Oseas 2:7 - Toba del Oeste

⁷ Jetaque equeguelo jogaa'me lojaĝa'u jañe'me, qalaĝaja ja yedalo'te; jetaque yelapiyi jogaa'me, qalaĝaja ja yauanalo. Qama'le naq'aeta da'me lelnataĝac qomle: “Yitaĝa ji'iyelaĝa qomle jo'me 'uaeñe yecochaĝaua, qa'a yataqata 'noota joca'li da'me 'yoyaĝac, ja ena'am da'me 'uo nayi”.

La'aqtaqa Ñim Lo'onatac 'Enauacna 2013

⁷ Qataq icaateguiñi' qome nam nquisheshaxauapi, qalaxaye saishet da ivi', qataq nmittaique, qalaxaye saishet da ỹanata. Huaña, nache 'eeta': «Aỹem she'eguelaxa ca hua'auchiguiñi ihua, cha'aye co'ollaq sooto'ot, nache ỹataqta saỹamaqchiguiñi, qaq saq 'ena'am nagui.»

Oseas 2:7 Referans Kwoze

Oseas 5:13

»Qama'le di'me Israel male yauana qomle ga'me lachoĝodec, nataq'aen di'me Judá male yauana qomle da'me yédiñe. Chane'eja Israel yelaque qomle lichoĝodenataĝanaĝac ga'me nejaliaĝanec let'adaic jo'ne yelolegue di'me Asiria. ¡Qalaĝaja joñe'me ja yaqanatet ta'le ami nec'alaĝatedegue!

Oseas 13:6

»Qalaĝaja ca'li ja auoviñetaque ga'me aualiqui, chayovida'a yataqata adanodiye, naa'me adequidiaqachildi' male yataqata uauelo da'me ja no'en, qama'le jayem aĝañiñi.

Oseas 14:1

A'niyelaq, am Israel, anec'ata joñe'me Jaliaĝanec mach'e Anedios, qa'a ena'am ta'le auapoguelaĝan ca'li, jouaĝat da'me adoec.

Oseas 5:15

»Qama'le jajo'ta ta'le yaĝadiñe jenjo' ja no'en; qom maqachaĝa yayate'n da'me jayem nauteta ca'li, qama'le yataqachiñe totelo'te qomle, chayovida'a da'me yitaĝa jayem yelodaque.»

Oseas 2:16

Qama'le ja yitaĝa ta'le etedac da'me jayem ladipa', dite da'me male etedac qomle da'me naqayem jo'ne loua'; mach'e jayem jo'ne Jaliaĝanec.

Oseas 1:2

Chane'eja joñe'me Jaliaĝanec dojapegue' ca'li joñe'me Oseas, enaac jenjo': «Jamo, oc, qama'le auen adoua jaga'me quejeguetaĝae, qama'le auauo'oe ac'oqo'te qomle, qa'a joga'me Israel lec'oqo'tepi yataqata jayem queda'e, da'me e'n 'loyaĝa'j ena'am jaga'me quejeguetaĝae.»