Oseas 10:1 - Toba del Oeste

¹ Gaa'me Israel laje'pi eda'am ca'li joga'me uva lichidic jo'ne yataqachiñe jalcote da'me lejalayaĝac. Qalaĝaja ca'li nichiquetaye da'me leuoyaĝa'j, male ja jayem 'te yane'm da'me lamai'j, dite da'me jalcote jogaa'me c'atonaĝala'te laqaya' jo'ne qoyauo'oe ca'li. Nataq'aen ca'li jalcote da'me laqataĝanaĝa'j jo'ne yachiyoĝoteda'ña jena'me 'naleua', qama'le yataqachiñe onaĝayaqa jogaa'me qadi jo'ne yauote qaedi qonetametapecoto.

La'aqtaqa Ñim Lo'onatac 'Enauacna 2013

¹ Na Israel le'ecpi, qalaq 'eeta'am ana nañiguishe uva maye ỹataqta qalochiguiñi, qalaxaye co'ollaq ỹataqta qalota ana alapi, nache nataqa'en nquictauec ana no'oxoosheguem nca'atoxonaxalatepi. Qataq co'ollaq mashe ỹataqta 'onaxaic na na'alhuapi, nache nataqa'en ỹataqta 'onaxaic naqa'en nam saq 'en natamnaxala' coma'pi.

Oseas 10:1 Referans Kwoze

Oseas 8:11

»Qa'a joñe'me Efraín jalcote gaa'me 'lonataqa jo'ne c'atonaĝala'te, qalaĝaja nach'edata da'me chiyaqayi da'me jalcote da'me ja no'en jo'ne qoya'uo.

Oseas 12:11

Jodi'me Galaad, uo'oe naa'me qop'iyapegalo jo'ne ja 'noe'n, jo'ne yataqata ja yataĝalo'te. Jodi'me Guilgal qoyauo'oe lajaqajec jo'ne uaca le'mi; naa'me c'atonaĝala'te ena'ama jogaa'me qadi nale qolapodijeguem, uañelo jogaa'me nanaĝanaqa'te.»

Nahúm 2:2

Qa'a joñe'me Jaliaĝanec yadalaĝat qomle da'me 'lañaĝa'j jena'me lec'oqo'tepi jodi'me Jacob, nach'e ena'am da'me 'lañaĝa'j jena'me Israel lec'oqo'tepi, qaedi male ena'am ca'li da'me jona'li qonouo', qaedi ja yitaĝa ta'le eda'am jaga'me uva lichidijat jo'ne qaqata.

Oseas 13:6

»Qalaĝaja ca'li ja auoviñetaque ga'me aualiqui, chayovida'a yataqata adanodiye, naa'me adequidiaqachildi' male yataqata uauelo da'me ja no'en, qama'le jayem aĝañiñi.

Oseas 13:2

Qama'te jogaa'me Efraín lec'oqo'tepi maliaĝa yauote loe'j. Chiyaqayi jaga'me plata da'me yauote ga'me netametot: jenjo' yauote nale neda'ña joga'me lelnataĝa'j, ga'me yauote naajo' onataĝanaĝayaqa. Enapega't nale: «Auauoyi adajaqajequi», qama'le joga'me jiyaĝadipi yataqata qonec'ouoq jenjo' uaca c'oĝot lequi'i.

Oseas 12:8

Efraín 'laqatac: “Eja nayi yataqata jayem neuoyaq, yataqata jauana jaga'me laicaua. Qalaĝaja qaya'te yaqanatet ta'le 'uo joga'me en yaviyaĝajet, da'me nayi 'uo jaga'me yomataĝanaqate, qa'a eja te'me ja jayem 'te no'en”.

Oseas 8:4

»Yauote ca'li joga'me lejaliaĝane'j, qalaĝaja ja jayem 'te yenadetec ga'me mach'e yiquiyac; nataq'aen ca'li yauote gaa'me lajoĝola'te, qama'le ja jayem 'te yanomaĝanaĝa'n. Nataq'aen yacota jaga'me plata nataq'aen jaga'me oro qaedi yauote joga'me netametot nale, qalaĝaja chiyaqayi da'me dojo' male qoyolaĝachigui qomle da'me nejiyaĝauayaĝa'j.

Oseas 2:8

»Jañe'me qa'a ja jetaque 'yamaqaten da'me naqayem jo'ne jiqui'yaĝatac ca'li, nataq'aen janem yema joga'me youetaque. Chayovida'a janem ca'li jaga'me oro nataq'aen jaga'me plata, naqagaua jo'ne yaconalo qaedi ye't jogaa'me lequi'il ñe'me Baal.

Oseas 3:4

Qa'a nach'e ena'am joga'me Israel lec'oqo'tepi jalcote naa'me noloqo'ote qomle da'me qaya'te lejaliaĝane'j nataq'aen qaya'te lajoĝola't; qaya'te 'uo ga'me ya'uo lajaqaje ta'le qoyanem ñe'me Dios, nataq'aen qaya'te qa' jo'ne qoyen c'atonaĝala'; qayaua'te leuo lael jogaa'me tamenaĝaiqui lo'ol nataq'aen qayaua'te qomle gaa'me nequi'il jo'ne qonetamenoto nale.

Oseas 4:7

Ñe'me Jaliaĝanec yitaĝa nenaĝategue da'me dojo', jouaĝa't jogaa'me tamenaĝaiqui lo'olpi, enaac: «Ca'li da'me jalcote gaa'me tamenaĝaiqui lo'ol, ma'ejama'le nichiguegue ga'me loe'j jo'ne jayem nauteta. Chane'eja male joĝotaĝanec da'me li'yoĝodi'j, qaedi ja'uo lepocoqo' q'aen qomle.

Oseas 13:15

Te'me eja onaĝael gaa'me la'uo jodi'me Israel, ena'am joga'me auaqapi, qalaĝaja nac joga'me layat jo'ne vichaĝaguet, chiyoĝogue di'me aleua jo'ne totapega't. Male paja'a daqaqa, qaya qomle ga'me noĝop jo'ne nayetajeguem. Joga'me lauteua deuodaĝanec joga'me leuoyaĝac, yacona naicaua lael, chayovida'a loqolal jo'ne onaĝael.

Oseas 2:10

Qom maliaĝa dajo'tagueta jogaa'me lojaĝa'u, male jen jale'tague: ¡jena'me jenjo' ja nepaten jo' qomle!