Oseas 12:10 - Toba del Oeste

¹⁰ »Joote jojapegue'to gaa'me aqataĝanaĝayaqa, qama'le yitaĝa jen nichidegue q'ae'n jogaa'me lauanaĝanaĝaco, nataq'aen da'me yojaĝac jalcote uo'oe naa'me je'n yeloteda'a.

La'aqtaqa Ñim Lo'onatac 'Enauacna 2013

¹⁰ Aỹem, shenapega co'ollaxa so na'aqtaxanaxanecpi, qataq sanem da qalota ñaqa'en na lauanaqchecpi, qataq sachegoxotchigui somayepi da qami' setaxaiguilo sauota'a nam ỹaloqnaxanaxatpi.

Oseas 12:10 Referans Kwoze

Joel 2:28

»Qom ye'm naa'me naajo', qama'le jen ami najaĝayelo da'me yañoqotaĝanaĝac, ami laje'pi yemeda naa'me ale'u, qama'le jogaa'me ac'oqo'chedi' nataq'aen gaa'me ac'oqocheldi' naqaegaua jo'ne 'yaĝatetedac qomle da'me mach'e 'yaqataĝanaĝac, nataq'aen joga'me 'yaĝaicachidipi nataq'aen jogaa'me 'yaĝainadi', uo'oe qomle gaa'me lichoĝonaĝaco, chayovida'alo jogaa'me joĝodipi uo'oe qomle gaa'me lauanaĝanaĝaco.

Amós 7:14

Qalaĝaja ja'ateguet ca'li: «Ja jayem 'te aqataĝanaĝaic, uotaĝa ta'le jachiyoĝogueta gaa'me Dios 'laqatanaĝanaĝanaqa. Nach'edata da'me jo'onataĝatac da'me jetela jena'me 'nanaĝate, nataq'aen jaliquetac nale jana'me higo jo'ne uaue jena'me viaq.

Oseas 3:1

Yitaĝa jayem dojapegue' joñe'me Jaliaĝanec, enaac: «Oc qama'le oue'tajop qomle jana'me adoua jo'ne cheuaĝae. Qa'a 'uo joga'me naigaĝaua jo'ne en lojaĝaua, qalaĝaja yataqata adoqopita qomle jana'me: auadenaĝat da'me yataqata joqopitalo joga'me Israel lec'oqo'tepi, mate mane'e yataqata jayem yoqovitedac nale, da'me netametapecoto gaa'me qop'iyapegalo jo'ne ja ejoda nataq'aen yali'j jogaa'me nacataje jo'ne chiyoqodayi joga'me uva jala, nach'egaua jo'ne qoye'n najaqajel nale.»

Nehemías 9:30

Qayoĝode' jaa'me 'uoidi da'me anapogaĝadenegueta jogaa'me, joote auen najaqachiguilo da'me adañoqotaĝanaĝac jogaa'me at'aqatanaĝanaĝanaqa qaedi yayatenaĝanaĝaneque jogaa'me, qalaĝaja gaa'me ja naquiaĝanalo. Chane'eja yitaĝa auanouelo jogaa'me noyaqa laqaya' jo'ne laute'u.

Oseas 13:4

'Laqatac joñe'me Jaliaĝanec: «Jayem Jaliaĝanec jo'ne mach'e Anedios ca'li maliaĝa oue'ta jona'me Egipto: Ena'te a'uamaqaten ta'le aua'uo ga'me qop'iyapega laqaya, maq joda'me jayem auen onolec, qa'a jayem onolec da'me Adec'alaĝaiqui.