Oseas 2:23 - Toba del Oeste

²³ Chane'eja, ami jaalo'te qomle jena'me aleua, qaedi yitaĝa ami noic jo'ne mach'e yoĝot. Qama'le jichoĝode'n qomle jogaa'me jo'ne qoye'n lenaĝa't ca'li da'me Lo-ruhama, nataq'aen jogaa'me jo'ne qoye'n lenaĝa't ca'li da'me Lo-amí, janema qomle jena'me jenjo' 'yaqatac, jenaac: “Male yataqata ami yalaqapi nayi”, qama'le jayem a'uachiyeguet qomle, aueñiyaac: “¡Je'e: naqa'am jo'ne Qanedios!”»

La'aqtaqa Ñim Lo'onatac 'Enauacna 2013

²³ Nache na ỹalamaxat nhuo' le'ecpi sanalec qome na 'alhua, da yaqto' ỹalamaxat, nache talec ñaqa'en da ichoxonnataxanaxa aso Lorrujama, qataq so Loamí, nache sheeta': «Maiche 'am ỹalamaxat.» Qaq da aỹem detaxaỹa, nache 'eeta': «'Am Ñatamnaxala'.»

Oseas 2:23 Referans Kwoze

Zacarías 13:9

Qama'le naajo' jo'ne nec'aletedaye qomle je'n tade'ga ga'me dole'. Yataqata je'n yichec, ena'am nale qoye'et jaga'me plata da'me jiyamaĝachiñi. Je'eteque qomle ena'am nale jaga'me oro da'me qo'yiyen, qama'le jogaa'me yemta jayem nenaĝatetedapegue, qama'le ja'ategueta. Male jenaac: “Naqa'ami mach'e yalaqapi.” Qama'le jogaa'me male nenaĝatedegue: “Nach'eñe joñe'me Jaliaĝanec mach'e Qanedios.” Naq'aeta jenjo' 'yaqatac, mach'e jayem Jaliaĝanec.»

Zacarías 2:11

»Qom 'uo jena'me jenjo', jalcote gaa'me noyaqa male jayem 'niyelaĝadetot, qama'le jenaac qomle: Yemeda naa'me naajo' nataq'aen yalaqa, qama'le eja nataq'aen ami jonauelo.» Qom 'uo jena'me jenjo', male yataqata auayachiñe da'me 'uo da'me lañoqotaĝanaĝac joñe'me Jaliaĝanec, naqaeñe jayem namaĝaquena ca'li.

Malaquías 1:11

Qa'a yemeda naa'me aleua lael uo'oe gaa'me jayem 'nonaĝachedigui, nataq'aen yataqachiñe 'uo da'me ñi'yoĝodenataguec. Yauote nale ga'me lajaqaje'j jo'ne onaĝaic, qama'le yataqachiñe jayem qo'nonaĝachigui nale.

Oseas 1:6

Yem qama'le jañe'me Gómer yitaĝa qo'uaĝae, qama'le 'uo jañe'me c'oqote yauo. Chane'eja joñe'me Dios yitaĝa yanem jenjo' 'laqatac joñe'me Oseas: «Jana'me janjo' notole, auen lenaĝat da'me Lo-ruhama, qa'a ja yitaĝa jichoĝode'n qomle jogaa'me ueteda'ña jena'me jenjo' nejaliaĝa jena'me Israel: male qayaua'te ta'le yecochiyalo.

Zacarías 14:16

Qom male yem jena'me jenjo', qama'le jogaa'me nec'aletedaye ca'li qodeloiqui'tape di'me Jerusalén, male dajotegue yemeda naa'me 'uoidi qaedi 'nonaĝachedigui ñe'me Jaliaĝanec jo'ne napacalegue ena'uac, nale ua'a da'me neualayaĝac jo'ne qonauelo jogaa'me nomachaĝaiqui'.

Zacarías 14:9

Qama'le ya'uo lejaliaĝa ñe'me Jaliaĝanec jo'ne ja 'nalegue yema jena'me aleua: joñe'me Jaliaĝanec male onolec, qaya'te laqaya, nataq'aen onolec da'me mach'e lenaĝat joñe'me jo'ne qo'nonaĝachigui.

Zacarías 10:9

Mate mane'e ca'li jelagaĝatelo'te naa'me ale'u lael, temaq'aen qaya'aguelo, qalaĝaja jayem netoueta qomle, qama'le yovita ga'me nolo' qomle yitaĝa 'niyela', naequetapegue'to gaa'me c'oqo'te.

Oseas 8:2

Jayem nec'adeta nale qama'le 'yalaqa'tape, etapega't: “Am Qanedios, yataqachiñe am jatetonaq, da'me qo'mi Israel lec'oqo'tepi.”