Oseas 11:6 - Toba del Oeste

⁶ Jenjo' nedaĝanaĝat male ualo'te qomle gaa'me noyaqa, yataqata qoyamaĝadiñe gaa'me jo'mi, qama'le yema qoyala't, yajouaĝat da'me jetaque yauote joda'me ja no'en.

La'aqtaqa Ñim Lo'onatac 'Enauacna 2013

⁶ Nache qairolec qome ca ỹeelonec, da qailaxachigui na huaqta'a't nỹecpi maye lalamaxatpi, qataq qailaxachigui na lpaqtaxatpi namayepi, qataq qanlaxaañi na maiche lapaxañi lataxacpi namayepi.

Oseas 11:6 Referans Kwoze

Oseas 13:16

Joga'me noic jo'ne Samaria naqaega ualegue qomle jenjo' nec'atenaĝanaĝac, qa'a yataqata 'yotan joñe'me Dios. Male yele'u qa'a ualo'te ñe'me nedaĝanaĝat jo'ne yayaqa yemeda naa'me lael; joga'me c'oqo'tepi male yataqata qoyajaĝa'ña jena'me aleua, jogaa'me yauo' jo'ne qo'uaĝael ualo'te da'me qoyichaĝayelo da'me qoyala't.»

Oseas 10:14

qama'le 'uo qomle da'me lajamaĝac da'me deloiquitapega't joga'me jiyaĝadipi, qama'le yema gaa'me adequepaĝanaqa'te male qonolaĝachidiñe qomle, ena'am ca'li ñe'me jaliaĝanec Salmán en yavic di'me noic Bet-arbel, jo'me nolo' ca'li 'uo jo'me nalada't, ca'li yataqata qopiyilo gaa'me nat'el capegue'to jogaa'me c'oqo'te ca'li.

Oseas 10:6

Nach'ejo jo'me nequi'i male qoyeda'a qomle jodi'me Asiria, qaedi qoyen najaqajec jo'ne qoyanem joñe'me nejaliaĝanec jo'ne p'ajaye. Chane'eja gaa'me Israel laje'pi yataqachiñe 'uo qomle ga'me lepocoĝo'j, qa'a nepocoĝodelegue ga'me te'me p'iida'a.

Malaquías 4:1

«Joote nadi'tequena joga'me nolo' qom yataqachiñe edañguilo q'ae'n gaa'me qaleuaĝayaqa choqogaa'me 'yoĝodenaĝayaqa, ena'am ga'me auaqapi da'me yavi'j. Yataqachiñe qaya'te 'liyoĝot, qa'a 'uo da'me yalemataic, mach'e jayem Jaliaĝanec jo'ne ñapacalegue ena'uac.

Miqueas 5:11

Qomle jeleguemaĝata da'me ñolaĝachidiñe naa'me at'achaqachidi', nataq'aen da'me jamaĝadiñe naa'me adequepaĝanaqa'chidi'.

Oseas 4:16

Ami Israel lec'oqo'tepi, yataqachiñe ami qaleuaĝayaqa. ¡Yataqachiñe ami pagaĝalayaqa, anapaquiyalegue joga'me uaca le'em jo'ne ouaqaic! Ena'te jayem auajoi'ta qaedi ami je'eteque qomle ta'le aueñiya'ama gaa'me 'nanaĝate lec'oqo'te jo'ne oyaĝayaqa.

Oseas 4:17

»Ami lec'oqo'tepi di'me Efraín, qom jetaque maliaĝa auep'iiya'alo jogaa'me qop'iyapegalo, ¡qama'le ja ami 'te jepagaqate'teque ta'le aĝañiñi!

Amós 6:8

Joñe'me Jaliaĝanec jo'ne napacalegue ena'uac, naq'aeta joga'me nenaĝategue jo'ne 'naĝataĝac: «Yataqata jiquiya'a da'me ni'yoĝodenaĝa'j jena'me Jacob c'oqo'tepi; chayovida'a ja joqopitalo gaa'me nejaliaĝaiqui'; qama'le janem qomle jenjo' noic jogaa'me adaute'udi': yataqata jen capegue'to yema gaa'me neteda'ña.»