Oseas 2:11 - Toba del Oeste

¹¹ Yataqata jen ye'm qomle daa'me leualayaĝaco nale yenoĝodegue naa'me noloqo'ote naa'me auoĝoyaqa chayovida'alo naa'me 'uoidi: male ja yitaĝa matac jañe'me.

La'aqtaqa Ñim Lo'onatac 'Enauacna 2013

¹¹ Huaña qome nache tachiguiña ñaqa'en da lamaicỹaxac, qataq da ỹo'ottac na lquia'axac da dalaxaic ñi ca'agoxoic, qataq ye na'a'q mataxaqui, qataq 'enauac na laỹe la'ashaxacpi.

Oseas 2:11 Referans Kwoze

Amós 5:21

Jenjo' jo'ne 'laqatac joñe'me Jaliaĝanec: «Yataqata jo'otan nale auauoyi da'me ademaĝaqui; yataqachiñe ja ja'amaqaten nale ademiya'a't.

Amós 8:5

ami jo'ne anenaĝachetayi jenjo': «¿Jach'e eeta qom yem joga'me neualayaĝac jo'ne taue jenjo' auoĝoic dalaĝaic, qaedi jemenaq jenjo' jo'ne trigo? ¿Jach'e eeta qom yem ga'me nolo' jo'ne omataĝaiqui, qaedi jemenaq jenjo' nana jala jo'ne onaĝaic, da'me ja yepaquichigui nale joga'me jenaq lajo'vi?

Nahúm 1:10

Qa'a aueñiya'am jaga'me yaĝat nale yataqata qaqata, uotaĝa auaqapi qaqata jo'ne qoyegouelo, qama'le qaya'te 'niyoĝot.

Amós 8:3

Male na'ta ga'me nolo' qom naa'me nalaco di'me nejaliaĝaiqui ma'te noenaĝaco, yajouaĝat da'me jalcote jogaa'me yele'u qomle. Qama'le tochiñe da'me qoyajaĝadegue jogaa'me lapa'che. Naq'aeta da'me 'yaqatac, mach'e jayem Jaliaĝanec.»

Oseas 3:4

Qa'a nach'e ena'am joga'me Israel lec'oqo'tepi jalcote naa'me noloqo'ote qomle da'me qaya'te lejaliaĝane'j nataq'aen qaya'te lajoĝola't; qaya'te 'uo ga'me ya'uo lajaqaje ta'le qoyanem ñe'me Dios, nataq'aen qaya'te qa' jo'ne qoyen c'atonaĝala'; qayaua'te leuo lael jogaa'me tamenaĝaiqui lo'ol nataq'aen qayaua'te qomle gaa'me nequi'il jo'ne qonetamenoto nale.

Oseas 5:7

Ch'e auadenaĝachi jaga'me quejeguetaĝae, qa'a auoqoviñi joñe'me Jaliaĝanec nale anetameñiyoto gaa'me ja ejoda; ena'am ta'le jogaa'me ac'oqo'chedi' male ja loqo'te joñe'me Jaliaĝanec. Chane'eja qom yenoĝonegue ga'me auoĝoic laqaya, qama'le paja'a da'me ami pa'l qomle nataq'aen qoyapalaĝat qomle ga'me a'naleuai.