Oseas 13:10 - Toba del Oeste

¹⁰ Qama'le nayi, ¿jego ue'tague joga'me adejaliaĝanec, qaedi am nec'alaĝategue? ¿Jegaua jogaa'me lajoĝola'te gaa'me noyaqa, jo'ne aue'n adejaliaĝanec nataq'aen adajoĝola'te ca'li?

La'aqtaqa Ñim Lo'onatac 'Enauacna 2013

¹⁰ Qaq ¿hua'ague ca hueta'ague cam 'arta'a, da yaqto' nca'alaxatec na 'aralamaxat huaqta'a't nỹecpi? Qataq ¿ca hueta'ague cam 'arataxala'pi, maye 'auỹaxanot co'ollaxa da ỹauo'o ca 'arta'a qataq 'arataxala'pi?

Oseas 13:10 Referans Kwoze

Oseas 8:4

»Yauote ca'li joga'me lejaliaĝane'j, qalaĝaja ja jayem 'te yenadetec ga'me mach'e yiquiyac; nataq'aen ca'li yauote gaa'me lajoĝola'te, qama'le ja jayem 'te yanomaĝanaĝa'n. Nataq'aen yacota jaga'me plata nataq'aen jaga'me oro qaedi yauote joga'me netametot nale, qalaĝaja chiyaqayi da'me dojo' male qoyolaĝachigui qomle da'me nejiyaĝauayaĝa'j.

Oseas 10:3

Qama'le nayi naa'me naajo' jiyaĝadipi male enapega't: «Male qaya'te 'uo ga'me qadajoĝola', qa'a yataqachiñe ja jeuaqate'ca ca'li joñe'me Jaliaĝanec. Qalaĝaja, qom te'me 'uo ga'me qadajoĝola', ¿jach'e jogamaĝa yaqanatet ta'le qo'mi yichoĝode'n?»

Zacarías 14:9

Qama'le ya'uo lejaliaĝa ñe'me Jaliaĝanec jo'ne ja 'nalegue yema jena'me aleua: joñe'me Jaliaĝanec male onolec, qaya'te laqaya, nataq'aen onolec da'me mach'e lenaĝat joñe'me jo'ne qo'nonaĝachigui.

Oseas 13:4

'Laqatac joñe'me Jaliaĝanec: «Jayem Jaliaĝanec jo'ne mach'e Anedios ca'li maliaĝa oue'ta jona'me Egipto: Ena'te a'uamaqaten ta'le aua'uo ga'me qop'iyapega laqaya, maq joda'me jayem auen onolec, qa'a jayem onolec da'me Adec'alaĝaiqui.

Oseas 3:4

Qa'a nach'e ena'am joga'me Israel lec'oqo'tepi jalcote naa'me noloqo'ote qomle da'me qaya'te lejaliaĝane'j nataq'aen qaya'te lajoĝola't; qaya'te 'uo ga'me ya'uo lajaqaje ta'le qoyanem ñe'me Dios, nataq'aen qaya'te qa' jo'ne qoyen c'atonaĝala'; qayaua'te leuo lael jogaa'me tamenaĝaiqui lo'ol nataq'aen qayaua'te qomle gaa'me nequi'il jo'ne qonetamenoto nale.

Oseas 7:7

Eda'am jaga'me pan nauoĝotaĝaiqui, qa'a yataqachiñe edetañguilo, qaedi yavi'j gaa'me najoĝola'te. Chane'eja naq'aeta da'me joote qoyegue'm yemeda naa'me jaliaĝanaqa, qalaĝaja qaya'te onolec ta'le jayem yelaque qaedi jichoĝoden.»

1 Samuel 8:7

Qama'le ñe'me Jaliaĝanec 'yateguet: «Anaquiaĝanalo, aua'uo ga'me yiyaĝatedaque jogaa'me jiyaĝadipi. Ja naqa'am da'me jetaque am 'yota'n, dite joda'me jayem, qaedi ja ñejaliaĝatelo'te.