Oseas 13:11 - Toba del Oeste

¹¹ Am jalemataya ca'li, qama'le ja'uo joga'me adejaliaĝanec; yem qama'le yitaĝa am jalemataya, chayovida'a da'me yitaĝa jeuodaĝanec joga'me.

La'aqtaqa Ñim Lo'onatac 'Enauacna 2013

¹¹ Qaq ỹataqta salemata co'ollaq 'am sanem som 'auỹaxaataique 'arta'alpi, qataq ỹataqta salemata co'ollaq ñeqat somayepi.

Oseas 13:11 Referans Kwoze

1 Samuel 10:19

Qalaĝaja nayi da'me ami ma'te a'uotañi joñe'me Dios jo'ne ami de'uolo'te queda'me ena'uaque gaa'me adajouaĝacodi' choqoda'me nach'e eta't da'me ami lichiguilo, nataq'aen da'me avimii da'me aviyaĝañiyaque ga'me adejaliaĝanequi qaedi ami nejaliaĝatelo'te. Chane'eja, 'noota qom auajoyiya'aguet nayi ñe'me Jaliaĝanec, onolqa'tape gaa'me net'alpi choqoga'me c'oqo'tepi.»

Oseas 10:3

Qama'le nayi naa'me naajo' jiyaĝadipi male enapega't: «Male qaya'te 'uo ga'me qadajoĝola', qa'a yataqachiñe ja jeuaqate'ca ca'li joñe'me Jaliaĝanec. Qalaĝaja, qom te'me 'uo ga'me qadajoĝola', ¿jach'e jogamaĝa yaqanatet ta'le qo'mi yichoĝode'n?»

1 Samuel 16:1

'Uo jo'me nolo', ñe'me Jaliaĝanec dojapegue' ñe'me Samuel, eetac: «¿Jach'e ga'me ua'a da'me yem da'me am totelegue, jouaĝat ñe'me Saúl? Anetouetac queda'me joote ñaqat da'me lejaliaĝanec gaa'me Israel laje'. Chane'eja oc nayi, auen najaĝaye jaga'me jiyac lepee jo'ne aceite lae't, qama'le auajoyi di'me Belén. Nach'e ena'am auec'ata ñe'me Jesé, qa'a 'uo ga'me c'oĝot jo'ne naqaeñe qauaye jaliaĝanec qomle.»

1 Samuel 12:13

Chane'eja da'me dojo' jiyaĝaua mach'e adejaliaĝanequi jo'ne adiquiyaqui, qa'a ñe'me Jaliaĝanec Dios joote ami yanema ga'me adejaliaĝanequi jo'ne aviyaĝañitaque.

Oseas 10:7

Qalaĝaja joñe'me lejaliaĝanec di'me Samaria ena'am ta'le qoyayoĝon qomle, ena'am ga'me netauoĝojet epaq lae jo'ne yayoĝon ga'me ñache let'adaic.

1 Samuel 10:17

Yem qama'le Samuel yiyaĝana gaa'me Israel laje'pi qaedi qo'nonaĝachigui ñe'me Jaliaĝanec, ua'a di'me Mispá.

1 Samuel 15:26

Qalaĝaja Samuel 'yateguet: «Ja naq'aeta, ja am 'te jequegue, qa'a ja auoqo'cha da'me 'laqatac ñe'me Jaliaĝanec. Joñe'me nach'e ena'am am yeguem da'me te'me am lejaliaĝane'j gaa'me Israel laje'pi.»

Oseas 3:4

Qa'a nach'e ena'am joga'me Israel lec'oqo'tepi jalcote naa'me noloqo'ote qomle da'me qaya'te lejaliaĝane'j nataq'aen qaya'te lajoĝola't; qaya'te 'uo ga'me ya'uo lajaqaje ta'le qoyanem ñe'me Dios, nataq'aen qaya'te qa' jo'ne qoyen c'atonaĝala'; qayaua'te leuo lael jogaa'me tamenaĝaiqui lo'ol nataq'aen qayaua'te qomle gaa'me nequi'il jo'ne qonetamenoto nale.

Oseas 8:4

»Yauote ca'li joga'me lejaliaĝane'j, qalaĝaja ja jayem 'te yenadetec ga'me mach'e yiquiyac; nataq'aen ca'li yauote gaa'me lajoĝola'te, qama'le ja jayem 'te yanomaĝanaĝa'n. Nataq'aen yacota jaga'me plata nataq'aen jaga'me oro qaedi yauote joga'me netametot nale, qalaĝaja chiyaqayi da'me dojo' male qoyolaĝachigui qomle da'me nejiyaĝauayaĝa'j.

1 Samuel 12:1

Yem da'me dojo' qama'le Samuel yitaĝa dojapegue'to jogaa'me Israel laje'pi, eetac: «Ami qa'a auañiya da'me ami ñaquiaĝanalo yema ga'me jo'ne aviyaĝañiyaque ca'li, qama'le joote ja'uo jena'me adejaliaĝanequi.