Oseas 2:9 - Toba del Oeste

⁹ Chane'eja yitaĝa jacona qomle yema joga'me joote janem: joga'me trigo jala nataq'aen jaga'me uva li'i, chayovida'alo gaa'me leuo lael, yema joĝotaĝanec qomle.

La'aqtaqa Ñim Lo'onatac 'Enauacna 2013

⁹ Qaq ỹoqo'oye qom ivita ca laloxoqui da qanqat na ala na nañiguishecpi, nache aỹem ñe'eguelaq qome, nache sacona na maiche ỹalamaxat trigo, lataxa qataq na ña'asaite, qataq sacona na maiche ỹalamaxat qagueta laue qataq na lino, maye sami' co'ollaxa da yaqto' napogoñi ñaqa'en.

Oseas 2:9 Referans Kwoze

Malaquías 3:18

Chane'eja yitaĝa auañiya qomle joga'me yataqatelegue, da'me ja ena'am joga'me ya'uo da'me ja no'en, qama'le yataqachiñe auayachiñe ga'me t'onataĝaneuo'o joñe'me Dios, ja ena'am joga'me ja p'iya'a.»

Malaquías 1:4

Jogaa'me Edom laje' jo'ne lec'oqo'tepi di'me Esaú male enapega't: «Uotaĝa qo'mi qonolaĝachidiñe ca'li, qalaĝaja yitaĝa qa'nedijeguem jo' qomle ga'me qa'naleua.» Qalaĝaja joñe'me Jaliaĝanec jo'ne napacalegue ena'uac male 'yategueta: «Qom 'uo ga'me yitaĝa 'niyelaĝachidijeguem, qalaĝaja yitaĝa japalaĝat qomle.» Qama'le joga'me 'naleua jogaa'me male qoyateton da'me aleua jo'ne ue'ta joda'me ja no'en, nataq'aen jogaa'me 'lachaqa'tedi yataqachiñe qoyateto'n da'me nach'e eta't dalematayalo joñe'me Dios.

Oseas 2:3

Di'me noic jo'ne Israel, qom ja ya'uo jena'me jenjo', qama'le ñaqa't qomle gaa'me leuo lael: jadenaĝat ena'am ca'li yemta 'niyiñe. Qama'le jen qaqata, ena'am di'me aleua jo'ne totapega't, qama'le jalatec da'me jen yeliñquip.

Sofonías 1:13

Qama'le eja, da'me qodoĝotaĝanec qomle da'me leuoyaĝa'j, nataq'aen da'me qonolaĝachidiñe qomle gaa'me 'lemaqa. Te'me 'noĝodijeguem gaa'me 'lemaqa, qalaĝaja ja nedaue qomle jogaa'me. Jalcote ga'me lanec jo'ne uva lichidic, qalaĝaja ja niyomidigui qomle ga'me uva li'i.»

Joel 2:14

Uotaĝa male ja ya'uo joga'me ane'uaĝanaguequi, qama'le ami namaĝalo da'me lichoĝodenataĝanaĝac: uotaĝa male ami yanema joga'me trigo jala choqoga'me uva li'i, qaedi yitaĝa auañem ga'me adajaqajequi joñe'me Jaliaĝanec mach'e Anedios.

Oseas 9:2

Chane'eja male qaga'te jala qomle joga'me trigo nataq'aen joga'me uva jala; te'me 'uo qomle joga'me lataĝa, qalaĝaja jaleca.

Oseas 8:7

»Naa'me naajo' 'uo da'me lanaĝanaĝa'j ca'li: ena'am ta'le yaadiñe ca'li joga'me layat, qama'le ¡naqachidiñe qomle jaga'me qada'che lat'edae! Qa'a joga'me lanaĝanaqa't qaya'te 'uo joga'me chiyaqayi, nataq'aen joga'me nanec, qaya'te 'uo joga'me harina ta'le chiyaqayi. Chayovida'a qom 'uo joga'me te'me chiyaqayi, qama'le gaa'me jiyaĝa'u jo'ne ja 'lachaqa'tena, naqaegaua yali'j qomle.