Oseas 12:6 - Toba del Oeste

⁶ Chane'eja, am Israel, 'noota qom yitaĝa a'niyeloqot joñe'me Dios, aua'uo da'me am choĝodenataĝanaĝaic nataq'aen am chimaqachiñe, nataq'aen yataqata auep'iya'a joñe'me Anedios.

La'aqtaqa Ñim Lo'onatac 'Enauacna 2013

⁶ Qaq ỹoqo'oye 'am Israel, 'avi'eguelaxa qome Ñim 'Anatamnaxala'; 'auo'ot qome da nauotaxanaqtaic, qataq da nalochiguiñi lataxac, qataq nache 'eetai' qome da 'auacheto'ot da 'arpi'iỹaxac Ñim 'Anatamnaxala'.

Oseas 12:6 Referans Kwoze

Miqueas 6:8

Am jiyaĝaua, joñe'me Jaliaĝanec joote am 'yaĝatem da'me jo'ne 'noota ta'le aua'uo, nach'eda da'me dojo' jo'ne joote am yapaĝaguenec: da'me jetaque aua'uo nec'atenaĝanaĝac jo'ne yataqatelegue, da'me yataqata am onaĝaicaloec, nataq'aen yataqata am joĝodaic na'me adauel da'me auoqo'cha joñe'me Anedios.

Miqueas 7:7

Qalaĝaja da'me jayem, nach'e eta't da'me jajo'ta joñe'me Jaliaĝanec; 'uo da'me yajoĝonataĝanaĝac ñe'me Dios jo'ne mach'e Yec'alaĝaiqui, qa'a joñe'me jayem naquiaĝana qomle.

Oseas 14:1

A'niyelaq, am Israel, anec'ata joñe'me Jaliaĝanec mach'e Anedios, qa'a ena'am ta'le auapoguelaĝan ca'li, jouaĝat da'me adoec.

Zacarías 7:9

«Jenjo' jo'ne am jamaĝalegue: 'Noota qom yataqata ja auoqoviñi nale 'uo joga'me jetaque auauoyi, ami onaĝayaqa loe'j, chayovida'a yataqata avichoĝodeñi' yemeda gaa'me adaqayadi'.

Zacarías 8:16

'Noota qom nach'e eta't auauoyi jena'me jenjo': nach'e eta't a'uaĝachitac da'me eja, onolqa'tape da'me ami, nataq'aen auauoyi nec'atenaĝanaĝac jo'ne yataqata eja, ga'me mach'e 'lonatac jenjo'.

Zacarías 1:3

qama'le jetaque a'uaĝatem jenjo' joga'me yalaqapi: “Jetaque jayem a'niyelaqaiyot, qama'le jayem jo'ne ñapacalegue ena'uac, nataq'aen ami ji'iyelaĝateque da'me yichoĝodenataĝanaĝac.”

Sofonías 3:8

Chane'eja nayi, cha'li jayem auajoi'ta da'me joñejeguem qomle qama'le yitaĝa ja'uo ga'me 'yaqatac, qaedi ami ja'aĝatema da'me 'uo joga'me je'eteque gaa'me noyaqa. Nach'ena jenjo' ñenaĝategue, mach'e jayem jo'ne Jaliaĝanec: male jen dajoya't yemeda gaa'me 'nachaqa'te, nataq'aen jiyaĝanalo jogaa'me lejaliaĝanaqa jogaa'me, qaedi male jecodelo'te jogaa'me da'me yalemataic, nataq'aen joda'me yec'atenaĝanaĝac jo'ne ja 'nalegue. Qa'a jena'me yalemataic ena'am ga'me dole' t'adaic, qama'le japalaĝat jo' qomle yema da'me 'nachaqayaĝac.

Habacuc 2:3

Maliaĝa ja laloqo' ta'le novitequena da'me dojo', qaedi male yepaquichigui da'me yec'atenaĝanaĝac; qalaĝaja novitequena jaĝa'te jenjo' qo'yaĝatetac. Chane'eja am 'noota ta'le auatetaque: te'me ja paja'a novitequena, qalaĝaja novitequena jaĝa'te ga'me nolo' jo'ne mach'e laloqo'.

Amós 5:24

Dite da'me jepaquetapega ta'le yataqata yayetaye da'me chimaqachiñe, ena'am joga'me noĝop jo'ne yayetaye; nataq'aen da'me yataqatelegue, 'noota qom qoyen ena'am joga'me noĝop jo'ne nach'e eta't nayetajeguem.

Joel 2:13

Da'me ami, ¡a'niyelaqaiyot joñe'me Jaliaĝanec mach'e Anedios! ¡Ena'te da'me jetaque ch'e auecolaĝachiya'aguelo naa'me adeuo lael, dite da'me auadalaĝachi' naa'me adequidiaqachildi'! Qa'a joñe'me Jaliaĝanec yataqata onaĝaicaloec, nataq'aen choĝodenataĝanaĝaic, nataq'aen 'uo da'me loqopich'i jo'ne jalcote; ja qaleuaĝaic joñe'me, qama'le uotaĝa naqat jo' qomle joga'me te'me en lachoĝode'j joga'me jiyaĝadipi.

Oseas 10:12

Ja'aĝatem ca'li jenjo': 'Noota qomle aueñi joda'me 'noota ladic, qama'le eja 'uo qomle adaqataĝanaĝaqui jo'ne nichoĝodenataĝanaĝac. Yataqata a'vichi jena'me aleua, qaedi yitaĝa 'uo qomle adaniqui dalaĝaic, qa'a joote yovita da'me laloqo' da'me jayem qoyelaque, mach'e jayem Jaliaĝanec, chayovida'a qom yitaĝa 'ñiyelaq qama'le yi'yac uotep jo'ne chiyaqayi nec'alaĝa jo'ne ami uauelo.

Oseas 4:1

Ami Israel lec'oqo'tepi, anaquiaĝañiya joñe'me Jaliaĝanec, jenjo' jena'me 'laqatac jo'ne ami yanema. 'Uo da'me ami yepoleguelo'te, ami aleua laje'pi, yajouaĝat da'me ami ja ami ejoda, ja avichoĝodeñi gaa'me adaqayadi' nataq'aen qaya'te uenate'ta joñe'me Jaliaĝanec ta'le en Nedios.

Joel 2:12

Ñe'me Jaliaĝanec yitaĝa yiyamaĝachiñi da'me 'laqatac, enaac: «Qalaĝaja nayi, 'noota qom auomachiiya naa'me adai'lidi' da'me yitaĝa jayem a'niyelaqaiyot. ¡Cha'li anoqouaqachela't, ademiya'a joñe'me Jaliaĝanec! ¡Male a'ualaqaitac, nataq'aen anoyeñitac!»

Amós 4:13

Joñe'me jo'ne ye't ca'li gaa'me qajoĝona'a nataq'aen joga'me layat, jo'ne 'yaĝatema nale joga'me jiyaĝadipi joga'me 'yetetac, jo'ne yaqanatet ta'le jena'me jenjo' 'yoqochiñe male en 'naltapiye, jo'ne quetalo'te nale dia'me qayaje'meque jena'me aleua: joñe'me Jaliaĝanec jo'ne napacalegue ena'uac, naqaeñe jo'ne ye'et yema da'me dojo'.