Oseas 12:2 - Toba del Oeste

² Joñe'me Jaliaĝanec ya'uo laqalaic di'me Israel, ya'uo lec'atenaĝanaĝac di'me noic jo'ne Jacob, qa'a yajouaĝat da'me ja no'en lelnataĝaco; yejeteneque da'me mach'e etede'ec joga'me yauotedac.

La'aqtaqa Ñim Lo'onatac 'Enauacna 2013

² Ñim Nataxala' dataỹa'aguet na Israel le'ecpi, qataq ỹauo'o qome ca nhuaxanaguec nam lauo' le'ecpi so Jacob, souaxat dam qauem lataxac namayepi, nache isheeteneguet, ipacchigui naqa'en da 'eetec nam ỹo'otpi namayepi.

Oseas 12:2 Referans Kwoze

Miqueas 6:2

Anaquiaĝañiya, ami qajoĝona'a nataq'aen ami lepatadi' jena'me aleua: joñe'me Jaliaĝanec ya'uo lec'atenaĝanaĝac joga'me mach'e lec'oqo'tepi: male ya'uo ga'me necotaĝac jouaĝa't jogaa'me Israel laje'.

Oseas 4:1

Ami Israel lec'oqo'tepi, anaquiaĝañiya joñe'me Jaliaĝanec, jenjo' jena'me 'laqatac jo'ne ami yanema. 'Uo da'me ami yepoleguelo'te, ami aleua laje'pi, yajouaĝat da'me ami ja ami ejoda, ja avichoĝodeñi gaa'me adaqayadi' nataq'aen qaya'te uenate'ta joñe'me Jaliaĝanec ta'le en Nedios.

Oseas 8:13

Yataqachiñe noqopideta da'me yeguedoue ga'me lajaqaje'j, qama'le yali'j ga'me lapat joga'me qoyen lajaqaje'j. Qalaĝaja da'me jayem jo'ne Jaliaĝanec ja jetaque jaconegueta gaa'me lajaqaje'j, dite da'me male ñetouetaque daa'me 'lonataqa jo'ne ja 'noe'n, qama'le je'uaĝa'n qomle jogaa'me: ¡male yitaĝa qoyauegalo qomle di'me Egipto!

Oseas 4:9

Qama'le jene'tema qomle gaa'me yalaqapi jogaa'me tamenaĝaiqui lo'ol: ja'uo ga'me ne'uaĝanague'j, jouaĝat da'me yauote jo'ne ja no'en.

Oseas 2:13

Yataqata je'uaĝan qomle jañe'me, jouaĝat ga'me ua'a da'me yegoue ga'me yoĝoqui jo'ne yanema gaa'me lequi'il ñe'me Baal, ca'li yaediñe gaa'me 'noe'n li'yoĝodaqa'te jo'ne nechijaĝal nataq'aen loqolal, qaedi dejapichiyalo gaa'me lojaĝa'u. Qalaĝaja da'me jayem, yataqata ja jayem 'te uenata nale. Mach'e jayem jo'ne jayem Jaliaĝanec.»

Oseas 9:9

Yataqachiñe ami uauelo jena'me ja no'en, ena'am jogaa'me neteda'ña ca'li di'me Guibeá. Qalaĝaja joñe'me Jaliaĝanec ja yapalaĝate'ta qomle naajo' adoecodi', qama'le ya'uo qomle ga'me ane'uaĝanaguequi.

Oseas 7:2

Ja jayem 'te uenateteda'a da'me ñetouetac da'me ja no'en jo'ne yauote. Qalaĝaja daa'me 'lonataqa male yapadelo'te jogaa'me, qama'le yema jec'atetac nayi.

Oseas 9:15

'Laqatac joñe'me Jaliaĝanec, enaac: «Chiyoqo'ta ca'li ueteda'a di'me aleua jo'ne Guilgal, male yema yauote da'me ja no'en, qama'le ua'a ca'li jiquiya'alo. Chane'eja male jeladedegue qomle jenjo' 'yachaqa', yajouaĝa't daa'me 'lonataĝanaĝaco jo'ne yataqachiñe ja 'noe'n. Male ja yitaĝa ta'le joqopitalo gaa'me, qa'a yemeda jogaa'me lajoĝola'te nach'e eta't da'me jayem ye'uetedac.

Amós 2:4

Nach'e ena'am ya'uo da'me 'laqatac ñe'me Jaliaĝanec, enaac: «Da'me Judá laje'pi, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a 'yota'n ca'li da'me yapaĝaguenataĝanaĝac, nataq'aen ja yoqocha'alo daa'me yamajoĝonaĝaco. Nataq'aen netamenoto gaa'me qop'iyapegalo jo'ne ja ejoda, jo'ne nach'e ena'am netamenoto ca'li jodia'me let'al.

Oseas 7:1

Qom jetaque ñec'alaĝatedegue naa'me naajo' yalaqapi, qama'te nach'edata da'me qoyauanalo daa'me loeco: yemeda naa'me pecayaqa nataq'aen cachaĝayaqa, qama'le quetayelo naa'me emaqa qaedi decachi'y, chayovida'a jena'me naq'aic nouo't joga'me ta'yedi.

Oseas 7:11

Qa'a eda'am joga'me doqoto' jo'ne dajotapi'ñgui, da'me ja yayaten ga'me ua'a da'me 'nomataqa': qa'a 'uaeñe da'me nachoĝodetot di'me Egipto qaedi qoyichoĝode'n; yem qama'le yec'adeta di'me Asiria.

Oseas 8:9

Qa'a ena'am joga'me ajena jo'ne viaĝajec jo'ne yataqachiñe yejomac, da'me dajotegue ca'li di'me aleua jo'ne Asiria qaedi qoyichoĝode'n, qama'le uo'oe gaa'me yeyala'aque qaedi qolecochiyalo.

Oseas 8:10

Qalaĝaja mate mane'e yauote neme' gaa'me noyaqa, da'me jayem male jemata'a't jogaa'me, qaedi 'uo qomle ga'me lachoĝode'j let'adaic, yajouaĝat ga'me qaleuaĝaic jo'ne nejaliaĝatelo'te.