Oseas 2:8 - Toba del Oeste

⁸ »Jañe'me qa'a ja jetaque 'yamaqaten da'me naqayem jo'ne jiqui'yaĝatac ca'li, nataq'aen janem yema joga'me youetaque. Chayovida'a janem ca'li jaga'me oro nataq'aen jaga'me plata, naqagaua jo'ne yaconalo qaedi ye't jogaa'me lequi'il ñe'me Baal.

La'aqtaqa Ñim Lo'onatac 'Enauacna 2013

⁸ Qalaxaye acamaye saishet da ỹauattooteguet da nachaỹem da saata'am na trigo, lataxa qataq na aceite, qataq da nachaỹem da nquicapeguec ñaqa'en na plata qataq na oro, maye do'onataxana da ỹo'ot na saq 'en natamnaxala'pi.

Oseas 2:8 Referans Kwoze

Oseas 13:2

Qama'te jogaa'me Efraín lec'oqo'tepi maliaĝa yauote loe'j. Chiyaqayi jaga'me plata da'me yauote ga'me netametot: jenjo' yauote nale neda'ña joga'me lelnataĝa'j, ga'me yauote naajo' onataĝanaĝayaqa. Enapega't nale: «Auauoyi adajaqajequi», qama'le joga'me jiyaĝadipi yataqata qonec'ouoq jenjo' uaca c'oĝot lequi'i.

Oseas 8:4

»Yauote ca'li joga'me lejaliaĝane'j, qalaĝaja ja jayem 'te yenadetec ga'me mach'e yiquiyac; nataq'aen ca'li yauote gaa'me lajoĝola'te, qama'le ja jayem 'te yanomaĝanaĝa'n. Nataq'aen yacota jaga'me plata nataq'aen jaga'me oro qaedi yauote joga'me netametot nale, qalaĝaja chiyaqayi da'me dojo' male qoyolaĝachigui qomle da'me nejiyaĝauayaĝa'j.

Oseas 4:11

Yitaĝa enaac ñe'me Jaliaĝanec: «Jena'me yalaqapi ch'e quetapegue'to naa'me quejeguetaĝael, nataq'aen da'me niyomidigui nale ga'me lataĝa, qama'le ena'am ta'le yejoma'ape daa'me lelnataĝaco.

Habacuc 1:16

Chane'eja ena'am ta'le e'n qop'iya'alo nale gaa'me le'uaĝanaĝanaqa'te nataq'aen gaa'me lenal: chayovida'a da'me yauote nale ga'me lajaqaje'j, yajouaĝat da'me 'uo joga'me yali'j jo'ne jalcote nataq'aen jalcote joga'me liqui'yaĝa'j.

Oseas 2:5

Qa'a Israel qodajelaĝanec nale, ena'am jaga'me quejeguetaĝae; male qaya'te li'yoĝodic qa'a nenaĝategue ca'li: “Jep'iya'alo nayi gaa'me lequi'il ñe'me Baal, jogaa'me jo'ne ena'am ta'le yojaĝa'u, qa'a naqaegaua jo'ne yauote ga'me jouetaque nale: jayem yate'm joga'me jalic nataq'aen joga'me ñiyomigui, yauo'oe naa'me yeuo lael, nataq'aen joga'me ñeyoĝoqui, qama'le yataqata e'n jayem matac nale”.

Oseas 10:1

Gaa'me Israel laje'pi eda'am ca'li joga'me uva lichidic jo'ne yataqachiñe jalcote da'me lejalayaĝac. Qalaĝaja ca'li nichiquetaye da'me leuoyaĝa'j, male ja jayem 'te yane'm da'me lamai'j, dite da'me jalcote jogaa'me c'atonaĝala'te laqaya' jo'ne qoyauo'oe ca'li. Nataq'aen ca'li jalcote da'me laqataĝanaĝa'j jo'ne yachiyoĝoteda'ña jena'me 'naleua', qama'le yataqachiñe onaĝayaqa jogaa'me qadi jo'ne yauote qaedi qonetametapecoto.

Oseas 13:1

Ca'li joñe'me Efraín dojetac, jena'me Israel yataqata 'uo da'me lauategaĝac; qalaĝaja Efraín male ualegue leleuaĝa ca'li ya'uo jenjo', da'me netamenot joñe'me Baal.