Oseas 14:5 - Toba del Oeste

⁵ Male je'etec nayi jodi'me Israel ena'am ga'me nichaĝa jo'ne ometeguet, qama'le yataqata onaĝae jaga'me la'uo, ena'am jaga'me lirio, nataq'aen naa'me patadi' yataqata t'añidañi qomle, ena'ama gaa'me e'epa dia'me qajoĝona'a di'me Líbano.

La'aqtaqa Ñim Lo'onatac 'Enauacna 2013

⁵ Nache sheeta'am qome ca 'aỹa da talec na Israel le'ecpi, nache namayepi 'eeta'am qome ana lache late'e da huo'o ana lauoxo, qataq ỹataqta ỹa'areñi na lpa'a'pi, 'eeta'am ana cedropi ye Líbano.

Oseas 14:5 Referans Kwoze

Miqueas 5:7

Qama'le nayi, jogaa'me jo'ne qoyelagaĝatedegue ca'li, male uetauelo ga'me jalcote gaa'me noyaqa, jogaa'me uo'oe jo'ne lec'oqo'tepi di'me Jacob male eda'am joga'me nichaĝa jo'ne namaĝaquena ñe'me Jaliaĝanec, nataq'aen eda'am joga'me uotep nale talegue joga'me auaqapi, jo'ne ja paquetapega ga'me lelnataĝac ga'me jiyaĝaua.

2 Samuel 23:4

nach'ega ena'am ga'me lauaqayaĝac joga'me nete', ena'am ga'me lauaqayaĝac jañe'me ajeua nale qaya'te piyem lo'oc, jo'ne en nolelidijeguem gaa'me lolelaĝael nale yoĝo'yi ga'me uotep.”

Oseas 6:3

¡'Noota qom yataqachiñe ñomitaqataque joñe'me Jaliaĝanec! Qa'a qom naq'aeta, qama'le qo'mi yevitetapiye qomle, ena'am jaga'me ajeua nale yemta nenoĝojeguem, ena'ama gaa'me 'uaediñe uochi'pi jo'ne uo'oe nale ga'me nauoĝo.»

Miqueas 7:18

Qaya'te Dios laqaya ta'le am ena'am, qa'a auapalaĝa't gaa'me qadoeco, nataq'aen auapalaĝate'talo gaa'me qanautenaĝaco, da'me qo'mi ac'oqo'tepi jo'ne ja qo'mi 'te lama'y. Ja nach'e eta't am ue'tajop da'me adalemataic, qa'a 'uo da'me adamaic nale qo'mi aualoĝonalo da'me adichoĝodenataĝanaĝac.