Oseas 13:6 - Toba del Oeste

⁶ »Qalaĝaja ca'li ja auoviñetaque ga'me aualiqui, chayovida'a yataqata adanodiye, naa'me adequidiaqachildi' male yataqata uauelo da'me ja no'en, qama'le jayem aĝañiñi.

La'aqtaqa Ñim Lo'onatac 'Enauacna 2013

⁶ Qalaxaye co'ollaq mashe ỹaguec na qo'oqoi, nache naua qarquiyaqtelli' nlaxaguilo da qana'amqaanaxaqui, huaña nache Aỹem qaucoviỹa'ai.

Oseas 13:6 Referans Kwoze

Nehemías 9:35

Mate mane'e gaa'me nejaliaĝanaqa qaya'te youetedaque ca'li, qa'a jouaĝat da'me adichoĝodenataĝanaĝac jo'ne auanema, chayovida'a jena'me jenjo' aleua jo'ne auanema jo'ne jalcote da'me leuoyaĝac; qalaĝaja nach'edi da'me ja am 'te yoqochideta, ja yaĝadiñe jogaa'me ja 'noe'n.

Oseas 10:1

Gaa'me Israel laje'pi eda'am ca'li joga'me uva lichidic jo'ne yataqachiñe jalcote da'me lejalayaĝac. Qalaĝaja ca'li nichiquetaye da'me leuoyaĝa'j, male ja jayem 'te yane'm da'me lamai'j, dite da'me jalcote jogaa'me c'atonaĝala'te laqaya' jo'ne qoyauo'oe ca'li. Nataq'aen ca'li jalcote da'me laqataĝanaĝa'j jo'ne yachiyoĝoteda'ña jena'me 'naleua', qama'le yataqachiñe onaĝayaqa jogaa'me qadi jo'ne yauote qaedi qonetametapecoto.

Oseas 8:4

»Yauote ca'li joga'me lejaliaĝane'j, qalaĝaja ja jayem 'te yenadetec ga'me mach'e yiquiyac; nataq'aen ca'li yauote gaa'me lajoĝola'te, qama'le ja jayem 'te yanomaĝanaĝa'n. Nataq'aen yacota jaga'me plata nataq'aen jaga'me oro qaedi yauote joga'me netametot nale, qalaĝaja chiyaqayi da'me dojo' male qoyolaĝachigui qomle da'me nejiyaĝauayaĝa'j.

Oseas 2:13

Yataqata je'uaĝan qomle jañe'me, jouaĝat ga'me ua'a da'me yegoue ga'me yoĝoqui jo'ne yanema gaa'me lequi'il ñe'me Baal, ca'li yaediñe gaa'me 'noe'n li'yoĝodaqa'te jo'ne nechijaĝal nataq'aen loqolal, qaedi dejapichiyalo gaa'me lojaĝa'u. Qalaĝaja da'me jayem, yataqata ja jayem 'te uenata nale. Mach'e jayem jo'ne jayem Jaliaĝanec.»

Oseas 2:7

Jetaque equeguelo jogaa'me lojaĝa'u jañe'me, qalaĝaja ja yedalo'te; jetaque yelapiyi jogaa'me, qalaĝaja ja yauanalo. Qama'le naq'aeta da'me lelnataĝac qomle: “Yitaĝa ji'iyelaĝa qomle jo'me 'uaeñe yecochaĝaua, qa'a yataqata 'noota joca'li da'me 'yoyaĝac, ja ena'am da'me 'uo nayi”.

Oseas 4:6

Jenjo' noic jo'ne yalaqapi, qaya'te jayem yatetonaĝanaĝaneque, qama'le nayi male nimichidiñe. Da'me ami tamenaĝaiqui lo'ol, jouaĝat da'me ja jayem 'te a'uamaqachiñe, qama'le da'me jayem male ja ami 'te ja'amaqateneque ta'le ayoue jena'me ñetamenaĝaiqui. Da'me ami ja jetaque auoqochiya'alo naa'me yamajoĝonaĝaco, qama'le da'me jayem ja jaje'tema qomle gaa'me ac'oqo'chedi' ta'le qoye'n tamenaĝaiqui lo'ol.»

Oseas 4:7

Ñe'me Jaliaĝanec yitaĝa nenaĝategue da'me dojo', jouaĝa't jogaa'me tamenaĝaiqui lo'olpi, enaac: «Ca'li da'me jalcote gaa'me tamenaĝaiqui lo'ol, ma'ejama'le nichiguegue ga'me loe'j jo'ne jayem nauteta. Chane'eja male joĝotaĝanec da'me li'yoĝodi'j, qaedi ja'uo lepocoqo' q'aen qomle.

Oseas 7:14

Nale uetalo'te jogaa'me lela'te, yataqachiñe noye'tape qa'a 'uo da'me lachoĝode'j, chayovida'a da'me yauo'oe nale jogaa'me yedidiñe. Qalaĝaja naa'me netamenaĝaco ja ejoda, dite da'me ch'e yauote qaedi janema joga'me onaĝaic laqataĝanaĝa'j. ¡Maliaĝa qaleuaĝayaqa jogaa'me!

Oseas 8:14

»Naa'me Israel laje'pi yauote ca'li gaa'me nejaliaĝaiqui', qalaĝaja yataqachiñe jayem yapalaĝateteda'a, da'me jayem jo'ne 'netoqo't. Naa'me Judá laje'pi yauo'oe ca'li gaa'me noyaqa jo'ne 'uañaĝayaqa, qalaĝaja jen qoyaviyaĝa't qomle gaa'me, chayovida'alo gaa'me nejaliaĝaiqui' yataqachiñe yavi'j qomle.»

Oseas 12:8

Efraín 'laqatac: “Eja nayi yataqata jayem neuoyaq, yataqata jauana jaga'me laicaua. Qalaĝaja qaya'te yaqanatet ta'le 'uo joga'me en yaviyaĝajet, da'me nayi 'uo jaga'me yomataĝanaqate, qa'a eja te'me ja jayem 'te no'en”.

Oseas 5:14

Da'me jayem male jeloi'ye'to qomle gaa'me Israel lec'oqo'tepi choqogaa'me Judá lec'oqo'tepi, da'me yalemataic ena'am ga'me 'lañaĝac joga'me jauaĝaic. Jaconalo qomle, qama'le yataqachiñe jolaĝachiguilo; qaya'te ta'le nec'alaĝatedegue. Yem qama'le cha'li jaĝadiñe.