Oseas 2:13 - Toba del Oeste

¹³ Yataqata je'uaĝan qomle jañe'me, jouaĝat ga'me ua'a da'me yegoue ga'me yoĝoqui jo'ne yanema gaa'me lequi'il ñe'me Baal, ca'li yaediñe gaa'me 'noe'n li'yoĝodaqa'te jo'ne nechijaĝal nataq'aen loqolal, qaedi dejapichiyalo gaa'me lojaĝa'u. Qalaĝaja da'me jayem, yataqata ja jayem 'te uenata nale. Mach'e jayem jo'ne jayem Jaliaĝanec.»

La'aqtaqa Ñim Lo'onatac 'Enauacna 2013

¹³ Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

Oseas 2:13 Referans Kwoze

Oseas 13:6

»Qalaĝaja ca'li ja auoviñetaque ga'me aualiqui, chayovida'a yataqata adanodiye, naa'me adequidiaqachildi' male yataqata uauelo da'me ja no'en, qama'le jayem aĝañiñi.

Oseas 13:1

Ca'li joñe'me Efraín dojetac, jena'me Israel yataqata 'uo da'me lauategaĝac; qalaĝaja Efraín male ualegue leleuaĝa ca'li ya'uo jenjo', da'me netamenot joñe'me Baal.

Oseas 11:2

Jalcote ca'li da'me jiyaĝanalo, qalaĝaja yataqata jayem queda'e. Ca'li jena'me jenjo' yalaqapi yauote lajaqaje'j, yatema jogaa'me qop'iyapegalo ja yataqatelo'te, yeguedoue nale joga'me yoĝoqui jo'ne davioĝon da'me laeta, qaedi yate'm gaa'me nequi'il.

Oseas 9:7

¡Male naditeda'a gaa'me noloqo'ote qom 'uo da'me adachoĝodequi, qom ami qoye'uaĝa'n, yajouaĝa't daa'me adoecodi' jo'ne ja 'noe'n! Qama'le ami Israel laje'pi male auayachiñe queda'me yataqachiñe eja. Qalaĝaja ch'e aue'viñetac jenjo' aqataĝanaĝaic, da'me aueñiyaac nale jenjo': «¡Dojo' yataqachiñe chiyoĝojec, ena'am ta'le qaya'te yayaten!» Qama'te aueñiyaac jenjo' qa'a yataqachiñe jayem adiquiyayi'ya, yajouaĝat da'me yataqachiñe ami najaĝayelo joda'me ja no'en.

Oseas 8:14

»Naa'me Israel laje'pi yauote ca'li gaa'me nejaliaĝaiqui', qalaĝaja yataqachiñe jayem yapalaĝateteda'a, da'me jayem jo'ne 'netoqo't. Naa'me Judá laje'pi yauo'oe ca'li gaa'me noyaqa jo'ne 'uañaĝayaqa, qalaĝaja jen qoyaviyaĝa't qomle gaa'me, chayovida'alo gaa'me nejaliaĝaiqui' yataqachiñe yavi'j qomle.»

Oseas 4:6

Jenjo' noic jo'ne yalaqapi, qaya'te jayem yatetonaĝanaĝaneque, qama'le nayi male nimichidiñe. Da'me ami tamenaĝaiqui lo'ol, jouaĝat da'me ja jayem 'te a'uamaqachiñe, qama'le da'me jayem male ja ami 'te ja'amaqateneque ta'le ayoue jena'me ñetamenaĝaiqui. Da'me ami ja jetaque auoqochiya'alo naa'me yamajoĝonaĝaco, qama'le da'me jayem ja jaje'tema qomle gaa'me ac'oqo'chedi' ta'le qoye'n tamenaĝaiqui lo'ol.»

Oseas 4:13

Quije'meque naa'me qajoĝona'a jo'ne qayaje'meque, nataq'aen ne'toto gaa'me paqa'li gaa'me e'epa lat'edael, qaedi yauo'oe lajaqaje'j jo'ne yate'm gaa'me qop'iyapegalo. Qo'oche', ami tamenaĝaiqui lo'ol, gaa'me ac'oqocheldi' nataq'aen gaa'me adateldi' ch'e leua'u nale gaa'me ja loua'.

Oseas 2:7

Jetaque equeguelo jogaa'me lojaĝa'u jañe'me, qalaĝaja ja yedalo'te; jetaque yelapiyi jogaa'me, qalaĝaja ja yauanalo. Qama'le naq'aeta da'me lelnataĝac qomle: “Yitaĝa ji'iyelaĝa qomle jo'me 'uaeñe yecochaĝaua, qa'a yataqata 'noota joca'li da'me 'yoyaĝac, ja ena'am da'me 'uo nayi”.

Oseas 2:5

Qa'a Israel qodajelaĝanec nale, ena'am jaga'me quejeguetaĝae; male qaya'te li'yoĝodic qa'a nenaĝategue ca'li: “Jep'iya'alo nayi gaa'me lequi'il ñe'me Baal, jogaa'me jo'ne ena'am ta'le yojaĝa'u, qa'a naqaegaua jo'ne yauote ga'me jouetaque nale: jayem yate'm joga'me jalic nataq'aen joga'me ñiyomigui, yauo'oe naa'me yeuo lael, nataq'aen joga'me ñeyoĝoqui, qama'le yataqata e'n jayem matac nale”.

1 Samuel 12:9

Qalaĝaja yem da'me dojo', jodia'me yapalaĝateteda'a ñe'me Jaliaĝanec mach'e Nedios. Chane'eja joñe'me yanem da'me lañoqotaĝanaĝac ñe'me Sísara jo'ne lajoĝola't gaa'me nalada't lo'ol jo'ne t'onataĝade'uo ñe'me lejaliaĝanec di'me noic Hasor, qaedi deloi'ye'to jogaa'me Israel laje'pi. Nach'e ena'am ñe'me Jaliaĝanec yanema da'me lañoqotaĝanaĝa'j jogaa'me filisteopi choqoñe'me lejaliaĝanec di'me Moab.

Amós 8:10

Da'me te'me adeualayaĝaqui, male jen tayi qomle da'me 'uo joga'me anoenaĝaqui, yajouaĝat da'me uo'oe dia'me yele'u. Daa'me adalacodi', jen lajamaĝa da'me adachoĝodequi; jen da'me auaeñiñe gaa'me adeuo lael napidiyilo, qa'a 'uo da'me anoenaĝaqui. Chayovida'a da'me yataqata anemadiquilo'te naa'me adaqai'godi', qa'a 'uo da'me adachoĝodequi let'adaic. Anoyeñi qomle, ena'am nale 'uo joga'me yeleu da'me onolec ga'me c'oĝot. Yema jenjo' qomle qaya'te namaic.»