Oseas 11:5 - Toba del Oeste

⁵ Qalaĝaja gaa'me yataqata ja jayem 'te 'viyelaĝadeta. Chane'eja qomle yitaĝa jen 'viyelaĝata jodi'me Egipto, qama'le nach'edi di'me Asiria male nejaliaĝatelo'te qomle jogaa'me.

La'aqtaqa Ñim Lo'onatac 'Enauacna 2013

⁵ Qaq namayepi saishet qome da qaltaq ỹe'eguelaxa ye Egipto, cha'aye na asiiriopi choche ỹamaqtac qome namayepi, souaxat da namayepi saishet da aỹem ñe'eguelaxa.

Oseas 11:5 Referans Kwoze

Oseas 7:16

Male jayem queda'e qaedi yec'adeta joñe'me qop'iyapega jo'ne ja eja; eda'am ga'me chiquenec namaqaic qa'a nach'e eta't da'me nepate'n da'me 'noota ladic. Jogaa'me lejaliaĝanaqa yele'u qomle uedalegue joga'me nalataqa', jouaĝat da'me jo'ne nenaĝatedegue da'me jayem nauteta, qama'le joga'me Egipto laje'pi yataqachiñe ye'ue'tape jogaa'me.»

Oseas 8:13

Yataqachiñe noqopideta da'me yeguedoue ga'me lajaqaje'j, qama'le yali'j ga'me lapat joga'me qoyen lajaqaje'j. Qalaĝaja da'me jayem jo'ne Jaliaĝanec ja jetaque jaconegueta gaa'me lajaqaje'j, dite da'me male ñetouetaque daa'me 'lonataqa jo'ne ja 'noe'n, qama'le je'uaĝa'n qomle jogaa'me: ¡male yitaĝa qoyauegalo qomle di'me Egipto!

Oseas 10:6

Nach'ejo jo'me nequi'i male qoyeda'a qomle jodi'me Asiria, qaedi qoyen najaqajec jo'ne qoyanem joñe'me nejaliaĝanec jo'ne p'ajaye. Chane'eja gaa'me Israel laje'pi yataqachiñe 'uo qomle ga'me lepocoĝo'j, qa'a nepocoĝodelegue ga'me te'me p'iida'a.

Oseas 9:3

Ami Efraín lec'oqo'tepi, male ja oñita'ña ga'me mach'e a'naleuai, jo'ne ami yanema ca'li ñe'me Jaliaĝanec, qa'a a'viyelaqa'y qomle di'me Egipto nataq'aen di'me Asiria, qama'le aualiqui ga'me niqui'yaĝat jo'ne te'me ja ami 'te qoyaje'tema.

Amós 5:27

qom jen ami qoyauetegue di'me aleua jo'ne ja at'achaqadi', anapaquiyalegue jodi'me Damasco.» Naq'aeta da'me 'laqatac joñe'me Jaliaĝanec, nach'eñe joñe'me Dios jo'ne napacalegue ena'uac.

Amós 4:6

«Da'me jayem qamqa'me ja'uo ca'li joga'me noqouaĝa yemeda naa'me naajo' at'achaqadi'; jen qaya ca'li joga'me qoyalic yema jenjo' jiyaĝadipi. ¡Qalaĝaja da'me ami maliaĝa ja jayem 'te a'niyelaqaeya!» Naq'aeta da'me 'laqatac ñe'me Jaliaĝanec.

Oseas 9:6

Qa'a mate mane'e auajoyiye qomle, qaedi ami yaĝa'n ga'me qonolaĝachiñe, qalaĝaja gaa'me Egipto laje'pi male ami yaconalo, qama'le ua'a da'me ami qoyejedi'ña qomle di'me noic jo'ne Menfis. Ga'me auañiya jo'ne plata, yataqachiñe yejamaq nenoĝojeguem jaga'me poqo, chayovida'a joga'me adomachaqadi' male najeguem qomle jaga'me yaĝat.

Oseas 6:1

Qama'le ga'me Israel lec'oqo'tepi male enapega't ca'li: «¡Qolaq! ¡Yitaĝa jec'otaĝa ñe'me Jaliaĝanec! Te'me qo'mi yolaĝachiguilo ca'li, qalaĝaja yataqachiñe qo'mi natade'n qomle; te'me jalcote da'me qo'mi ye'uaĝa'n ca'li, qalaĝaja yataqachiñe qo'mi yichoĝode'n qomle.

Oseas 5:13

»Qama'le di'me Israel male yauana qomle ga'me lachoĝodec, nataq'aen di'me Judá male yauana qomle da'me yédiñe. Chane'eja Israel yelaque qomle lichoĝodenataĝanaĝac ga'me nejaliaĝanec let'adaic jo'ne yelolegue di'me Asiria. ¡Qalaĝaja joñe'me ja yaqanatet ta'le ami nec'alaĝatedegue!

Amós 4:11

«Chayovida'a da'me yataqata ami japalaĝa't ca'li, da'me jen ena'am ca'li di'me Sodoma nataq'aen Gomorra, qama'le aueñiya'am ca'li jaga'me poqo nale yemta qonamaĝata. ¡Qalaĝaja maliaĝa ja jayem 'te a'niyelaqaeya!» Naq'aeta da'me 'laqatac joñe'me Jaliaĝanec.