Oseas 12:8 - Toba del Oeste

⁸ Efraín 'laqatac: “Eja nayi yataqata jayem neuoyaq, yataqata jauana jaga'me laicaua. Qalaĝaja qaya'te yaqanatet ta'le 'uo joga'me en yaviyaĝajet, da'me nayi 'uo jaga'me yomataĝanaqate, qa'a eja te'me ja jayem 'te no'en”.

La'aqtaqa Ñim Lo'onatac 'Enauacna 2013

⁸ Qaq na Efraín, qalaq 'eeta': ¡Aỹem ỹataqta aỹem sallaxanec, ỹataqta qalota ana llaỹoñiguishe aỹom! ¡Qalaxaye qaica ca ishet da anac da ỹauo'o ca ỹasouaxashet, da 'eetega sachegoxotaigui da icachaxac de'era isallaxa!

Oseas 12:8 Referans Kwoze

Zacarías 11:5

Gaa'me dajelaĝaneque nale yala't, ja etedapega laviyaĝajet jenjo'. Jogaa'me yemetedac, jenjo' enaa'j: “¡Yamaic janem joñe'me Jaliaĝanec, qa'a male jayem neuoyaq!” Chayovida'alo gaa'me nouatoqo't ja yichoĝode'n gaa'me 'nanaĝatel.

Malaquías 3:13

Joñe'me Jaliaĝanec yitaĝa nenaĝategue jenjo': «Da'me ami yataqachiñe ja 'noe'n daa'me at'aqataqadi' jo'ne jayem auachiyalo'te, qalaĝaja maliaĝa 'uo joga'me adenataĝanaĝaqui: “¿Jach'e jogamaĝa ga'me ja no'en jo'ne ñenaĝataĝaye?”

Habacuc 1:16

Chane'eja ena'am ta'le e'n qop'iya'alo nale gaa'me le'uaĝanaĝanaqa'te nataq'aen gaa'me lenal: chayovida'a da'me yauote nale ga'me lajaqaje'j, yajouaĝat da'me 'uo joga'me yali'j jo'ne jalcote nataq'aen jalcote joga'me liqui'yaĝa'j.

Malaquías 2:17

Ñe'me Jaliaĝanec male neli'ñejop da'me nach'e eta't 'uo ga'me qo'yaĝatem. Qalaĝaja da'me ami auenachiyec nale: «¿Jach'e ga'me yajouaĝat da'me neli'ñejopa naa'me qat'aqataqa?» Qa'a joñe'me Jaliaĝanec ja 'yamaqaten joga'me eetac nale: «Joñe'me Dios ja eja, qa'a yaconeguet joga'me ja no'en da'me 'lonatac,» uotaĝa joga'me eetac da'me «Yataqachiñe ja chimaqachiñe joñe'me Dios.»

Oseas 4:8

Gaa'me najaqajel jo'ne jayem yanema ga'me yalaqapi, qaedi japalaĝat ga'me loe'j, nach'egaua jo'ne yacota nale gaa'me tamenaĝaiqui lo'ol qaedi 'uo ga'me liqui'yaĝa'j. Qo'oche' yepaquetedapega da'me ma'ejama'le yauote da'me loe'j jogaa'me yalaqapi.

Oseas 13:6

»Qalaĝaja ca'li ja auoviñetaque ga'me aualiqui, chayovida'a yataqata adanodiye, naa'me adequidiaqachildi' male yataqata uauelo da'me ja no'en, qama'le jayem aĝañiñi.

Oseas 14:1

A'niyelaq, am Israel, anec'ata joñe'me Jaliaĝanec mach'e Anedios, qa'a ena'am ta'le auapoguelaĝan ca'li, jouaĝat da'me adoec.

Amós 8:5

ami jo'ne anenaĝachetayi jenjo': «¿Jach'e eeta qom yem joga'me neualayaĝac jo'ne taue jenjo' auoĝoic dalaĝaic, qaedi jemenaq jenjo' jo'ne trigo? ¿Jach'e eeta qom yem ga'me nolo' jo'ne omataĝaiqui, qaedi jemenaq jenjo' nana jala jo'ne onaĝaic, da'me ja yepaquichigui nale joga'me jenaq lajo'vi?