Oseas 14:2 - Toba del Oeste

² A'niyelaĝa joñe'me Jaliaĝanec, aua'uo nayi jenjo' tamenaĝac: «Qo'mi avichoĝode'n, auapalaĝa't yema jogaa'me qadoeco, auaconeguet jenjo' qanechoĝotaĝac, jenjo' qadamaic jo'ne am janemaĝam.

La'aqtaqa Ñim Lo'onatac 'Enauacna 2013

² Ña qavi'eguelaqaỹa qome Ñim Nataxala', qauacheetac da achoxonnaxac maye, 'eeta': «Ña 'auapalaxat qome nam qauempi maye so'otaq, nache 'auaconeguet qataq 'auamaateguet da qayo'oxonnataxanaxac maye 'am sanaqtacot.

Oseas 14:2 Referans Kwoze

Joel 2:17

'Noota qom noyetayi joga'me tamenaĝaiqui lo'olpi, nach'egaua jo'ne mach'e lecochaĝa'u joñe'me Jaliaĝanec; qama'le da'me yec'atede'uo jona'me 'nachaqa' jo'ne ja 'nalegue, da'me dajotedalegue ga'me nec'atonaĝala', qama'le 'noota qom male nenaĝatedegue: «Am Jaliaĝanec, avichoĝode'n jena'me ac'oqo'tepi; ena'te auaje'tem ta'le 'uo joga'me ye'ue'tape jonaa'me; ena'te auajeta ta'le 'uo joga'me noic laqaya da'me qo'mi nejaliaĝatelo'te uotaĝa ta'le jogaa'me ja am 'te p'iida'a male nenaĝatedegue jenjo': “¿Jach'e ga'me ue'ta joga'me mach'e Nedios?”»

2 Samuel 24:10

Qalaĝaja ñe'me David nomeguet da'me ja 'noota joga'me ya'uo queda'me en nedela't ga'me jiyaĝadipi, qama'le nechoĝotot ñe'me Jaliaĝanec, enaac: «Yataqachiñe let'adaic da'me yoec queda'me ja'uo da'me dojo'. Qalaĝaja am ñachoĝodenot, am Jaliaĝanec, qaedi auapalaĝat nayi ga'me yoec, jayem jo'ne mach'e adalemaĝajet, qa'a ja'uo ena'am ga'me ya'uo joga'me chiyoĝojec.»

2 Samuel 12:13

Ñe'me David 'yateguet ñe'me Natán: «Eja da'me yoec jo'ne ja'uo yataqachiñe nautena ñe'me Jaliaĝanec.» Qama'le ñe'me Natán yitaĝa enaac: «Ñe'me Jaliaĝanec male yapalaĝat da'me dojo' adoec, qama'le ja adeleu.

Zacarías 3:4

Qama'le joñe'me piyem le'ec yamaĝalo'te jogaa'me lecochaĝa'u qaedi qonaqa't jogaa'me ja 'noe'n leuo lael ñe'me Josué. Yem qama'le enapega: «Auec'aten jenjo' jo'ne yelo'teguet da'me male japalaĝat da'me adaviyaĝajet. Qama'le nayi, auaediñe adeuo lael jo'ne onaĝayaqa.»

Oseas 6:6

Jepaquetapega ta'le yataqachiñe ami choĝodenataĝanaĝayaqa, chayovida'a da'me jayem auatetoñi, da'me jayem mach'e Anedios; ja naqaeda ta'le auauoyi adajaqajequi jo'ne auequiyoue nale.

Jonás 2:9

Qalaĝaja da'me jayem nach'e eta't da'me am 'ñonaĝachigui, nataq'aen da'me am ja'aĝatem da'me ja'uo ga'me yajaqajec; jen yepaquichigui da'me jo'ne joote am 'ñaĝatetapecot. ¡Am Jaliaĝanec, jo'ne am onolec da'me aua'uo da'me nec'alaĝac!»

Oseas 5:5

Da'me ani'yoĝodenaĝaqui qa'a ami yaloĝona da'me yataqachiñe ami ja 'noe'n; qama'le daa'me adoecodi' male yajouaĝa't da'me ami qoyapalaĝa't jo' qomle, qama'le nach'e ena'am joga'me ua'ajopa jogaa'me lec'oqo'tepi di'me Judá.

Oseas 12:7

'Laqatac joñe'me Jaliaĝanec: «Am Israel, auena'am ga'me Canaán, qa'a uetauelo naa'me adoua' joda'me noqovinaĝanaĝac, qa'a ja yepaquichigui ga'me lajo'vi nale auemenaĝan.