nach'e ena'ama gaa'me tamenaĝaiqui lo'olpi jo'ne neteleta nale yataqachiñe noyetedapelegue, qa'a joda'me 'lonaĝac male qaya.

Oseas 5:8

¡Auajediiyelo naa'me adajeedeldi'! ¡A'uaqataĝañiyema yemeda jogaa'me ueteda'a di'me Guibeá choqodi'me Ramá nataq'aen di'me Bet-avén! ¡'Noota qom niyamaĝateta'ajalo jogaa'me ueteda'a di'me Benjamín!

Amós 6:10

Qama'le naqaena qomle da'me qoyauana: 'uo qomle ga'me jiyaĝaua naqategue ga'me lapat joga'me laqaya jo'ne joote yeleu, qama'le dojapegue' joga'me laqaya jo'ne netaue jo'me 'nachaqa': «¿Qo'li maliaĝa 'uo joga'me am ue'tajop?» Qama'le ga'me laqaya 'yateguet qomle: «Qaya.» Qama'le ga'me 'uaeñe male 'yateguet: «¡Cha'li at'emaqata: ja 'noota ta'le anenaĝategue da'me lenaĝat ñe'me Jaliaĝanec!»

Oseas 11:12

»Efraín yataqata jayem loqoviñejec, jayem coleejop da'me loqovinaĝanaĝac jenjo' noic jo'ne Israel. Chayovida'a joga'me Judá yataqata jayem ca'e nayi, qama'le yataqata en eja da'me p'iya'alo gaa'me ch'e 'nonataqa jo'ne qop'iyapegalo.»

Oseas 4:12

Jogaa'me yalaqapi yena't nale jogaa'me qop'iyapegalo jo'ne ch'e e'epa; nataq'aen ga'me epaĝa lae, etedapega yayaten joga'me 'noota. Da'me lamaic ga'me lequejeguetaĝa'j yataqachiñe yamaqa'tape jogaa'me, qama'le ch'e uenatetedapega da'me jayem queda'e, quetedapegue' da'me nejiyaĝauayaĝa'j lamaic.

Oseas 12:1

«Joga'me Efraín yecanac jena'me layat: yemeda naa'me noloqo'ote quetapegue' joga'me layat chiyoĝogue jena'me cha'ña. Nichiquetaye da'me loqovinaĝanaĝac, nataq'aen male yataqata qaleuaĝaic; yauote 'naĝataĝac nale uaĝayet jodi'me Asiria, qama'le yamaĝa aceite di'me Egipto, ch'e en neme.»

Oseas 12:12

Jacob ca'li dajoye, quetalegue joga'me lanaĝanaqa' jodi'me Aram, naqaena jenjo' ua'a ta'le yauana jaga'me jetaque en loua: qo'oche' t'onataĝatac, netela jaga'me 'nanaĝatel.