Oseas 14:3 - Toba del Oeste

³ Asiria ja yaqanatet ta'le qo'mi nec'alaĝatedegue, uotaĝa jajoĝoye da'me jonaqalegue joga'me pegaq. Male ja jenaĝa “Qanedios” joga'me ch'e qat'onatac, qa'a am onolec am Jaliaĝanec avichoĝode'n jogaa'me jape'l.»

La'aqtaqa Ñim Lo'onatac 'Enauacna 2013

³ Na Asiria le'ecpi saishet qome da qomi' nca'alaxatrec, qataq saishet da sonaqtalec na caipi da ñaneltaxanaq, huaña nache saxanaxañi da shenaqtega qanatamnaxala' na maiche qaro'onatacpi, cha'aye nache 'amta 'Am Nataxala', da 'am ỹachegoxoto'ot da nchoxonnataguec nam qaicaua caua lta'al.»

Oseas 14:3 Referans Kwoze

Oseas 14:8

Efraín male enaac: “Ja yitaĝa ja'amaqate'n jogaa'me ch'e 'nonataqa jo'ne qonetamenoto”. Naqayem jo'ne jelo'oguet nataq'aen jetela joga'me yalaqapi; jena'am jaga'me epaq jo'ne pino, nach'e eta't jayem dadala; chiyaqayi da'me jayem, jenjo' yalaqapi nayi 'uo joda'me jalayaĝac.»

Oseas 5:13

»Qama'le di'me Israel male yauana qomle ga'me lachoĝodec, nataq'aen di'me Judá male yauana qomle da'me yédiñe. Chane'eja Israel yelaque qomle lichoĝodenataĝanaĝac ga'me nejaliaĝanec let'adaic jo'ne yelolegue di'me Asiria. ¡Qalaĝaja joñe'me ja yaqanatet ta'le ami nec'alaĝatedegue!

Oseas 2:17

Qa'a naa'me nedegaqa'te, jotaĝaneque qomle naa'me lenaqa'te ñaa'me qop'iyapegalo, qaedi ja yitaĝa nenaĝatedegue daa'me.

Oseas 12:1

«Joga'me Efraín yecanac jena'me layat: yemeda naa'me noloqo'ote quetapegue' joga'me layat chiyoĝogue jena'me cha'ña. Nichiquetaye da'me loqovinaĝanaĝac, nataq'aen male yataqata qaleuaĝaic; yauote 'naĝataĝac nale uaĝayet jodi'me Asiria, qama'le yamaĝa aceite di'me Egipto, ch'e en neme.»

Oseas 8:9

Qa'a ena'am joga'me ajena jo'ne viaĝajec jo'ne yataqachiñe yejomac, da'me dajotegue ca'li di'me aleua jo'ne Asiria qaedi qoyichoĝode'n, qama'le uo'oe gaa'me yeyala'aque qaedi qolecochiyalo.

Oseas 8:6

Ami Israel lec'oqo'tepi, ¡dijo' uaca le'em ja naqaedi ta'le Dios! Qa'a ch'e jiyaĝaua 'lonatac, qama'le 'uo joga'me ua'a qomle yitaĝa qoyolaĝat.

Oseas 7:11

Qa'a eda'am joga'me doqoto' jo'ne dajotapi'ñgui, da'me ja yayaten ga'me ua'a da'me 'nomataqa': qa'a 'uaeñe da'me nachoĝodetot di'me Egipto qaedi qoyichoĝode'n; yem qama'le yec'adeta di'me Asiria.

Zacarías 13:2

Yema jenjo' aleua male yataqata japalaĝa't gaa'me lenaqa'te jogaa'me qop'iyapegalo nale, qaedi ja yitaĝa qouenate'talo. Male jeuodaĝaneque jogaa'me lamaĝa's, nach'egaua jo'ne najaĝayelo da'me lañoqotaĝanaĝac ga'me nepaqal jo'ne ja no'en. Jayem jo'ne Jaliaĝanec naq'aeta jena'me 'yaqatac.

Oseas 4:12

Jogaa'me yalaqapi yena't nale jogaa'me qop'iyapegalo jo'ne ch'e e'epa; nataq'aen ga'me epaĝa lae, etedapega yayaten joga'me 'noota. Da'me lamaic ga'me lequejeguetaĝa'j yataqachiñe yamaqa'tape jogaa'me, qama'le ch'e uenatetedapega da'me jayem queda'e, quetedapegue' da'me nejiyaĝauayaĝa'j lamaic.

Oseas 13:2

Qama'te jogaa'me Efraín lec'oqo'tepi maliaĝa yauote loe'j. Chiyaqayi jaga'me plata da'me yauote ga'me netametot: jenjo' yauote nale neda'ña joga'me lelnataĝa'j, ga'me yauote naajo' onataĝanaĝayaqa. Enapega't nale: «Auauoyi adajaqajequi», qama'le joga'me jiyaĝadipi yataqata qonec'ouoq jenjo' uaca c'oĝot lequi'i.

Jonás 2:10

Chane'eja joñe'me Jaliaĝanec male yamaĝalegue ga'me niyaq polio' da'me yedo'ota ga'me 'lañaĝa ñe'me Jonás qaedi ua'a da'me male nolec.