Oseas 2:21 - Toba del Oeste

²¹ Eja, naqayem jo'ne Nedios jena'me Israel laje'pi, male ami ñaquiaĝanalo, qama'le jojapegue' qomle jodi'me piyem qaedi yataqata uotep, qama'le talegue jena'me aleua.

La'aqtaqa Ñim Lo'onatac 'Enauacna 2013

²¹ Qaq Aỹem Nataxala', shenapec: Que'eca na'a'q, aỹem sasateguet qome na piguem, qaq na piguem qalaq ỹasateguet qome ana 'alhua,

Oseas 2:21 Referans Kwoze

Zacarías 8:12

Qa'a da'me 'nemaĝac male ami qoyanema. Onolqa'tape ami uetauelo gaa'me uva lichidijat, jalcote qomle jaga'me jala. Jena'me aleua, yema joga'me chiyaqayi; jena'me piyem, ga'me loiquiaĝa. Yema jena'me jenjo' ami janema, tayi da'me ovitapega jenjo' noic.

Zacarías 13:9

Qama'le naajo' jo'ne nec'aletedaye qomle je'n tade'ga ga'me dole'. Yataqata je'n yichec, ena'am nale qoye'et jaga'me plata da'me jiyamaĝachiñi. Je'eteque qomle ena'am nale jaga'me oro da'me qo'yiyen, qama'le jogaa'me yemta jayem nenaĝatetedapegue, qama'le ja'ategueta. Male jenaac: “Naqa'ami mach'e yalaqapi.” Qama'le jogaa'me male nenaĝatedegue: “Nach'eñe joñe'me Jaliaĝanec mach'e Qanedios.” Naq'aeta jenjo' 'yaqatac, mach'e jayem Jaliaĝanec.»

Oseas 14:7

Israel yitaĝa uetoue yequepaqataĝanaĝac, qama'le nichiquetedaye, ena'am joga'me trigo; naa'me la'uol eda'am joga'me uva lichidic, qama'le yataqata qoyateto'n qomle, ena'am joga'me lataĝa di'me Líbano.

Joel 2:19

Male enaac: «Yitaĝa ami janema joga'me trigo jala, nataq'aen joga'me uva li'i choqoga'me aceite, chayovida'a qom yataqachiñe adanodiye da'me ami. Qama'le ja yitaĝa jaje'tema jogaa'me noyaqa laqaya' ta'le ami ye'ue'tape.

Malaquías 3:10

Anedoyiquena ga'me diezmo, qama'le auachiyañgui jaga'me najaqaje lae't, qaedi jena'me 'yemec male ja qaya ga'me nalic. ¡Cha'li jayem auapiyeñi! Qama'le auañiya qomle da'me jo'ouategue di'me piyem, qaedi jen jalcote ga'me ami jeyala'aque.

Malaquías 3:11

Chayovida'alo gaa'me qojequioĝoel nataq'aen gaa'me napaĝatpi jo'ne yali'j nale ga'me adanec, male je'n qaya'alo, qama'le gaa'me uva lichidijat jalcote ga'me jala qomle.

Zacarías 8:8

Ñauegalo qomle jena'me Jerusalén qaedi yitaĝa neda'ña, qama'le naa'me naajo' mach'e yalaqa qomle, qama'le da'me jayem mach'e Nedios, mach'e jayem jo'ne yataqatelegue nataq'aen chimaqachiñe.»