Oseas 10:8 - Toba del Oeste

⁸ Yataqachiñe qoyolaĝa't qomle gaa'me tamenaqa'te jo'ne uetalo'te gaa'me qajoĝona'a, qa'a jenjo' Israel laje'pi ueteda'a nale qaedi yauote loe'j. Chane'eja gaa'me c'atonaĝala'te nadije'ma qomle gaa'me laĝadiijat nataq'aen jaga'me yaĝat. Qama'le jogaa'me jiyaĝadipi enapegalo qomle gaa'me qajoĝona'a: «¡'Noota qom male qo'mi auoĝochidiñe!» Nach'e ena'am enapegalo qomle gaa'me comada'a: «¡'Noota qom a'naqaiñe, qo'mi ayilo'te qomle!»

La'aqtaqa Ñim Lo'onatac 'Enauacna 2013

⁸ Qataq nlaguiñi qome na qauem natamnaqa'pi, maye huaña naxa da ỹo'ot na lasouaxashetpi na Israel le'ecpi. Qataq ana lca'atoxonaxalatepi ñaxaalec qome ana cotaquepi qataq ana 'epaqole maye huo'o ana le, nache namayepi 'enapega qome ana qasoxonaxapi, 'eeta': «¡Ña qomi' qauapoileguete!» Qataq 'enapega ana lcomaraxalatepi, 'eeta': «¡Ñaq qomi' qaupataqaiyiñi!»

Oseas 10:8 Referans Kwoze

Oseas 9:6

Qa'a mate mane'e auajoyiye qomle, qaedi ami yaĝa'n ga'me qonolaĝachiñe, qalaĝaja gaa'me Egipto laje'pi male ami yaconalo, qama'le ua'a da'me ami qoyejedi'ña qomle di'me noic jo'ne Menfis. Ga'me auañiya jo'ne plata, yataqachiñe yejamaq nenoĝojeguem jaga'me poqo, chayovida'a joga'me adomachaqadi' male najeguem qomle jaga'me yaĝat.

Amós 8:14

Nach'e ena'am gaa'me p'iida'a joga'me qop'iyapega di'me Samaria, nataq'aen di'me Dan, chayovida'a di'me Beerseba: ena'uaque jogaa'me 'naqadañe qomle, ja yitaĝa 'niyelaĝadijeguem, qa'a yataqata yele'u.»

Miqueas 1:13

Ami jo'ne at'achaqadi' di'me noic Laquis, ¡male auacoñi'ualo gaa'me pe'ga jo'ne vidiaqayaqa jo'ne yaue'j nale gaa'me cadeetal! Ca'li ami yajouaĝa't da'me loec di'me noic jo'ne Sión, qa'a 'uo ca'li ga'me anautenaĝaqui, ena'ama gaa'me Israel laje'.

Miqueas 1:5

'Uo jena'me jenjo' qa'a yajouaĝat gaa'me 'letaĝaloĝoco ja najataĝayaqa joga'me Israel laje'pi nataq'aen ga'me Judá laje'pi. ¿Jach'e jogamaĝa ua'ague da'me 'letaĝaloĝo'j gaa'me Israel laje'pi? ¡Ueda'ague di'me noic jo'ne Samaria! Uotaĝa gaa'me Judá laje', ¿jach'e jogamaĝa ueteda'ague nale netametapecoto gaa'me qop'iyapegalo jo'ne ja ejoda? ¡Nach'edi di'me Jerusalén!

Oseas 10:5

Jogaa'me Samaria laje'pi yataqachiñe deda'y nataq'aen noye'tape, yajouaĝat da'me male qoyajaĝañe ga'me uaca lequi'i jo'ne qonetametapecot nale di'me noic Bet-avén. Nach'e ena'ama gaa'me tamenaĝaiqui lo'olpi jo'ne neteleta nale yataqachiñe noyetedapelegue, qa'a joda'me 'lonaĝac male qaya.

Oseas 10:2

Israel yataqachiñe ja yataĝalegue da'me 'loyaĝac, qama'le nayi male qoya'uo lachoĝodec, yajouaĝa't daa'me loeco. Qa'a joñe'me Jaliaĝanec yapalaĝa't qomle gaa'me lec'atonaĝala'te, nataq'aen e'n 'naqadañe jogaa'me qadi jo'ne qop'iya'alo.

Oseas 5:8

¡Auajediiyelo naa'me adajeedeldi'! ¡A'uaqataĝañiyema yemeda jogaa'me ueteda'a di'me Guibeá choqodi'me Ramá nataq'aen di'me Bet-avén! ¡'Noota qom niyamaĝateta'ajalo jogaa'me ueteda'a di'me Benjamín!

Oseas 4:15

»Ami Israel lec'oqo'tepi, qom maliaĝa auep'iiya'alo gaa'me qop'iyapegalo, qama'le 'noota ta'le ja ena'ama gaa'me c'oqo'tepi di'me Judá. Male aĝañiñi da'me auec'achiya di'me Guilgal choqodi'me Bet-avén: ¡ena'te auauoyi adajaqajequi nale, uotaĝa ta'le jayem a'naĝachiyot!

Oseas 4:13

Quije'meque naa'me qajoĝona'a jo'ne qayaje'meque, nataq'aen ne'toto gaa'me paqa'li gaa'me e'epa lat'edael, qaedi yauo'oe lajaqaje'j jo'ne yate'm gaa'me qop'iyapegalo. Qo'oche', ami tamenaĝaiqui lo'ol, gaa'me ac'oqocheldi' nataq'aen gaa'me adateldi' ch'e leua'u nale gaa'me ja loua'.

Oseas 2:6

»Chane'eja japadeta'uo qomle, japadiñgui da'me ladic, qama'le jachaue jaga'me qop'adit jo'ne yeda'at jaga'me yaĝat, qaedi ja yaqanatet ta'le yenoĝonegue.

Oseas 10:9

Nenaĝategue ca'li ñe'me Jaliaĝanec jenjo': «Ami Israel lec'oqo'tepi, yataqachiñe ja aĝañiñi da'me adoequi, chiyoqo'teguet ca'li ovi'ta di'me Guibeá chayovida'a nayi. Chane'eja chiyoqochi'ña qomle di'me dijo' Guibeá, male ami novitalo joga'me nalada't.

Amós 7:9

Gaa'me netamenaqa'te di'me Isaac male yataqata qoyapalaĝa't qomle, chayovida'alo gaa'me tamenaĝaiqui' di'me Israel yataqata qoyolaĝachiguilo qomle. Qama'le ñodijeguem jena'me yedaĝanaĝat da'me ñautenalo joga'me layi di'me Jeroboam.»

Nahúm 3:11

»Chane'eja nach'e ena'am da'me am Nínive, am qoniyomaĝañgui qomle ga'me lataĝa, qama'le am taĝaic; 'uo da'me adepocoĝoc, qama'le anañoĝotetapiñe, nataq'aen auelotaque ga'me am yic'olegue, yajouaĝat da'me am dajo'tot jena'me adauteua.

Oseas 8:5

Yataqachiñe ami jalematayalo, ami Samaria laje'pi, yajouaĝat na'me uaca lequi'i jo'ne a'vichi ca'li qaedi qonetametapecot nale. ¿Jach'e joga ga'me ua'a da'me aĝañiñi?

Amós 1:5

Nataq'aen 'ñaĝa't qomle gaa'me najo'mi di'me noic Damasco, qaedi qaya'te yaqanatet ta'le de'uolegue. Nach'e ena'am ñolaĝachidiñe qomle gaa'me jo'ne yelolo'te ga'me laje'pi di'me Bicat-avén, choqoga'me yelolegue di'me noic jo'ne Bet-edén, qama'le yema ga'me Siria laje'pi male qoyaueguelo qomle di'me aleua jo'ne Quir.» Naq'aeta da'me 'laqatac ñe'me Jaliaĝanec.

Amós 3:14

Qa'a qom ua'a da'me ja'uo yec'atenaĝanaĝac ga'me Israel laje'pi yajouaĝat jogaa'me 'lonataqa jo'ne ja 'noe'n, qama'le yataqata japalaĝa't jogaa'me c'atonaĝala'te di'me noic jo'ne lenaĝat Betel. Nataq'aen gaa'me lepeel di'me c'atonaĝala' male qoyichaĝadegue qama'le tadi'ña jena'me aleua.