Nehemías 8:1 - Toba del Oeste

¹ Chane'eja ca'li yovita jo'me auoĝoic jo'ne séptimo, lenaĝat Etanim, gaa'me Israel lec'oqo'tepi joote yauo'oe naa'me yataqata 'lachaqa'te. Ga'me nolo' jo'ne 'uaeñe, qama'le yema jogaa'me jiyaĝadipi yema'a't, da'me ueda'a di'me nemaqa', ga'me dajoya'ya joga'me qotayape'uo jo'ne lenaĝat da'me Noĝop Ladiiuo. Qama'le joñe'me Esdras, jo'ne paĝaguenataĝanaĝaic nataq'aen tamenaĝaiqui lo'o, qodojapegue' qaedi yelaque jaga'me nede jo'ne uetalo'te jogaa'me lamajoĝonaĝaco joñe'me Jaliaĝanec, jo'ne qoyanema joca'li ñe'me Moisés qaedi qoyapaĝagueneque jogaa'me Israel lec'oqo'tepi.

La'aqtaqa Ñim Lo'onatac 'Enauacna 2013

¹ Qaq huaña, nache 'enauac se'eso maiche nhuo' le'ecpi da laỹona't, huaña so naponqa' maye nalotta so lasom, maye qailonec da le'enaxat 'etaxat, nache qaiỹaxanot so napaxaguenataxanaq Esdras da ndouec aso lmalate so lqataxacpi Ñim Nataxala', maye ỹanem co'ollaxa so Israel le'ecpi ỹachegoxotchigui so Moisés.

Nehemías 8:1 Referans Kwoze

Esdras 7:6

Joñe'me Esdras qa'a paĝaguenataĝanaĝaic jo'ne yataqata yayaten jana'me Dios 'laqatac lae't, ca'li yaloĝon di'me Moisés. Joñe'me Jaliaĝanec 'yetec ca'li ñe'me Artajerjes qaedi yema ga'me youetaque ñe'me Esdras yema qoya'uo. Qama'le joñe'me Esdras ca'e di'me Babilonia,

Nehemías 3:26

choqogaa'me namaĝa's jo'ne t'onataĝadoue ga'me Dios netamenaĝaiqui jo'ne 'lachaqa't di'me Ófel, chayovida'a joga'me qotayape'uo jo'ne lenaĝat Noĝop Ladiiuo, nataq'aen joga'me qayaje'mec jo'ne qoyaajeguem.

Esdras 7:11

Joñe'me Esdras mach'e tamenaĝaiqui lo'o nataq'aen paĝaguenataĝanaĝaic jo'ne yataqata yayate'n gaa'me lamajoĝonaĝaco joñe'me Dios jo'ne yanema ca'li ga'me Israel laje'pi, qama'le yachi ca'li jaga'me lediije joñe'me jaliaĝanec Artajerjes, jo'ne enaac:

Malaquías 4:4

«Ami Israel lec'oqo'tepi, anetoviñetac da'me lapaĝaguenataĝanaĝac di'me Moisés, mach'e ñejoĝonec ca'li: ca'li quije'mec jodi'me qajoĝonaĝa jo'ne lenaĝat da'me Horeb, qama'le je'elopec da'me yanema gaa'me yamajoĝonaĝaco gaa'me Israel lec'oqo'tepi. Chane'eja da'me ami, ¡ena'te auapalaĝache'talo naa'me naajo'!

Nehemías 12:37

Yem qama'le yec'adeta ga'me nadiiuo jo'ne lenaĝat Noĝop jo'ne Nayetaye, male pelo'te jogaa'me napiaĝala'te jo'ne chiyoqotedelegue ga'me Lejaliaqa' di'me David, chayovida'a joga'me qotayape'uo jo'ne lenaĝat Noĝop Ladiiuo, ua'ague joga'me cha'ña.

Nehemías 8:16

Chane'eja jogaa'me jiyaĝadipi male eque' qama'le yichaĝadegue jogaa'me epaq lolelaĝael qaedi yauo'oe jogaa'me lomachaĝaiqui'. Qama'le uo'oe jogaa'me jo'ne yanedalegue ga'me p'ajeguem gaa'me emaqa, uotaĝa yaneda'ña ga'me najoĝoc joga'me 'lachaqa', uotaĝa joga'me lae ga'me tamenaĝaiqui, uotaĝa joga'me nemaqa' jo'ne dajoya'ya joga'me qotayape'uo jo'ne lenaĝat da'me Noĝop Ladiiuo, chayovida'a jogaa'me nemaqa' jo'ne yelo'ta joga'me najom di'me Efraín.

Esdras 7:10

Joñe'me Esdras yataqata 'nañaĝat da'me napaĝaguenalo daa'me lamajoĝonaĝaco joñe'me Jaliaĝanec, qa'a jetaque yepaquetelegue yema, nataq'aen yataqata yapaĝagueneque gaa'me Israel lec'oqo'tepi gaa'me namajoĝonaĝaco nataq'aen nedii's laqaya'.

Nehemías 8:3

Da'me ne'teta chayovida'a nolo' laeñi, da'me qodojelegue jaga'me nede. Yema joga'me jiyaĝadipi yataqachiñe qonaquiaĝanalo jogaa'me lamajoĝonaĝaco joñe'me Dios.

Esdras 7:1

Yenoĝodegue jaa'me 'uoidi, ca'li 'uo da'me lejaliaĝa di'me Artajerjes, 'uo joga'me novi' jiyaĝaua jo'ne lenaĝat Esdras, mach'e chiyoĝogueta di'me Seraías, Azarías, Hilquías,

Nehemías 12:26

Yema naa'me naajo' cha'li nec'aletedaye jaa'me noloqo'ote ca'li 'uo di'me Joaquim, c'oĝot di'me Josué, nataq'aen mach'e laual jodi'me Josadac; ca'li 'uo da'me lejaliaĝa ñe'me Nehemías, nataq'aen joñe'me Esdras, jo'ne tamenaĝaiqui lo'o nataq'aen paĝaguenataĝanaĝaic.