Biblia Todo Logo
Bib sou entènèt

- Piblisite -




Oseas 12:7 - Toba del Oeste

7 'Laqatac joñe'me Jaliaĝanec: «Am Israel, auena'am ga'me Canaán, qa'a uetauelo naa'me adoua' joda'me noqovinaĝanaĝac, qa'a ja yepaquichigui ga'me lajo'vi nale auemenaĝan.

Gade chapit la Kopi

La'aqtaqa Ñim Lo'onatac 'Enauacna 2013

7 «Na Canaán le'ecpi, qalaq do'ogoxootega ana laloqnaxanaxaqui maye saipaigui ye lcata da huo'o na naloqten, cha'aye nqopita da decachiỹot na laỹepi.

Gade chapit la Kopi




Oseas 12:7
28 Referans Kwoze  

Joñe'me Jaliaĝanec jo'ne napacalegue ena'uac male enaac: «Chane'eja male ja'uo yec'atenaĝanaĝac qaedi ami je'uaĝa'n jo' qomle, qa'a da'me jayem jec'ate'tape yemeda gaa'me jo'ne napaĝaguetedapega da'me pinec, nataq'aen jogaa'me quejeguetaĝayaqa, chayovida'alo gaa'me ja yepaquichigui da'me 'laqata'j, nataq'aen gaa'me ye'ue'tape gaa'me onataĝanaĝayaqa, gaa'me ja lecochiyalo gaa'me p'ael uotaĝa gaa'me jape'l, nach'e ena'am ja no'en da'me 'yeteque gaa'me ja Israel laje', nataq'aen gaa'me jo'ne ja jayem 'te uatequeda'a.»


Yemeda gaa'me taĝaiqui' di'me Jerusalén nataq'aen di'me Judá male qoye'n ja 'nalo'te, loqo'te ñe'me Jaliaĝanec jo'ne napacalegue ena'uac. Chane'eja gamachaqaega joga'me ya'uo lajaqajec, male yacona ga'me taĝaiqui qaedi yoje ga'me lapat joga'me li'yac jo'ne najaqajec. Qama'le ja yitaĝa 'uo ga'me menaĝaic uetaue jenjo' netamenaĝaiqui ñe'me Jaliaĝanec jo'ne napacalegue ena'uac.


Qa'a male qayaua jena'me jenjo' aleua gaa'me jiyaĝa'u jo'ne onaĝayaqa loec, uotaĝa ta'le maliaĝa uo'oe gaa'me chimaqachidiñe. Dite da'me yemeda yeuateda'a ga'me ua'a da'me yala't joga'me laqaya't, qama'le onolqa'tape napogoĝot ga'me laqaya qaedi yoqovin.


Yajouaĝat da'me auapiita'ñguilo jogaa'me choĝodache, qama'le auoĝotaĝañiyeque nale ga'me trigo jala, chane'eja ja auaqanachichi qomle ta'le oñitauelo naa'me at'emaqadi' mach'e at'onataqadi' jo'ne qadi, uotaĝa ta'le auaqanachichi da'me aniyomiyigui nale joga'me lataĝa jo'ne anaqachi' nale naa'me adaniqui jo'ne uva lichidijat.


Ami yauo' jo'ne at'achaqadi' di'me noic Samaria, ami jo'ne auañiya'ama gaa'me uacadi di'me aleua Basán, ami jo'ne aue'viñe'tape jogaa'me qaya'te yauata, nataq'aen ja avichoĝodeñi' jogaa'me p'ioĝoyaqa, nataq'aen auamaqai nale gaa'me adoua' qaedi netedaque ga'me lataĝa, qama'le yataqata aniyomiyigui nale 'uo: da'me ami, cha'li anaquiaĝañiya jenjo'.


A'uaqataĝañiyema qomle jogaa'me neteda'ña na'me nejaliaĝaiqui di'me noic Asdod, nataq'aen naa'me nejaliaĝaiqui' jodi'me Egipto: «Anec'achiyalo naa'me qajoĝona'a di'me Samaria, qaedi auañiya joga'me ja nalemaĝa, qa'a jenjo' ue'ta da'me neloiquiaĝac.»


Nataq'aen peta'ñguilo gaa'me choĝodayaqolqa, chayovida'a da'me ye'ue'tape gaa'me. Joga'me net'a choqoga'me c'oĝot yemetedapiye jaga'me onole yauo, qama'le ch'e ye'uetedac da'me yenaĝat jo'ne ja 'nalegue.


Naqayem male joueta'ñena nayi: ¿qo'li jecachiya ca'li joga'me uaca uotaĝa ajena jo'ne mach'e aloyi? Uotaĝa ¿qo'li 'uo joga'me ja jodinac, uotaĝa je'etec ga'me ja no'en, uotaĝa ja'uo lajo'vi ca'li qaedi jotauan joga'me? Qom naq'aeta, qama'le 'noota ta'le jayem a'uaĝachiyem nayi, nataq'aen auechoĝochiyem joñe'me Jaliaĝanec Dios choqoñe'me adejaliaĝanequi jo'ne mach'e liquiyac joñe'me, qama'le jayem jejeten nayi yema joga'me ñep'iayaĝac.»


¡Choĝodayaqolqa qomle gaa'me jo'ne uenate'tape nale pi'yaq da'me jetaque 'yetetedac jena'me ja no'en, qama'le qom yovita ga'me nete', nach'ena 'yetedac, qa'a uetauelo ga'me 'lañaĝa'j!


Jayem 'yaĝatem joñe'me piyem le'ec: «Janjo' yauo, naqana jo'ne naqaleuaĝa.» Qama'le yitaĝa 'yiyelaĝachiñgui joga'me nachoĝonaĝaiqui, qama'le yapadiñgui ga'me lapo'.


A'niyelaĝa joñe'me Jaliaĝanec, aua'uo nayi jenjo' tamenaĝac: «Qo'mi avichoĝode'n, auapalaĝa't yema jogaa'me qadoeco, auaconeguet jenjo' qanechoĝotaĝac, jenjo' qadamaic jo'ne am janemaĝam.


Ñe'me Jaliaĝanec yitaĝa yiyamaĝachiñi da'me 'laqatac, enaac: «Qalaĝaja nayi, 'noota qom auomachiiya naa'me adai'lidi' da'me yitaĝa jayem a'niyelaqaiyot. ¡Cha'li anoqouaqachela't, ademiya'a joñe'me Jaliaĝanec! ¡Male a'ualaqaitac, nataq'aen anoyeñitac!»


«Jenjo' jo'ne am jamaĝalegue: 'Noota qom yataqata ja auoqoviñi nale 'uo joga'me jetaque auauoyi, ami onaĝayaqa loe'j, chayovida'a yataqata avichoĝodeñi' yemeda gaa'me adaqayadi'.


Swiv nou:

Piblisite


Piblisite