Oseas 10:2 - Toba del Oeste

² Israel yataqachiñe ja yataĝalegue da'me 'loyaĝac, qama'le nayi male qoya'uo lachoĝodec, yajouaĝa't daa'me loeco. Qa'a joñe'me Jaliaĝanec yapalaĝa't qomle gaa'me lec'atonaĝala'te, nataq'aen e'n 'naqadañe jogaa'me qadi jo'ne qop'iya'alo.

La'aqtaqa Ñim Lo'onatac 'Enauacna 2013

² Qaq ne'ena Israel le'ecpi, colaxagui da lquiyaqteỹaxac, qaq namayepi nagui huo'o da lasouaxashet. Ñim Nataxala' ilaxachigui qome ana lca'atoxonaxalatepi namayepi, qataq nlaxaañi nam natamnaxala'pi coma'.

Oseas 10:2 Referans Kwoze

Miqueas 5:13

Jolaĝachiguilo qomle jonaa'me qoyejoidiñe, qadi jo'ne qo'noĝodijeguem ca'li, qaedi ja yitaĝa anetameñiyoto naa'me naajo' qop'iyapegalo jo'ne ch'e at'onataqadi'.

Sofonías 1:5

Nach'e ena'am japalaĝa't qomle jogaa'me netalo'te nale naa'me 'lemaqa qaedi netametot jañe'me ajeua nataq'aen joñe'me auoĝoic choqonaa'me uaqachiñil. Nataq'aen japalaĝa't qomle jogaa'me yejoidiñe naa'me leliquetel qaedi te'me jayem 'naĝatot qama'te nach'e ena'am yec'adeta nale ñe'me payac lenaĝat Milcom qaedi uotaĝa lecochiyalo.

Zacarías 13:2

Yema jenjo' aleua male yataqata japalaĝa't gaa'me lenaqa'te jogaa'me qop'iyapegalo nale, qaedi ja yitaĝa qouenate'talo. Male jeuodaĝaneque jogaa'me lamaĝa's, nach'egaua jo'ne najaĝayelo da'me lañoqotaĝanaĝac ga'me nepaqal jo'ne ja no'en. Jayem jo'ne Jaliaĝanec naq'aeta jena'me 'yaqatac.

Oseas 13:16

Joga'me noic jo'ne Samaria naqaega ualegue qomle jenjo' nec'atenaĝanaĝac, qa'a yataqata 'yotan joñe'me Dios. Male yele'u qa'a ualo'te ñe'me nedaĝanaĝat jo'ne yayaqa yemeda naa'me lael; joga'me c'oqo'tepi male yataqata qoyajaĝa'ña jena'me aleua, jogaa'me yauo' jo'ne qo'uaĝael ualo'te da'me qoyichaĝayelo da'me qoyala't.»

Oseas 7:8

Yitaĝa enaac joñe'me Jaliaĝanec: «Joga'me Israel lec'oqo'tepi male 'yamaqate'n jogaa'me jiyaĝa'u jo'ne ja jayem 'te p'iida'a; qama'le eda'am jaga'me pan jo'ne yavic: 'uo ga'me lae jo'ne joote dato, qalaĝaja ga'me lae laqaya maliaĝa ja dato.

1 Samuel 5:4

Qalaĝaja nete' laqaya ca'li, yitaĝa ueta'añdi ñe'me Dagón, dajo'tot jaga'me lae't daa'me lamajoĝonaĝaco ñe'me Jaliaĝanec. Male yauata da'me qoyichaĝadegue ga'me laqaic choqogaa'me loua', ueteda'ña joga'me qotayape'uo. Nach'egata ga'me lajot da'me maqachaĝa nalo'ta't.

Oseas 3:4

Qa'a nach'e ena'am joga'me Israel lec'oqo'tepi jalcote naa'me noloqo'ote qomle da'me qaya'te lejaliaĝane'j nataq'aen qaya'te lajoĝola't; qaya'te 'uo ga'me ya'uo lajaqaje ta'le qoyanem ñe'me Dios, nataq'aen qaya'te qa' jo'ne qoyen c'atonaĝala'; qayaua'te leuo lael jogaa'me tamenaĝaiqui lo'ol nataq'aen qayaua'te qomle gaa'me nequi'il jo'ne qonetamenoto nale.

Oseas 12:11

Jodi'me Galaad, uo'oe naa'me qop'iyapegalo jo'ne ja 'noe'n, jo'ne yataqata ja yataĝalo'te. Jodi'me Guilgal qoyauo'oe lajaqajec jo'ne uaca le'mi; naa'me c'atonaĝala'te ena'ama jogaa'me qadi nale qolapodijeguem, uañelo jogaa'me nanaĝanaqa'te.»