Oseas 3:5 - Toba del Oeste

⁵ Qalaĝaja qom yem jena'me jenjo', qama'le yitaĝa 'viyelaĝadetot joñe'me Jaliaĝanec mach'e Nedios, nataq'aen quetede'egue qomle ga'me chiyoĝoguet di'me David. Qom yovideta gaa'me noloqo'ote jo'ne p'atedegue, qama'le yataqata yoqochideta joñe'me Jaliaĝanec, nataq'aen yec'adeta joñe'me qaedi naĝadi'ñijop jouaĝat ga'me onaĝaic jo'ne yanema.

La'aqtaqa Ñim Lo'onatac 'Enauacna 2013

⁵ Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Oseas 3:5 Referans Kwoze

Miqueas 4:1

Gaa'me noloqo'ote jo'ne p'atedegue male qoyen p'ajaye jodi'me qajoĝonaĝa Sión, qaya'te laqaya ta'le napacalegue, qa'a ga'me tamenaĝaiqui jo'ne mach'e Jaliaĝanec loĝot netalegue jodi'me. Chane'eja naa'me noyaqa qonec'ata qomle jena'me jenjo':

Amós 9:11

»Na'taquena ga'me nolo' qomle yitaĝa jiyamaĝachiñi di'me lomachaqa' di'me jaliaĝanec David. Yitaĝa ñauela, jo'oĝon joga'me dola, qama'le yitaĝa jen ena'am ca'li yemta 'uo jenjo' 'lachaqa'.

Oseas 5:15

»Qama'le jajo'ta ta'le yaĝadiñe jenjo' ja no'en; qom maqachaĝa yayate'n da'me jayem nauteta ca'li, qama'le yataqachiñe totelo'te qomle, chayovida'a da'me yitaĝa jayem yelodaque.»

Oseas 5:6

Uotaĝa male aueloiyaque joñe'me Jaliaĝanec qama'le auaviquiuo gaa'me uaca nataq'aen 'nanaĝate c'oqo'te qaedi auauoyi' jogaa'me adajaqajequidi', qalaĝaja ja auañiya qomle joñe'me, qa'a joote ami ca'ae.

Oseas 1:11

Qama'le jena'me lec'oqo'tepi di'me Judá nataq'aen ga'me Israel lec'oqo'tepi male yema'a't qom'te, qama'le onolec da'me qoyemalegue joga'me lajoĝola't, qaedi yitaĝa onaĝaic da'me 'loyaĝa'j jogaa'me. ¡Yataqata onaĝaic ga'me nolo' qom'te, naqaega jo'ne lenaĝat da'me “Nolo' Jezreel”, jo'ne yelo'teguet da'me Dios danaĝan.

Oseas 11:10

Jogaa'me male quetegue joñe'me Jaliaĝanec, qama'le da'me lajamaĝa yataqata ena'am joga'me jauaĝaic nale ya'uo lajamaĝa; qama'le uo'oe gaa'me novi't diviloĝo'l, chiyoqo'tegue jodi'me chauo'o.

Oseas 6:1

Qama'le ga'me Israel lec'oqo'tepi male enapega't ca'li: «¡Qolaq! ¡Yitaĝa jec'otaĝa ñe'me Jaliaĝanec! Te'me qo'mi yolaĝachiguilo ca'li, qalaĝaja yataqachiñe qo'mi natade'n qomle; te'me jalcote da'me qo'mi ye'uaĝa'n ca'li, qalaĝaja yataqachiñe qo'mi yichoĝode'n qomle.